ستاون برس کی عمر کے امريکی شہری جيف بيزوس اس وقت دنيا کے امير ترين شخص ہيں۔ وہ کل 182.1 بلين ڈالر کا سرمایہ رکھتے ہيں۔ بيزوس نے 1994ء ميں اپنے گيراج سے انٹرنيٹ پر ايميزون کی بنياد رکھی تھی۔ بيزوس ايميزون کے علاوہ ’دا واشنگٹن پوسٹ‘ اور ايرو اسپيس کمپنی ’بلو اوريجن‘ کے بھی مالک ہيں۔

امير ترين افراد کی فہرست ميں 176.2 بلين ڈالر کی ملکيت کے ساتھ امريکی ايلون مسک دوسرے نمبر پر ہيں۔ مسک زمين اور خلا ميں ٹرانسپورٹ کو بہتر بنانا چاہتے ہيں۔ زمين پر اپنی اليکٹرک کار کمپنی ٹيسلا کی مدد سے اور خلا ميں اسپيس ايکس کی مدد سے۔

فرانسيسی برنارڈ آرنوں اپنے بچوں کے ہمراہ 153.3 بلين ڈالر کے مالک ہيں۔ وہ ستر مختلف برانڈز کے مالک ہيں، جن ميں لوئی وتوں، ٹفينی اينڈ کو اور سيفورا جيسے بڑے نام شامل ہيں۔

امير ترين افراد کی فہرست ميں چوتھا نمبر بل گيٹس کا ہے۔ گيٹس کی مجموعی دولت 121.4 بلين ڈالر ہے۔ مائکروسافٹ کے سابق کرتا دھرتا بل گيٹس ان دنوں اپنی اہليہ کے ساتھ ’بل اينڈ ملنڈا گيٹس فاؤنڈيشن‘ چلاتے ہيں، جو دنيا کی سب سے بڑی نجی فلاحی تنظيم ہے۔

سماجی رابطوں کی ويب سائٹ فيس بک کے بانی مارک زوکربرگ اس فہرست ميں پانچويں نمبر پر ہيں۔ ان کی دولت چورانوے بلين ڈالر کے آس پاس ہے۔

زونگ شنشان نے ابتداء ہی ميں اسکول چھوڑ ديا تھا۔ ايک وقت انہوں نے مزدور کے طور پر کام کيا، پھر ايک اخبار کے رپورٹر کے طور پر بھی۔ پھر آہستہ آہستہ انہوں نے اپنے کاروبار شروع کيے اور آج شنشان 92.4 بلين ڈالر کے مالک اور دنيا کے چھٹے سب سے امير شخص ہيں۔

وارن بوفے کو دنيا کا سب سے کامياب سرمايہ کار کہا جاتا ہے۔ ان کی مجموعی دولت 88.1 بلين ڈالر ہے اور وہ ساتويں سب سے امير آدمی ہيں۔ امريکی شہری بوفے کی اس وقت عمر نوے سال ہے۔

ليری ايليسن کی عمر 76 برس ہے اور وہ اٹھاسی بلين ڈالر کے مالک ہيں۔ وہ اوريکل کمپنی کے چيئرمين ہيں۔ ليری امير ترين افراد کی فہرست ميں آٹھويں نمبر پر ہيں۔ انہوں نے بھی اپنی بيشتر دولت خود ہی اکھٹی کی ہے۔

دنيا کے نويں امير ترين شخص کا نام ليری پيج ہے۔ پيچ ان گنت ٹيکنالوجی کمپنيوں کے مالک ہیں يا پھر ان ميں سرمايہ کار اور پارٹنر ہيں۔ ان کی دولت 77.6 بلين ڈالر کے لگ بھگ ہے۔ وہ گوگل کی پيرنٹ کمپنی ايلفابٹ کے سی ای او رہ چکے ہيں۔ ليری پيج امريکی شہری ہيں۔

بھارتی شہری مکيش امبانی امرا کی فہرست ميں دسويں نمبر پر ہيں۔ امبانی 75.4 بلين ڈالر کے مالک ہيں اور يہ دولت انہوں نے اپنی ريلائنس انڈسٹريز سے کمائی ہے۔ کورونا کی عالمی وبا کے دوران امبانی کی مجموعی دولت ميں بيس بلين ڈالر کا اضافہ ہوا۔

ایمیزون کے بانی جیف بیزوس (اپنی گرل فرینڈ کے ساتھ) کا الگ ہی انداز ہے۔ ان کی ای- کامرس کمپنی نے وبا کے دوران بزنس کے تمام ریکارڈ توڑ دیے۔ بیزوس کورونا وائرس کی وبا سے پہلے بھی دنیا کے امیر ترین شخص تھے اور اب وہ مزید امیر ہوگئے ہیں۔ فوربس میگزین کے مطابق ان کی دولت کا مجموعی تخمینہ 193 ارب ڈالر بنتا ہے۔

ایلون مسک کی کارساز کمپنی ٹیسلا الیکٹرک گاڑیاں تیار کرتی ہے لیکن بازار حصص میں وہ ٹیکنالوجی کے ’ہائی فلائر‘ کے طور پر جانے جاتے ہیں۔ مسک نے وبا کے دوران ٹیک اسٹاکس کی قیمتوں میں اضافے سے بھرپور فائدہ اٹھایا۔ جنوبی افریقہ میں پیدا ہونے والے مسک نے دنیا کے امیر ترین لوگوں میں شمار ہونے والے بل گیٹس کو بھی پیچھے چھوڑ دیا ہے۔ 132 ارب ڈالرز کی مالیت کے ساتھ وہ جیف بیزوس کے بہت قریب پہنچ چکے ہیں۔

کورونا وبا کے دوران ہوم آفس یعنی گھر سے دفتر کا کام کرنا بعض افراد کی مجبوری بن گیا، لیکن ایرک یوآن کی کمپنی زوم کے لیے یہ ایک بہترین موقع تھا۔ ویڈیو کانفرنس پلیٹ فارم زوم کو سن 2019 میں عام لوگوں کے لیے لانچ کیا گیا۔ زوم کے چینی نژاد بانی یوآن اب تقریباﹰ 19 ارب ڈالر کی دولت کے مالک ہیں۔

سماجی دوری کے قواعد اور انڈور فٹنس اسٹوڈیوز جان فولی کے کام آگئے۔ اب لوگ گھر میں ورزش کرنے کی سہولیات پر بہت زیادہ رقم خرچ کر رہے ہیں۔ وبائی امراض کے دوران فولی کی کمپنی ’پیلوٹون‘ کے حصص کی قیمت تین گنا بڑھ گئی۔ اس طرح 50 سالہ فولی غیر متوقع انداز میں ارب پتی بن گئے۔

شاپی فائے، تاجروں کو اپنی آن لائن شاپس بنانے کا موقع فراہم کرتا ہے۔ اس پلیٹ فارم کا منصوبہ کینیڈا میں مقیم جرمن نژاد شہری ٹوبیاس لئٹکے نے تیار کیا تھا۔ شاپی فائے کینیڈا کا ایک اہم ترین کاروباری ادارہ بن چکا ہے۔ فوربس میگزین کے مطابق 39 سالہ ٹوبیاس لئٹکے کی مجموعی ملکیت کا تخمینہ تقریباﹰ 9 ارب ڈالر بنتا ہے۔

اووگر ساہین نے جنوری 2020ء کے اوائل سے ہی کورونا کے خلاف ویکسین پر اپنی تحقیق کا آغاز کر دیا تھا۔ جرمن کمپنی بائیو این ٹیک (BioNTech) اور امریکی پارٹنر کمپنی فائزر کو جلد ہی اس ویکسین منظوری ملنے کا امکان ہے۔ کورونا کے خلاف اس ویکسین کی تیاری میں اہم کردار ادا کرنے والے ترک نژاد سائنسدان ساہین راتوں رات نہ صرف مشہور بلکہ ایک امیر ترین شخص بن گئے۔ ان کے حصص کی مجموعی قیمت 5 ارب ڈالر بتائی جاتی ہے۔

فوڈ سروسز کی کمپنی ’ہیلو فریش‘ تیزی سے بڑھ رہی ہے۔ وبا کے دوران اس کمپنی کے منافع میں تین گنا اضافہ دیکھا گیا۔ ہیلو فریش کے شریک بانی اور پارٹنر ڈومنک رشٹر نے لاک ڈاؤن میں ریستورانوں کی بندش کا بھر پور فائدہ اٹھایا۔ ان کی دولت ابھی اتنی زیادہ نہیں ہے لیکن وہ بہت جلد امیر افراد کی فہرست میں شامل ہونے کی صلاحیت رکھتے ہیں۔

ایمیزون کمپنی میں اپنے شیئرز کی وجہ سے جیف بیزوس کی سابقہ اہلیہ میک کینزی اسکاٹ دنیا کی امیر ترین خواتین میں سر فہرست ہیں۔ ان کی ملکیت کا تخمینہ تقریباﹰ 72 ارب ڈالر بتایا جاتا ہے۔