2024ءکا آغاز جاپان میں بہت سے لوگوں کے لیے تباہ کن تھا۔ زلزلوں کے ایک پرتشدد سلسلے نے ملک کے مرکز کو ہلا کر رکھ دیا اور ایک سونامی بھی ملکی مغربی ساحل سے ٹکرائی۔ اس کے نتیجے میں سینکڑوں انسان مارے گئے۔ جاپان پیسیفک رنگ آف فائر پر واقع ہے، جہاں ٹیکٹونک پلیٹیں آپس میں ٹکرا تی رہتی ہیں، جن کی وجہ سے اکثر اس ایشیائی ملک میں زلزلے آتے ہیں اور آتش فشاں بھی پھٹتے رہتے ہیں۔

آرٹسٹ راکیل پوٹی اکثر توجہ کا مرکز رہتی ہیں اور باقاعدگی سے برازیل کے اخبارات اور رسائل کے سرورق کو زینت بخشتی ہیں۔ انہوں نے اس سال فروری کے وسط میں برازیل کے شہر ریو ڈی جنیرو میں منائے جانے والے مشہور زمانہ کارنیوال میں بھی پرفارم کیا۔

مشہور برطانوی گرافیٹی آرٹسٹ بینکسی کی ایک نئی پینٹنگ رواں برس مارچ میں لندن کے علاقے آئلنگٹن میں دریافت ہوئی۔ سبز رنگ کی یہ بہت بڑی پینٹنگ ایک درخت کے عقب میں ایک دیوار پر بنائی گئی تھی۔ بینکسی نے اپنے انسٹاگرام اکاؤنٹ پر اس کی ایک تصویر کے ساتھ تصدیق کی کہ یہ کام ان کا تھا۔ بدقسمتی سے اس پینٹنگ کو سفید پینٹ کے ساتھ نقصان پہنچایا گیا، جس پر آرٹ سے محبت کرنے والوں میں شدید غم و غصہ پایا گیا۔

جرمنی میں یکم اپریل 2024 سے بھنگ کے استعمال کو قانونی قرار دیے جانے پر اس فیصلےکے حامی جشن منانے کے لیے برلن میں برانڈن برگ گیٹ کے سامنے جمع ہوئے۔ یہ قانون بالغوں کو 25 گرام تک خشک بھنگ اپنے پاس رکھنے اور گھر میں اس کے تین پودے اگانے کی اجازت دیتا ہے۔ اس جشن کو منانے کے لیے وہاں بھنگ کا ایک بہت بڑا پودا بھی لگایا گیا تھا۔

اپریل میں یونانی دارالحکومت پر سرخ آسمان جتنا متاثر کن نظر آیا، اتنا ہی یہ ایتھنز کے شہریوں میں صحت کے مسائل کا باعث بھی بنا۔ اس شہر کی فضا میں صحارا کی دھول سانس کے کئی مسائل کا اور دم گھٹنے جیسے ماحول کا باعث بنی۔ ہسپتالوں کے ایمرجنسی وارڈز میں معمول سے زیادہ مریضوں کا علاج کیا گیا، جو سانس لینے میں مشکل، کھانسی اور سینے میں درد جیسی شکایات کر رہے تھے۔

برازیل میں مبینہ طور پر اتنا زیادہ سیلابی پانی پہلے کبھی نہیں دیکھا گیا تھا۔ اپریل کے آخر میں جنوبی برازیل کی ریاست ریو گرانڈے دو سول میں شدید سیلاب آیا، جس میں کم از کم 181 افراد ہلاک ہوئے۔ اس سیلاب کو برازیل کی تاریخ کا بدترین سیلاب قرار دیا گیا۔

دنیا بھر میں بہت سے لوگوں نے مئی 2024ء میں ’فلاور مون‘ کو دیکھ کر حیرت کا اظہار کیا۔ اس دوران پورے چاند کا نظارہ خاص کر ایتھنز میں کیپ سونیون پر واقع پوسائیڈن کے قدیمی معبد کے اوپر سے اور بھی متاثر کن نظر آیا۔ ایسے چاند کو ’فلاور مون‘ اس لیے کہا جاتا ہے کیونکہ یہ موسم بہار میں نظر آتا ہے اور یہ ہر سال فلکیاتی امور کے متعدد شائقین اور فوٹوگرافروں کو اپنی طرف متوجہ کرتا ہے۔

امریکی اسٹار نے جولائی میں اپنے ’’دی ایراس ٹور‘‘ کے حصے کے طور پر سات جرمن شہروں میں پرفارم کرتے ہوئے خوب ہلچل مچائی۔ شہر گیلزن کرشن کا نام مختصر طور پر تین کنسرٹس کے لیے ’’سوئفٹ کرشن‘‘ (Swiftkirchen) رکھ دیا گیا۔ اس سلسلے میں خصوصی طور پر بنائے گئے بورڈز اور نشانات کو بعد میں خیراتی مقاصد کے لیے نیلام کر دیا گیا۔ ان سائن بورڈز کی خریداری کے لیے پورے جرمنی سے 1,400 سے زیادہ بولیاں لگائی گئیں۔

پیرس نے اولمپک کھیلوں کی میزبانی اپنے بہت سے مقامات اور شہر کے مشہور جگہوں کی شمولیت کے ساتھ اور بہت دھوم دھام سے کی ۔ پہلی بار اولمپکس کی افتتاحی تقریب کسی اسٹیڈیم میں نہیں ہوئی۔ اس کے بجائے ایتھلیٹس کو کشتیوں کی ایک پریڈ میں دریائے سین کے ذریعے آئفل ٹاور اور لوور میوزیم کے قریب سے گزارا گیا۔

فوٹوگرافر جیروم بروئیے نے تاہیٹی میں سرفنگ کے ایک مقابلے کے دوران شاید اس سال کے اولمپک کھیلوں کی سب سے شاندار تصویر کھینچی۔ انہوں نے کانسی کا تمغہ جیتنے والے برازیلی سرفر گابریئل میڈینا کو اس وقت کیمرے کی آنکھ میں محفوظ کر لیا جب ایک زبردست لہر پر تیرتے ہوئے وہ ’فضا نورد‘ ہوگئے تھے۔ یہ ایک بہت ہی خاص تصویر تھی۔

مشرقی جرمنی کے شہر ڈریسڈن میں ستمبر میں اس وقت ایک ڈرامائی منظر دیکھنے میں آیا، جب کارولا پل کا ایک حصہ منہدم ہو گیا۔ تقریباً 100 میٹر (328 فٹ) کا ایک حصہ واک ویز اور اسٹریٹ کار کی پٹڑیوں کو لے کر دریائے ایلبے میں ڈوب گیا۔ خوش قسمتی سے اس حادثے میں کوئی بھی زخمی نہیں ہوا تھا۔

29 اکتوبر کو جنوب مشرقی اسپین میں 24 گھنٹوں میں اتنی بارش ہوئی، جتنی کہ وہاں عام طور پر ایک سال میں ہوا کرتی تھی۔ بارش کی وجہ سے والینسیا میں اس گلی جیسی جگہوں پر افراتفری اور تباہی پھیل گئیں۔ سیلاب سے 230 افراد ہلاک ہوئے اور حکام پر الزام لگایا گیا کہ وہ بروقت مقامی رہائشیوں کو خبردار کرنے میں ناکام رہے۔ یورپی یونین کے کمیشن کی صدر کا کہنا تھا، ’’یہ موسمیاتی تبدیلیوں کی ڈرامائی حقیقت ہے۔‘‘

فلپائن میں ایک ماہ کے دوران چھ پرتشدد طوفان آئے، جن میں نومبر میں آنے والا سپر ٹائفون ’مان یی‘ بھی شامل تھا۔ تقریباً 14 میٹر (46 فٹ) بلند لہریں مجموعہ جزائر پر مشتمل اس ملک کے ساحلوں سے ٹکرائیں۔ تیز ہواؤں اور شدید بارشوں نے کافی نقصان پہنچایا اور صرف لوزون کے جزیرے پر ہی 1.2 ملین باشندے نقل مکانی پر مجبور ہو گئے۔ اس طوفانی سلسلے میں کم از کم آٹھ افراد ہلاک بھی ہوئے۔

پیرس کا مشہور زمانہ نوٹرے ڈیم کیتھیڈرل 2019ء میں تباہ کن آتشزدگی کا شکار ہونے کے بعد سات دسمبر 2024 کو دوبارہ کھل گیا۔ تقریباً پانچ سال تک بحالی کے کام کے سخت ترین مراحل میں اس تاریخی کلیسا کی تقریباً مکمل اندرونی اور بیرونی اور چھت تک کی تزئین و آرائش کی گئی۔ بحالی کے کام کی تکمیل پر اس کیتھیڈرل نے اپنے آپ کو ایک نئی شان و شوکت کے ساتھ پیش کیا۔