سن 2021ء کے انڈیکس میں افریقی ملک زیمبیا کا دارالحکومت لوساکا دنیا کا دسواں سستا ترین شہر رہا۔ اکانومسٹ انٹیلی جنس یونٹ کے رہائشی اخراجات سے متعلق تازہ انڈیکس میں لوساکا کو 39 پوائنٹس دیے گئے۔ یوں یہ شہر 173 شہروں میں سے 164واں سستا ترین شہر قرار پایا۔

لوساکا کے ساتھ مشترکہ طور پر ارجنٹائن کا دارالحکومت بیونس آئرس بھی 39 پوائنٹس کے ساتھ اس انڈیکس میں دنیا کا دسواں سستا ترین شہر قرار پایا۔

الجزائر کا دارالحکومت الجزائر سٹی 38 پوائنٹس کے ساتھ رہائش کے اعتبار سے دنیا کا آٹھواں سستا ترین شہر رہا۔

بھارتی شہر احمد آباد سن 2021ء کے انڈیکس میں رہائش کے لیے دنیا کا ساتواں سستا ترین شہر قرار دیا گیا۔ اس انڈیکس میں احمد آباد کو 37 پوائنٹس دیے گئے۔

رہائشی اخراجات کے حوالے سے مرتب کیے گئے انڈیکس میں دنیا کے 173 شہروں میں رہائش پر اٹھنے والے اخراجات کا جائزہ لیا گیا۔ کراچی اس فہرست میں 36 پوائنٹس کے ساتھ 168ویں نمبر پر ہے۔ یوں یہ پاکستانی شہر دنیا کا چھٹا سستا ترین شہر قرار پایا۔

قریب 30 ملین نفوس پر مشتمل قازقستان کا شہر الماتے 35 پوائنٹس کے ساتھ سن 2021 میں رہائش کے لیے دنیا کا پانچواں سستا ترین شہر قرار دیا گیا۔

تیونس کا دارالحکومت تیونس سٹی 33 پوائنٹس کے ساتھ دنیا کا چوتھا سستا ترین شہر قرار پایا۔

ازبک دارالحکومت تاشقند کو رہائشی اخراجات کے حوالے سے سن 2021ء کے انڈیکس میں 30 پوائنٹس دیے گئے اور اسے دنیا کا تیسرا سستا ترین شہر قرار دیا گیا۔

شورش زدہ ملک لیبیا کا دارالحکومت طرابلس رہائشی اخراجات کے حوالے سے دنیا کا دوسرا سستا ترین شہر قرار دیا گیا۔

کئی برسوں سے خانہ جنگی کے شکار ملک شام کا دارالحکومت امن و امان کے اعتبار سے تو شاید رہائش کے قابل نہیں۔ تاہم رہائش پر اٹھنے والے اخراجات کے اعتبار سے گزشتہ برس کے انڈیکس کی طرح اس برس بھی دنیا کا سستا ترین شہر شام کو ہی قرار دیا گیا۔

دنیا کا نواں مہنگا ترین شہر چینی دارالحکومت بیجنگ ہے، جہاں مکانات کی قیمتیں اور کرائے مسلسل بڑھ رہے ہیں۔ بیجنگ کے انٹرنیشنل اسکول بھی اپنی فیس میں مسلسل اضافے کا سلسلہ جاری رکھے ہوئے ہیں۔ چینی کرنسی یوان کی قدر میں استحکام سے چینی شہروں میں زنگی بسر کرنا مشکل تر ہو گیا ہے۔

چین کی مرکزی سرزمین پر سب سے مہنگا ترین شہر شنگھائی ہے۔ چینی بندرگاہی شہر دنیا کا ساتواں مہنگا ترین شہر ہے۔ شنگھائی میں پچاسی مربع میٹر اپارٹمنٹ کا کرایہ 1800 سو سے 2170 امریکی ڈالر ( 1030 یورو سے 1800 یورو) تک ہے۔ اس شہر میں ہر چیز کی خرید و فروخت کا تعلق کرنسی کے اتار چڑھاؤ سے منسلک ہے اور نئے آباد ہونے والوں کے لیے پریشانی کا باعث ہے۔

جنوبی کوریا کا دارالحکومت سیئول غیر ملکی آبادکاروں کے لیے پانچواں مہنگا ترین شہر ہے۔ غیر ملکیوں کے ساتھ سیئول کے باسی بھی اس پر متفق ہیں کہ ایک کافی کا کپ بھی اس شہر میں بہت مہنگا ہے اور یہ دس امریکی ڈالر ( 8.60 یورو) کا ہے۔ ایک جینز کی پینٹ کی اوسط قیمت ڈیڑھ سو امریکی ڈالر ہے۔ مجموعی طور پر سیئول میں زندگی گزارنا خاصا مشکل کام ہے۔

اس شہری ریاست کو جنوبی ایشیائی مالیاتی مرکز خیال کیا جاتا ہے۔ یہ غیرملکی افراد کے لیے دنیا کا چوتھا مہنگا ترین شہر سمجھا جاتا ہے۔ سنگا پور میں جینز پینٹ کی اوسط قیمت ایک سو امریکی ڈالر سے شروع ہوتی ہے۔ یہ قیمت امریکی شہر نیویارک کے مقابلے میں دوگنا ہے۔ سنگا پور میں گاڑیوں کے لیے پیٹرول بھی بہت مہنگا ہے، اور فی لیٹر قیمت دو امریکی ڈالر سے زائد ہے۔

جاپانی دارالحکومت ٹوکیو کی آبادی نوے لاکھ سے زائد ہے اور یہ اقوام عالم میں دوسرا مہنگا ترین شہر ہے۔ ماہرین کے مطابق جاپانی شہروں میں زندگی بسر کرنے میں قدرے آسانی کی وجہ جاپانی ین کی قدر کا امریکی ڈالر کے مقابلے میں عدم استحکام ہے۔ ٹوکیو میں پچاسی مربع میٹر کے فرنشڈ اپارٹمنٹ کا کرایہ 2700 سے 3500 امریکی ڈالر ( 2300 سے 3000 یورو) تک ہو سکتا ہے۔

سن 2018 میں ہانگ کانگ کو دنیا بھر میں سب سے مہنگے شہر کا درجہ حاصل ہوا ہے۔ اس شہر میں کرائے دنیا میں سب سے زیادہ ہیں اور یہ نئے غیر ملکیوں کے لیے انتہائی پریشانی کا سبب ہے۔ ہانگ کانگ میں کافی کے ایک کپ کی قیمت اور فی لیٹر پٹرول بھی دنیا بھر میں سب سے مہنگا ہے۔ غیر ایشیائی شہروں میں سوئٹزرلینڈ کے بیرن اور زیورچ، چاڈ کا اینجمینا کے علاوہ انگولا کا لوانڈا بھی انتہائی مہنگے شہروں میں شمار کیے جاتے ہے۔