سن 1949 میں چین میں اقتدار سنبھالنے والی کمیونسٹ پارٹی نے سارے ملک میں پائے جانے والے مختلف ٹائم زونز کو ختم کرتے ہوئے ایک معیاری وقت نافذ کر دیا تھا۔ بیجنگ عالمی معیاری وقت سے آٹھ گھنٹے آگے ہے۔ اب سارے چین میں یہی نظام رائج ہے۔ ایک ٹائم کے نفاذ کی وجہ سے اس ملک کے مختلف حصوں میں رہنے والے چینی باشندوں کو اپنے جسم کے اندر بھی نئے معیاری وقت کے مطابق تبدیلیاں لانی پڑی تھیں۔

اسپین کے ڈکٹیٹر فرانسیسکو فرانکو نے سن 1840 میں اپنی غیرجانبداری کا اظہار کرتے ہوئے ملک کے معیاری وقت کو سینٹرل یورپی ٹائم کے برابر کر دیا تھا۔ یہ وقت نازی جرمنی کے مساوی تھا۔ اس باعث اسپین میں سورج جلدی طلوع ہو جاتا ہے اور غروب بھی دیر سے ہوتا ہے۔

جزیرہ نما کوریا میں بھی معیاری وقت میں تبدیلی سامنے آئی ہے۔ سن 2015 میں انتہائی کشیدگی کے دور میں شمالی کوریا نے اپنے معیاری وقت کو جنوبی کوریا سے علیحدہ کر دیا تھا۔ شمالی کوریائی حکومت نے وقت کی تبدیلی کو جزیرہ نما کوریا میں جاپانی نوآبادیاتی دور کے وقت کو تبدیل کرتے ہوئے اُس عہد سے چھٹکارہ حاصل کرنا قرار دیا تھا۔ جاپان جزیرہ نما کوریا پر سن 1910 سے 1945 تک حاکم رہا تھا ۔

نیپال بھی وقت کے حوالے سے قدرے غیرمعمولی ہے۔ یہ ملک اپنے ہمسائے بھارت سے پندرہ منٹ آگے ہے اور اس طرے عالمی معیاری وقت سے اس کا فرق پانچ گھنٹے پینتالیس منٹ ہے، جو حیرانی کا باعث ہے۔ نیپالی حکومت نے اپنے معیاری وقت کو بھارت سے پندرہ منٹ آگے کر کے جو فرق پیدا کیا ہے، اُس نے نیپالی عوام کو اپنا علیحدہ وقت رکھنے کا احساس دیا ہے۔

وینزویلا کے صدر نکولاس مادُورو نے سن 2016 میں اپنے معیاری وقت کو تیس منٹ آگے کر دیا تھا۔ یہ ملک عالمی معیاری وقت سے چار گھنٹے پیچھے ہے۔ اس فیصلے سے مادورو نے اپنے پیشرو ہوگو چاویز کے سن 2007 کے فیصلے کو تبدیل کر دیا۔ مادورو نے يہ قدم بجلی بچانے کے مقصد سے اٹھايا تھا۔

وقت کے اعتبار سے سب سے بڑی جست بحر الکاہل کے ملک سموآ نے لگائی۔ سن 2011 میں سموآ نے معیاوی وقت میں ایک پورے دن کا فرق پیدا کر دیا۔ یہ پہلے سڈنی سے 21 گھنٹے پیچھے تھا اور پھر اس کے معیاری وقت کو سڈنی سے 3 گھنٹے آگے کر دیا گیا۔ انیسویں صدی میں سموآ کے بادشاہ نے امریکا سے وابستگی کے تحت معیاری وقت امریکا کے مساوی کر دیا تھا۔ اس تبديلی سے سموآ کے آسٹریلیا اور نیوزی لینڈ کے ساتھ تعلقات بہتر ہوئے ہیں۔

جرمنی میں لوگوں اتنی مرتبہ ہاتھ ملاتے ہیں کہ ایسا محسوس ہوتا ہے کہ یہ ان کا کوئی قومی کھیل ہے۔ یہ غیر رسمی اور رسمی ملاقاتوں میں بھی عام ہے۔ کسی معاہدے کے طے ہونے پر یا کسی فرد کو پہلی مرتبہ مبارک باد دینی ہو تو بھی ہاتھ ملایا جاتا ہے۔ اسی طرح جرمنی میں سالگرہ کی مبارکباد بھی عموماً ہاتھ ملا کر دینے کا رواج ہے۔ ایسے ہی بچوں میں بھی ہاتھ ملانا عمومی طور پر پایا جاتا ہے۔

غیر رسمی ملاقاتوں میں ہاتھ ملا کر گالوں پر محبت سے بوسہ دینا بھی جرمن ثقافت کا حصہ ہے۔ ساتھ ہی ساتھ اس کا تعلق ملنے والے شخس کے قریبی ہونے کا بھی ہے۔کبھی کبھار ہاتھ ملانے تک ہی میل جول محدود کیا جاتا ہے تو کبھی بغل گیر ہوکر بوسہ بھی دیا جاتا ہے۔

جب کسی سے رسمی گفتگو ہو رہی ہوتی ہے تو جرمن ’زی‘ یعنی آپ کہہ کر مخاطب کرتے ہیں جبکہ غیر رسمی ملاقاتوں میں’دُو‘ یعنی تم کہہ کر پکارتے ہیں۔ تم کا استعمال ہم عمر لوگ یا عموماﹰ نوجوان کرتے ہیں۔

کسی جرمن کو فون کر کے سب سے پہلے اپنا تعارف کروائیں ساتھ ہی کہیں کہ،’’میں دعا گو ہوں کہ آپ کا دن خوشگوار گزرے۔۔ میرانام۔۔‘‘ اور اپنے نام کا دوسرا حصہ بتائیں۔ خط وکتابت، میل جول ہو یا ٹیلی فون پر بات چیت کرتے وقت جرمن لوگ اپنا ’’فیملی نام‘‘ ہی بتاتے ہیں۔ مثال کے طور پر،اگر کسی خاتون کا نام شمیم اختر ہے۔ تو وہ خود کو یوں متعارف کروائیں گی۔’ میں دعا گو ہوں کہ آپ کا دن خوشگوار گزرے۔۔ میرانام اختر ہے۔‘

ملاقات سے قبل دروازے پر دستک دینا جرمن افراد کا ایک عام رواج ہے۔ اگر آپ کسی جرمن کے گھر کے باہر کھڑے ہیں تو اس وقت تک اندر نہ جائیں، جب تک وہ خود آکر آپ کے لیے دروازہ نہ کھول دے۔ لیکن اگر آپ معائنے کی غرض سے کسی جرمن ڈاکٹر کے پاس گئے ہیں تو کمرے میں داخل ہونے سے قبل ایک بار دستک دے کر اندر چلیں جائیں۔

مجلسی آداب کی ماہر خاتون کا کہنا ہے کہ جرمن لوگ اپنے حلیم ہونے کا اظہار پھول دے کر بھی کرتے ہیں۔ کائزر کے مطابق پابندی وقت اور کسی کو پھول دینا جرمن معاشرت کے دو اہم پہلو ہیں۔ پھولوں کے ساتھ ساتھ شراب اور چاکلیٹ کے تحفے کو مثبت سمجھا جاتا ہے۔

لنڈا کائزر نے واضح کیا کہ جرمن معاشرت میں وقت کی پابندی اتنی زیادہ ہے کہ انہیں تنقید کا سامنا ہوتا ہے۔ کائزر کا کہنا ہے کہ وقت کی پابندی جرمن افراد کی پیدائشی صفت کے طور پر بھی لی جا سکتی ہے۔ انہوں نے یہ بھی بتایا کہ جرمن محفل میں تعظیم و تکریم کے ساتھ ساتھ نفیس طبع ہونا بہت اہم خیال کیا جاتا ہے۔کائزر کے مطابق جرمن بظاہر انتہائی بردبار ہونا پسند کرتے ہیں۔

جرمن صفائی ستھرائی کا خاص خیال رکھتے ہیں۔ غیر رسمی ملاقاتوں میں خیال یہی کیا جاتا ہے کہ جوتے باہر ہی اتار دیے جائیں۔ ایسا کرنے سے صفائی بھی رہتی ہے اور جرمن اسے اپنائیت کا اظہار بھی سمجھتے ہیں۔

کائزر کے مطابق کھانے کی میز پر بیٹھ کر مختلف ہلکے پھلکے اور سنجیدہ موضوعات پر گفتگو کرنا بھی جرمنوں کو بہت پسند ہے۔ مجلسی آداب کی ماہر کے مطابق محفل میں زیر بحث موضوع پر توجہ دینے کو بھی بہت اہم سمجھا جاتا ہے ہے اور اُس پر اظہار خیال کرنے کو پسند کیا جاتا ہے۔

جرمن کھانا کھاتے لوگوں کو بہت ہی محبوب طریقے سے مخاطب کر کے کہتے ہیں،’’ گوٹن اپاٹیٹ‘‘ یعنی ’’اپنے کھانے کا لطف اٹھاؤ‘‘۔ ایسا وہ خاصے ترنم میں کہتے ہیں کہ کہ سننے والے کے چہرے پر مسکراہٹیں پھیل جائیں۔ رافعہ اعوان (Louisa Schaefer)