ایسے اجتماعات میں سخت سکیورٹی میں خواتین تنظیموں کے سینکڑوں ارکان نے شرکت کی، جہاں مقررین نے پدر شاہی، غیرت کے نام پر قتل، گھریلو تشدد اور جبری شادیوں کے خلاف پلے کارڈز اٹھائے ہوئے تھے۔ اس موقع پر مقررین نے سخت نعرے بازی کی۔

اسلام آباد پریس کلب کے پاس ہی جماعت اسلامی کے شعبہ خواتین نے بھی ایک ریلی کا انعقاد کیا۔ کسی تصادم سے بچنے کے لیے سول سوسائٹی کو مظاہرہ ایک بجے شروع کرنے کا کہا گیا تھا جب کہ جماعت اسلامی نے اپنے پروگرام کو دوبجے کے لیے ترتیب دیا تھا۔ جماعت اسلامی کی خواتین ایک بجے ہی جمع ہونا شروع ہو گئی تھیں مگر ان کا پروگرام تقریباﹰ دو بجے شروع ہوا۔

خواتین کے عالمی دن کی مناسبت سے آٹھ مارچ کو پاکستان میں عورت مارچ پہلی مرتبہ سن 2018 میں منعقد کیا گیا تھا۔ تاہم بعد ازاں یہ مارچ ’میرا جسم میری مرضی‘ کے نعرے کی وجہ سے متنازعہ رنگ اختیار کر گیا۔

اسلام آباد میں عورت مارچ میں شریک ایک خاتون نے ڈی ڈبلیو کو بتایا کہ وہ اپنی بچیوں کے ساتھ اس مارچ میں شریک ہوئی ہیں تاکہ ان بچیوں کو اپنے حقوق کا ابھی سے پتا چل سکے۔

اس بار بھی عورت مارچ میں مردوں نے بھی شرکت کی اور اصرار کیا کہ خواتین کی مکمل شمولیت کے بغیر معاشرہ مکمل ہو ہی نہیں سکتا۔

اسلام آباد میں منعقدہ عورت مارچ میں شریک ایک خاتون نے ڈی ڈبلیو کو بتایا کہ سبھی مردوں کو اس مارچ پر اعتراض نہیں بلکہ ایسے لوگ خوفزدہ ہیں، جو خواتین کو اپنی ماتحت اور نوکر سمجھتے ہیں۔

اسلام آباد میں منعقدہ عورت مارچ میں سکیورٹی کا خصوصی انتظام کیا گیا کیونکہ جہاں ایک طرف خواتین کی ایک بڑی تعداد سالانہ ویمن مارچ میں شریک تھی تو دوسری جانب وزیر اعظم عمران خان کے خلاف اپوزیشن نے تحریکِ عدم اعتماد بھی جمع کرا دی ہے۔

اس سال اسلام آباد میں کیے گئے عورت مارچ میں متعدد خواتین نے جبری شادیوں کے خلاف بھی آواز بلند کی۔ انہوں نے اس حوالے سے مختلف بینرز بھی اٹھا رکھے تھے۔

گزشتہ برسوں کی نسبت اس سال کے عورت مارچ میں شرکاء کی تعداد کم تھی۔ تاہم اس برس اسلام آباد میں کوئی ناخوشگوار واقعہ پیش نہ آیا۔ اس برس جامعہ حفصہ کی خواتین اور طالبات نے بھی مارچ مخالف ریلی نہیں نکالی۔

عورت مارچ کے انعقاد پر بالخصوص قدامت پسند دھڑوں کو شدید اعتراض ہے۔ ایسے حلقوں کے مطابق اس موقع پر کچھ خواتین متنازعہ بینرز اٹھا کر اور نعرے لگا کر ایسی خواتین کو بھی بدنام کرنے کی کوشش کرتی ہیں، جو ’میرا جسم میری مرضی‘ جیسے ’مغربی نعرے‘ کی حمایت نہیں کرتیں۔

خواتین کے عالمی دن کی مناسبت سے عورت مارچ میں اس مرتبہ کراچی میں بھی بڑی تعداد میں لوگوں نے شرکت کی۔ شرکاء نے پوسٹرز بھی اٹھا رکھے تھے جن پر خواتین کے حقوق سے متعلق نعرے درج تھے۔

مظاہرے میں شریک ایک خاتون کے ہاتھ میں ایک پلے کارڈ تھا، جس پر درج تھا: ’عورت کا جسم کارخانہ نہیں‘۔

اس نعرے کی تشریح اس مرتبہ بھی مختلف انداز میں کی گئی۔ کئی حلقوں نے اسے جسم فروشی کی ترویج قرار دیا، جب کہ حقوق نسواں کے علم برداروں کے نزدیک اس کا مفہوم مختلف ہے۔

مظاہرے میں مرد بھی شریک ہوئے۔ ایک مرد نے ایک پوسٹر پر لکھ رکھا تھا، ’شرم و حیا کپڑوں میں نہیں، سوچ میں‘ (ہے)۔

ایک پوسٹر پر درج تھا ’چڑا لایا دال کا دانہ، چڑیا لائی چاول کا دانہ، دونوں نے مل کر پکایا، مل کر کھایا‘۔

عورت مارچ میں وزیر اعلیٰ سندھ کے مشیر مرتضیٰ وہاب بھی اپنے اہل خانہ کے ساتھ شریک ہوئے۔

کراچی میں منعقد ہونے والے عورت مارچ میں معمر خواتین بھی شامل ہوئیں۔

ایک خاتون نے ایک پوسٹر اٹھا رکھا تھا جس پر درج تھا، ’دیکھتے ہو اسے بے شرمی سے تم، پھر کہتے ہو اسے بے شرم تم‘۔

عورت مارچ کے دوران ایسی بلوچ خواتین اور مردوں کے حق میں بھی پوسٹرز دیکھے گئے جو ’جبری طور پر گمشدہ‘ ہیں۔

صوبائی دارالحکومت لاہور میں اس برس بھی عورت مارچ میں خواتین نے بھرپور شرکت کی۔

لاہور میں خواتین کے ساتھ ساتھ مردوں کی بڑی تعداد نے بھی عورت مارچ میں شرکت کی۔

اس مرتبہ عورت مارچ کی مخالفت اور سکیورٹی خدشات کے پیش نظر اسے بہتر انداز میں منظم کیا گیا تھا۔

لاہور میں عورت مارچ کے دوران ایسے پوسٹر بھی دکھائی دیے جن پر پاکستانی ڈرامہ نگار خلیل الرحمان قمر پر پابندی لگانے کے مطالبے درج تھے۔ انہوں نے ایک ٹی وی شو میں ماروی سرمد سے بدتمیزی کی تھی۔

پاکستانی ڈرامہ نگار خلیل الرحمان قمر سے متعلق دیگر پوسٹرز پر بھی انہی کے متنازعہ جملوں کو لے کر طنز کیا گیا۔

مظاہرے میں شریک ایک خاتون نے اپنے چہرے پر آزادی تحریر کر رکھا تھا۔

اسلام آباد میں عورت مارچ کے مد مقابل کالعدم سپاہ صحابہ اور دیگر مذہبی تنظیموں نے ’حیا واک‘ کا انعقاد کیا۔

’حیا واک‘ میں جامعہ حفصہ کی طالبات بھی شریک ہوئیں، جنہوں نے عورت مارچ کے شرکاء ہی کی طرح مختلف پوسٹرز اٹھا رکھے تھے۔

پاکستانی دارالحکومت میں اس مرتبہ بھی عورت مارچ کے شرکاء نے دلچسپ پوسٹرز اٹھا رکھے تھے۔

عورت مارچ میں شریک ایک خاتون کے ہاتھ میں ایک پوسٹر تھا، جس پر درج تھا: ’مجھے جینے کا حق چاہیے‘۔

ایک نوجوان لڑکی نے پوسٹر اٹھا رکھا تھا جس پر درج تھا، ’میں جنسی زیادتی کے متاثرین کے لیے مارچ کرتی ہوں‘۔

اسلام آباد انتظامیہ نے دونوں ریلیوں کے شرکاء کو الگ رکھنے کا انتظام کر رکھا تھا۔ تاہم اس کے باوجود پتھراؤ کے واقعات پیش آئے، جس کا الزام ایک دوسرے پر عائد کیا گیا۔

مذہبی سیاسی تنظیم جماعت اسلامی نے بھی ملک بھر میں خواتین کے عالمی دن کے موقع پر تکریم نسواں واک کا انعقاد کیا۔

اسلام آباد میں تکریم نسواں واک میں بھی بڑی تعداد میں خواتین نے شرکت کی۔ ایک پوسٹر پر درج تھا ’ہمارا دعویٰ ہے کہ خواتین کو حقوق صرف اسلام دیتا ہے‘۔