زیادہ تر علما کی رائے میں حجاب جو کہ عورت کے سر اور گردن کو ڈھکتا ہے، عورتوں کو پہننا لازمی ہے۔ دنیا بھر میں مسلمان عورتیں مختلف ڈیزائنوں اور رنگوں کے حجاب پہننا پسند کرتی ہیں۔

کئی مسلم ممالک میں چادر خواتین کے لباس کا اہم حصہ ہوتا ہے۔ پاکستان کے صوبے خیبر پختونخواہ، اور کچھ دیگر علاقوں میں عورتیں گھروں سے باہر چادر پہنے بغیر نہیں نکلتیں۔ چادر زیادہ تر سفید یا کالے رنگ کی ہوتی ہے۔

نقاب عورت کے چہرے کو چھپا دیتا ہے اور صرف آنکھیں نظر آتی ہیں۔ کئی مرتبہ نقاب کا کپڑا اتنا زیادہ ہوتا ہے کہ عورت کی چھاتی اور کمر بھی ڈھک جاتی ہے۔

عبایا ایک کھلی طرز کا لباس ہے جس میں پورا جسم ڈھکا ہوتا ہے۔ دنیا بھر میں مسلمان عورتیں مختلف رنگوں اور ڈیزائنوں کے عبایا زیب تن کرتی ہیں۔ مختلف موقعوں پر مختلف طرح کے عبایا پہنے جاتے ہیں۔ ان میں دیدہ زیب کڑھائی والے اور سادے، دونوں طرح کے عبایا شامل ہیں۔

برقعہ بھی عبایا کی ہی ایک قسم ہے۔ پاکستان اور افغانستان کے کچھ حصوں میں ’ٹوپی برقعہ‘ پہنا جاتا ہے جس میں عورتیں آنکھوں کے سامنے والے کپڑے میں کچھ سوراخوں سے ہی باہر دیکھ سکتی ہیں۔

بہت سی مسلمان عورتیں اپنے سر کو حجاب سے نہیں ڈھکتیں اور جدید ملبوسات پہننا پسند کرتی ہیں۔

یورپی یہودیوں نے سترہویں اور اٹھارہویں صدی میں مذہبی علامت کے طور پر یارمولکے یا کِپا پہننا شروع کیا تھا۔ یہودی مذہبی روایات کے مطابق تمام مردوں کے لیے عبادت کرنے یا قبرستان جاتے وقت سر کو کِپا سے ڈھانپنا لازمی ہے۔

مائٹر یا تاج رومن کیتھولک چرچ کے بشپس مذہبی رسومات کے دوران پہنتے ہیں۔ اس تاج نما ٹوپی کی پشت پر لگے دو سیاہ ربن بائبل کے عہد نامہ قدیم اور جدید کی علامت ہیں۔

سکھ مذہب کا آغاز شمالی بھارت میں پندرہویں صدی میں ہوا تھا۔ سکھ مت میں داڑھی اور پگڑی کو مذہبی اہمیت حاصل ہے۔ پگڑی عام طور پر سکھ مرد ہی باندھتے ہیں۔ نارنگی رنگ سب سے زیادہ پسند کیا جاتا ہے۔

مشرق وسطیٰ کے کئی ممالک میں خواتین چادر اوڑھتی ہیں، جسے فارسی میں چادور کہتے ہیں۔ فارسی میں اس کے معنی خیمے کے ہیں۔ اس لباس سے پورا جسم ڈھک جاتا ہے۔ زیادہ تر سیاہ رنگ کی چادر استعمال کی جاتی ہے۔

دنیا بھر میں مسیحی راہبائیں مذہبی طور پر ایک خاص قسم کا لباس پہنتی ہیں۔ یہ لباس مختلف طوالت اور طریقوں کے ہوتے ہیں اور ان کا دار و مدار متعلقہ چرچ کے مذہبی نظام پر ہوتا ہے۔

ہیڈ اسکارف کو حجاب بھی کہا جا سکتا ہے۔ حجاب پہننے پر مغربی ممالک میں شدید بحث جاری ہے۔ ترک اور عرب ممالک سے تعلق رکھنے والی خواتین کی ایک بڑی تعداد اپنے سروں کو ہیڈ اسکارف سے ڈھکتی ہے۔

ھاسیدک برادری سے تعلق رکھنے والی شادی شدہ کٹر یہودی خواتین پر لازم ہے کہ وہ اپنے سر کے بال منڈوا کر وگ پہنیں۔ اس وگ کو شیتل کہا جاتا ہے۔

رومن کیھتولک پادریوں نے تیرہویں صدی سے بیرت پہننا شروع کیا تھا۔ اس کی تیاری میں کپڑا، گتا اور جھالر استعمال ہوتے ہیں۔ جرمنی، ہالینڈ، برطانیہ اور فرانس میں اس ہیٹ کے چار کونے ہوتے ہیں جبکہ متعدد دیگر ممالک میں یہ تکونی شکل کا ہوتا ہے۔

کاٹن سے بنا ہوا یہ اسکارف نما کپڑا کم از کم پندرہ میٹر طویل ہوتا ہے۔ اسے زیادہ تر مغربی افریقہ میں استعمال کیا جاتا ہے۔ طوارق جنگجو اپنا چہرہ چھپانے اور سر کو ڈھکنے کے لیے اسے بہت شوق سے پہنتے ہیں۔

یہودی شٹریمل مخمل اور فر سے بنائی جاتی ہے۔ شادی شدہ یہودی مرد اس ہیٹ کو چھٹیوں اور مذہبی تقاریب میں پہنتے ہیں۔ یہ جنوب مشرقی یورپ میں آباد ھاسیدک یہودی برادری نے سب سے پہلے پہننا شروع کیا تھا۔

شمالی امریکا کی آمش برادری کا شمار قدامت پسند مسیحیوں میں ہوتا ہے۔ آمش اٹھارہویں صدی میں یورپ سے امریکا جا کر آباد ہوئے تھے۔ ان کی خواتین بالکل سادہ جبکہ مرد تھوڑے مختلف قسم کے فیلٹ ہیٹ پہنتے ہیں۔

ریاض میں واقع بیلجیم سفارتخانے میں سعودی شہزادی صفیہ حسین اور بیلجیم کی فیشن ڈیزائنر کرستوف بیوفیس اپنی تازہ کلیکشن پیش کر رہی ہیں۔ یہ کلیکشن ماڈیسٹ فیشن یعنی جدت اور شائستگی پر مبنی ہے۔ یہ ایسا پہلا موقع ہے جب سعودی عرب کے فیشن شو میں مرد اور خواتین کو ایک ساتھ شرکت کی اجازت دی گئی ہے۔

فیشن سادہ لیکن پرکشش ہونا چاہیے۔ بیوفیس اور صفیہ نے سعودی شاہی خاندان کے سخت ڈریس کوڈ کے معیار پر پورا اترنے کے لیے اس بات کا خاص خیال رکھا۔ مگر اس فیشن شو میں شرکت کرنے والے زیادہ تر افراد مغربی ملبوسات زیب تن کیے ہوئے تھے۔

’خالقی شِک‘ نامی اس کلیکشن میں شوخ رنگوں اور بڑے نقش و نگار کا استعمال کم کیا گیا۔ پھیکے یا ہلکے رنگوں کے جبہ نما لباس روایتی عربی ملبوسات کی شان خیال کیے جاتے ہیں۔

اس ماڈل نے سیاہ رنگ کے خوبصورت لانگ ڈریس پر سفید کاؤ بوائے ہیٹ پہنی ہے۔ یہ انداز مشرقی اور مغربی ثقافت کا عمدہ امتزاج نظر آتا ہے۔

سن 2017 کے دوران دبئی میں رنگارنگ ماڈیسٹ فیشن ویک کا انعقاد کیا گیا تھا۔ یہ ماڈل ترکی کے ’مسلمہ ویئر‘ نامی ڈیزائنر لیبل کا تیار کردہ لباس پیش کر رہی ہیں۔

نوجوان مسلم خواتین کے مزاج اور پسند کو مدنظر رکھتے ہوئے مسلمہ ویئر کمپنی ایسے رنگارنگ نقش ونگار سے بھرے ملبوسات تیار کرتی ہے۔ انسٹاگرام پر اس لیبل کے پیج کے چالیس ہزار فالوورز ہیں۔

مغربی ممالک سے تعلق رکھنے والی ٹاپ ماڈلز بھی ماڈیسٹ فیشن شو کی ریمپ پر جلوہ نما ہوتی ہیں۔ امریکا سے تعلق رکھنے والی حلیمہ عادن ترک ڈیزائنر راویت بغرباگلی کے نئے ملبوسات کی نمائش کر رہی ہیں۔

سیکولر اور قدامت پسند حلقوں کی جانب سے ماڈیسٹ فیشن پر تنقید کی جاتی ہے۔ صومالوی نژاد امریکی ماڈل حلیمہ عادن فیشن صنعت میں بطور ٹاپ ماڈل کام کرتی تھیں۔ لیکن سن 2020 میں انہوں نےیہ پیشہ چھوڑنے کا فیصلہ کر لیا کیونکہ انہیں لگتا تھا کہ ان کے عقیدے کا احترام نہیں کیا جاتا۔