اس حادثے پر ترک حکومت نے سہہ روزہ سوگ کا اعلان کیا ہے۔ دوسری جانب ہلاک ہونے والوں کی تدفین کا سلسلہ جاری ہے۔ اس موقع پر انتہائی جذباتی اور رقت آمیز مناظر دیکھنے کو ملے۔

ترک وزیر توانائی تانر یلدز کا کہنا کہ وقت ان کے حق میں نہیں جا رہا اور ابھی تک 196 لاشیں ان کے لوحقین کے حوالے کر دی گئی ہیں۔

وزیر اعظم ایردوآن نے کہا کہ کان میں پھنسے ہوئے کارکنوں کی تعداد کے بارے میں یقین سے کچھ بھی نہیں کہا جا سکتا لیکن مقامی کان کن آپریٹرز کے مطابق 120 مزدور ابھی بھی کان میں پھنسے ہوئے ہیں۔

منہدم کوئلے کی کان میں پھنسے ہوئے کارکنوں کے زندہ بچ جانے کی امید ختم ہوتی جا رہی ہے۔ حادثے کے وقت کوئلے کی کان میں تقریباﹰ 787 کارکن موجود تھے۔

بدھ کو رات گئے بتایا گیا کہ تقریباﹰ 450 مزدوروں کو کان سے باہر نکال لیا گیا ہے۔ آزاد ذرائع کے مطابق فی الحال ان اعداد و شمار کو حتمی قرار نہیں دیا جا سکتا۔

وزیر اعظم رجب طیب ایردوآن نے کا صوبہ مانیسا کے شہر صوما میں متاثرہ کان کے دورے کے بعد کہنا تھا، ’’ ہمیں اپنی حالیہ تاریخ کے سب سے بڑے حادثے کا سامنا ہے۔‘‘ اس علاقے میں موجود متاثرین کے غمزدہ رشتہ داروں نے وزیراعظم سے مستعفی ہونے کا مطالبہ کیا ہے۔

صوما کے علاقے کو لگنائٹ کوئلے کی کان کنی کے لیے ایک اہم مرکز سمجھا جاتا ہے اور یہ استنبول سے تقریبا 250 کلومیٹر جنوب میں واقع ہے۔

اس سے قبل ترکی کی کان کنی کی صنعت میں بدترین حادثہ 1992ء میں پیش آیا تھا۔ اس وقت 263 مزدور ہلاک ہوئے تھے۔ دریں اثناء ، فرانس، جرمنی، یورپی یونین اور امریکا نے ترکی کے ساتھ تعزیت کرتے ہوئے مدد کی پیش کش کی ہے۔

انقرہ اور استنبول میں ہزاروں افراد نے حکومت مخالف مظاہرے کیے ہیں۔ مظاہرین نے حکومت اور کان کنی کی صنعت پر غفلت برتنے کا الزام عائد کیا ہے۔

انقرہ میں تین سے چار ہزار افراد نے حکومت مخالف مظاہرے میں شرکت کی۔ پولیس نے ان کو منتشر کرنے کے لیے آنسو گیس اور تیز دھار پانی کا استعمال کیا۔

اسی طرح استنبول میں بھی ہزاروں افراد نے حکومت مخالف مظاہرہ کیا۔ نیوز ایجنسی اے ایف پی کے مطابق اس سے پہلے اُن آٹھ سو اسٹوڈنٹس کے خلاف بھی آنسو گیس کا استعمال کیا گیا، جنہوں نے وزارت توانائی کی طرف مارچ کیا۔

تجزیہ کاروں کے مطابق اگر حکومتی سطح پر غفلت برتنے کے الزامات سچ ثابت ہوتے ہیں تو ایردوآن حکومت کو انتہائی سیاسی دباؤ کا سامنا کرنا پڑ سکتا ہے اور ایک مرتبہ پھر ملک بھر میں حکومت مخالف احتجاج کا سلسلہ شروع ہو سکتا ہے۔

زائرین سعودی شہر مکہ میں واقع خانہ کعبہ کے گرد طواف کرتے ہیں۔ یہ اسلامی مذہب کا سب سے مقدس ترین مقام ہے۔ ہر مسلمان پر ایک دفعہ حج کرنا واجب ہے، بشرطیکہ وہ اس کی استطاعت رکھتا ہوا۔ سن 1941 میں حج کرنے والوں کی تعداد محض چوبیس ہزار تھی جو اب سفری سہولتوں کی وجہ سے کئی گنا تجاوز کر چکی ہے۔ رواں برس یہ تعداد بیس لاکھ سے زائد ہے۔

دوران حج زائرین مختلف اوقات میں خانہٴ کعبہ کا طواف کرتے ہیں اور حجر اسود کو چومنے کی سعادت بھی حاصل کرتے ہیں۔ ایک طواف کی تکمیل میں سات چکر شمار کیے جاتے ہیں۔ استعارۃً خانہ کعبہ کو اللہ کا گھر قرار دیا جاتا ہے۔ زائرین طواف کے دوران بلند آواز میں دعائیہ کلمات بھی ادا کرتے رہتے ہیں۔

گزشتہ پچیس برسوں کے دوران حج کرنے والوں کی تعداد چون ملین کے قریب ہے۔ سعودی حکام کا خیال ہے کہ سن 2030 تک سالانہ بنیاد پر مکہ اور مدینہ کے زیارات کرنے والے زائرین کی تعداد تیس ملین کے قریب پہنچ جائے گی۔

سعودی عرب کے محکمہٴ حج کے مطابق ہر روز مختلف زبانوں میں ترجمہ شدہ قرآن کے اسی لاکھ نسخے مختلف ممالک کے زائرین میں تقسیم کیے جاتے ہیں۔ ان کے علاوہ مقدس مقامات میں افراد کو حسب ضرورت مذہبی وظائف کی کتب بھی پڑھنے کے لیے دی جاتی ہیں۔

حج کے دوران دہشت گردی کے خطرے کو سعودی سکیورٹی حکام کسی صورت نظرانداز نہیں کرتے لیکن مناسک حج کے دوران بھگدڑ مچھے کے واقعات رونما ہوتے رہے ہیں۔ ان میں سب سے خوفناک سن 2015 کی بھگدڑ تھی، جس میں دو ہزار انسانی جانیں ضائع ہوئی تھیں۔ سعودی حکام اس بھگدڑ میں ہلاکتوں کی تعداد محض 769 بیان کرتے ہیں۔

مناسک حج کی ادائیگیوں کے دوران پچیس مختلف ہسپتالوں کو چوکس رکھا گیا ہے۔ تیس ہزار ہنگامی طبی امدادی عملہ کسی بھی ایمرجنسی سے نمٹنے کے الرٹ ہوتا ہے۔ ہنگامی صورت حال کے لیے 180 ایمبیولینسیں بھی ہر وقت تیار رکھی گئی ہیں۔ شدید گرمی میں بھی کئی زائرین علیل ہو جاتے ہیں۔

رواں برس کے حج کے دوران سولہ ہزار ٹیلی کمیونیکیشن ٹاور تعمیر کیے گئے ہیں۔ انہیں تین ہزار وائی فائی پوائنٹس کے ساتھ منسلک کر دیا گیا ہے۔ اس طرح رواں برس کے حج کو ’سمارٹ حج‘ بھی قرار دیا گیا ہے۔

رواں برس کے حج کے دوران ہزاروں سکیورٹی اہلکاروں کے ساتھ اٹھارہ ہزار شہری دفاع کے رضاکار بھی تعینات کیے گئے ہیں۔ یہ اہلکار مختلف مقامات پر فرائض انجام دے رہے ہیں۔

مناسک حج کی عبادات میں شرکت کے لیے دنیا بھر سے بذریعہ ہوائی جہاز اور ہمسایہ ممالک سے زمینی راستوں سے لاکھوں افراد سعودی عرب پہنچ چکے ہیں۔ صرف چودہ ہزار انٹرنیشنل اور ڈومیسٹک پروازیں سعودی ہوائی اڈوں پر اتری ہیں۔ اکیس ہزار بسوں پر سوارہو کر بھی زائرین سعودی عرب پہنچے ہیں۔