سوویت یونین نے اپنا سپوتنک سیٹلائٹ سن 1957 میں خلا میں روانہ کیا تھا۔ یوں سوویت یونین خلائی مشن بھیجنے میں امریکا سے بازی لے گیا اور امریکا کو یہ خدشہ لاحق ہو گیا کہ خلا میں سویت یونین کا غلبہ قائم ہو جائے گا۔ تب ہی امریکی فوج نے انتیس جولائی کو ایکسلپورر وَن نامی سیٹلائٹ خلا میں بھیجا اور پھر اسی سال اکتوبر میں ناسا کی بنیاد رکھی گئی تھی۔

اپنے قیام کے صرف گیارہ سال بعد ہی ناسا پہلی بار چاند پر انسانوں کو اتارنے میں کامیاب ہو گیا تھا۔ اس تصویر میں خلا نورد نیل آرمسٹرانگ اور ایروِن ایلڈرن چاند کی سطح پر امریکی پرچم نصب کرتے ہوئے دکھائی دے رہے ہیں۔

چودہ اپریل سن انیس سو ستر کے روز خلائی جہاز ’اپالو تیرہ‘ کا آکسیجن ٹینک پھٹ گیا تھا۔ جہاز میں موجود خلا نورد جیمز لوول کو ٹیکساس میں قائم ناسا کے مرکزی دفتر میں اس پیغام کے ساتھ رپورٹ کرنا پڑا تھا، ’’ہیوسٹن ، ہمیں مسئلہ پیش آ گیا تھا۔‘‘ خلانورد خرابی ٹھیک کرنے کے بعد بحفاظت زمین پر لوٹ آئے تھے۔

اٹھائیس جنوری سن 1986 کو خلا میں بھیجے جانے والی ’دی چیلنجر‘ سپیس شٹل اپالو تیرہ کی طرح خوش قسمت ثابت نہیں ہوئی۔ یہ خلا کی جانب روانہ ہونے کے چند منٹ بعد ہی دھماکے سے تباہ ہو گئی تھی اور اس میں موجود تمام سات افراد ہلاک ہو گئے تھے۔ تحقیق کرنے پر پتہ چلا کہ دھماکے کا سبب ’سیل بند‘ کرنے کے لیے استعمال کی گئی ربر کی مہر تھی جو غیر معمولی سرد درجہ حرارت کو برداشت نہیں کر سکی۔

امریکی اور روسی سائنسدانوں کے درمیان خلا میں بھی جاری سرد جنگ بالآخر چودہ دسمبر سن انیس سو اٹھانوے کو اس وقت ختم ہو گئی جب امریکا کا ’یونیٹی‘ روس کے ’زاریا‘ اسٹیشنز آپس میں ملا دیے گئے۔ انہی دونوں کو ملا کر ’بین الاقوامی خلائی اسٹیشن‘ کی بنیاد ڈالی تھی۔

مریخ سیارہ ناسا کے تجسس کا اگلا پڑاؤ تھا۔ چھ اگست سن 2012 کو ناسا کی بھیجی گئی موبائل لیبارٹری نے مریخ پر لینڈ کیا اور یہ موبائل لیبارٹری آج بھی مریخ سے سائنسی دریافتیں، سیلفیاں، تصاویر حتی کہ ٹویٹ پیغامات بھیجنے میں مصروف ہے۔ ناسا کا اگلا منصوبہ سن 2030 تک مریخ پر انسانوں کی لینڈنگ ہے۔

الیگزینڈر گریسٹ کے اس منصوبے کا نام’ بلو ڈاٹ‘ یا نیلا نقطہ ہے۔ اس پراجیکٹ کا مقصد یہ دکھانا ہے کہ خلا سے صرف ایک نیلے نقطے جیسی نظر آنے والی زمین کس قدر حسین ہے۔

الیگزینڈر گریسٹ کہتے ہیں کہ وہ الفاظ میں بیان نہیں کر سکتے کہ جب شمالی قطبی روشنی نظر آتی ہے تو کیا احساسات ہوتے ہیں۔ شاید الیگزینڈر اس احساس کو تو نہ سمجھا پائیں لیکن ان تصاویر کے ذریعے برقی مقناطیسیت کے زمین کے برقی آلات پر اثرات کو سمجھنے میں آسانی ضرور ہو گی۔

شمال قطبی علاقے میں نظر آنے والی یہ قطبی روشنیاں زمین پر بھی بہت کم ہی دیکھنے میں آتی ہیں تاہم گریسٹ خلا سے یہ تصاویر عکس بند کرنے میں کامیاب رہے۔

یہ تصویر نہ ہی کسی پہاڑ کی ہے اور نہ ہی کسی آتش فشاں کی۔ اصل میں یہ تصویر ایریزونا کے ایک آتش فشاں کی ہے۔ اس تصویر کو اکثر گریسٹ سماجی رابطوں کی ویب سائٹ پر جیو چیلنج کے ہیش ٹگ کے ساتھ شیئر کرتے ہوئے لوگوں کو دعوت دیتے ہیں کہ وہ بوجھیں کہ یہ تصویر اصل میں کس جگہ کی ہے۔

تصویر میں ایک چھوٹے سے چھید کی طرح نظر آنے والا منظر دراصل 80 کلومیٹر چوڑائی پر پھیلا ہوا ہے۔ دلچسپ شکل رکھنے والا یہ طوفان زمین پر کافی زیادہ تباہی پھیلا سکتا ہے۔

خوبصورت مناظر کی تصاویر عکسبند کرنے والے گریسٹ نے اس کو اب تک کی اپنی سب سے غمزدہ کرنے والی تصویر قرار دیا ہے۔ اپنی ایک ٹوئیٹ میں وہ بتاتے ہیں کہ یہ دراصل غزہ اور اسرائیل کی تصویر ہے جس میں راکٹ فائر اوردھماکے واضح طور پر دیکھے جا سکتے ہیں۔

تصویر میں نظر آنے والے دائرے کسی خلائی مخلوق کا کارنامہ نہیں بلکہ زرعی کھیت ہیں جو میکسیکو کے انتہائی خشک خطے میں بنائے گئے ہیں۔

یہ تصویر جو کسی ماہر مصور کا شاہکار لگ رہی ہے، حقیقت میں قزاقستان کے ایک دریا کا خلا سے نظر آنے والا منظر ہے۔ اس میں دریا کے معدوم ہوتے ہوئے کنارے بھی دیکھے جا سکتے ہیں جو اس بات کی جانب اشارہ ہے کہ یہ دریا کسی بھی وقت اپنا راستہ تبدیل کر سکتا ہے۔