کوسٹاریکا میں مونٹینیگرو کے انتہائی خوبصورت جنگل میں موجود لچکدار لکڑی کا پُل کئی جگہ سے ٹوٹ جانے کے باعث نہایت خطرناک تصور کیا جاتا ہے۔ اس کو پار کرنے والے کا ایک غلط قدم اسے کئی فٹ نیچے کھائی میں پہنچا سکتا ہے۔

روس میں دریائے کولیما پر 1,870 فٹ طویل لکڑی کا مخدوش پُل گزشتہ تین دہائیوں سے توجہ کا منتظر ہے۔ اس کو پار کرنے کے لیے نہایت کم لوگ ہمت کر پاتے ہیں۔

سائبیریا کے اونچے ترین پہاڑی علاقےمیں دریائے Katun پر معلق لکڑی کا پُل پار کرنا ایک پُر خطر لیکن یادگار تجربہ ہو سکتا ہے۔

جاپان میں Eshima ohashi پُل سن 1997 سے 2004 کے عرصے میں تعمیر کیا گیا۔ یہ جاپان کا پہلا اور دنیا کا تیسرا بڑا غیر لچکدار پُل ہے۔

امریکی ریاست فلوریڈا کا Sunshine skyway تقریباﹰ 21,877 طویل ہے اور اس پر گاڑی روک کر اترنے پر پابندی ہے۔ اس کی وجہ یہ ہے کہ اس ُپل سے کئی افراد کود کر خودکشی کر چکے ہیں۔

امریکی ریاست لوویزیانا کے Lake Pontchartrain Causeway کا نام سن 1969 سے گنیز بک آف ورلڈ ریکارڈ میں دنیا میں پانی پر معلق سب سے طویل ترین پُل کے طور پر درج ہے۔

فلوریڈا میں Seven Mile Bridge کے نام سے دو پُل ہیں۔ ایک پُل صرف سائیکل سواروں اور پیدل چلنے والوں کے لیے مختص ہے جبکہ دوسرا نسبتاﹰ نیا پُل گاڑیوں کے لیے مختص ہے۔ حسین نیلگوں پانی پر تعمیر کیا گیا یہ پُل دنیا کے طویل ترین پُل میں سے ایک ہے۔

شمالی آئرلینڈ میں Carrick-a-Rede Rope Bridge، بیس میٹر طویل رسیوں سے بُنا جھولتا ہوا پُل ہے، جسے پار کرتے ہوئے ایڈوینچر کے شائقین بھی دل تھام لیتے ہیں۔

Mount Tittleys کی برف پوش پہاڑیوں پر سطح سمندر سے دس ہزار فٹ کی بلندی پر معلق ،  Titlis Cliff Walk یورپ کا سب سے اونچائی پر بنایا گیا پُل ہے۔ اسے دنیا کا سب سے ڈراونا پُل بھی کہا جاتا ہے۔

کسی چھتے ہوئے بازار کی مانند دکھائی دینے والے فلورینیس کے اس پل کی تعمیر 1345ء میں مکمل ہوئی تھی۔ ابتدائی طور پر یہاں قصائی اور کھال فروش کاروبار کرتے تھے۔ وہ بدبو دار باقیات کو دریا میں پھینک دیتے تھے۔ 1565ء میں ان کی جگہ یہاں سونا اور چاندی فروخت کرنے والوں نے لے لی۔ اب بھی یہاں زیور ات اور فن کے نمونے بھی فروخت کیے جاتے ہیں۔

وینس کا ریالٹو پل سان پولو اور سان مارکو کے علاقوں کو آپس میں ملاتا ہے۔ پُل کو شاہ بلوط کے بارہ ہزار ستونوں کی مدد سے سہارا دیا گیا تھا۔ بعد ازاں اس پل کے ارد گرد کاروباری ادارے اور بینک کھلنا شروع ہو گئے۔ یہاں کشتیاں لنگر انداز ہوتی تھیں اور اسی پُل پر اشیا تجارت کی خرید و فروخت کی جاتی تھی۔

چیک جمہوریہ کے دارالحکوت پراگ میں چارلس پُل درائے ولٹاوا پر بنایا گیا ہے۔ اس پر کئی مذہبی شخصیات کے مجسمے نصب ہیں۔ سب سے مشہور مجسمہ سینٹ جان آف نیپومُک کا ہے۔ کہا جاتا ہے کہ آف نیپومُک کو اسی پُل سے دریا میں پھینک دیا گیا تھا اور وہ یہیں ڈوب کر ہلاک ہوئے تھے۔

کسی وقت سوئس شہر لوسرن کا یہ پُل ایک فصیل کا کام بھی دیتا تھا لیکن اب یہ ایک اہم سیاحتی مرکز بن چکا ہے۔ 1332ء میں تعمیر کیے گئے اس پل کو یورپ میں لکڑی سے چھتا ہوا سب سے قدیم پل کہا جاتا ہے۔ سن 1993 میں ممکنہ طور پر کسی ان بجھے سگریٹ کے باعث آگ لگ جانے سے اس پُل کا کافی حصہ تباہ ہو گیا تھا، تاہم ایک برس بعد ہی مرمت مکمل کر کے اسے کھول دیا گیا۔

ہائیڈل برگ کو جرمنی کا ’رومانوی شہر‘ تصور کیا جاتا ہے اور اس شناخت میں یہ پُل بھی اہم کردار کرتا ہے۔ لکڑی سے بنا گیا پرانا پُل سیلابوں اور جنگوں کے باعث کئی مرتبہ تباہ ہوا لیکن اٹھارہویں صدی میں اس کی پتھر سے تعمیر نو کی گئی۔

اسے برلن کا سب سے دلکش پل تصور کیا جاتا ہے۔ اس کے قریب بے تحاشہ کلب اور ڈِسکو واقع ہیں۔ ہر کچھ منٹوں کے بعد اس پل پر برلن کی سب سے پرانی میٹرو ٹرین گزرتی ہے۔ یہ پل برلن کے کروئزبرگ اور فریڈریشسہائن کے علاقوں کو جوڑتا ہے۔

فرانسیسی زبان میں ’پونیف ‘ کا مطلب ’نیا پُل‘ ہے لیکن یہ دراصل دریائے سین پر تعمیر ہونے والا سب سے پرانا پُل ہے۔ اس کی تعمیر 1607ء میں مکمل ہوئی تھی۔ اس وقت اکثر پلوں پر گھر تعمیر کیے جاتے تھے لیکن اس پل پر ایسا نہیں کیا گیا۔ اس لیے اس پُل پر لوگ دریا اور آس پاس کے نظاروں کو دیکھنے آ جاتے تھے۔

دنیا بھر میں مقبول اس پل کو ’ٹاور برج‘ کا نام اس کے دو ٹاورز اور لندن ٹاور کے قریب ہونے باعث دیا گیا۔ روزانہ چالیس ہزار گاڑیاں اس پل سے گزرتی ہیں۔ اس پل کے نیچے سے کشتیاں بھی گزرتی ہیں۔ اور اگر کشتیوں کے لیے جگہ کم ہو تو پل کے درمیانی حصوں کو اوپر کیا جاسکتا ہے۔

سکاٹ لینڈ کے اس حسین اور رومانوی علاقے میں تعمیر کردہ اس پل کو فلم ہیری پوٹر کے باعث زیادہ شہرت ملی۔ اس پل پر بھاپ سے چلنے والی ٹرین گزرتی ہے۔ 390 میٹر طویل اس پل میں اکیس محراب ہیں۔

یہ تین پل ایڈنبرا کو فیفے سے ملاتے ہیں۔ 1890ء میں تعمیر کردہ سرخ ’فورتھ ریل برج‘ یونیسیکو کے عالمی ثقافتی ورثے کی فہرست میں بھی شامل ہے۔ اس کے ساتھ 1964ء میں ایک سسپینشن پل تعمیر کیا گیا اور 2017ء میں کوئنز فیری پل کی تعمیر بھی مکمل ہوئی۔ ش ح/ ا ا