جب میتسُورو نینُوما کو معلوم ہوا کہ وہ پھیپھڑوں کے کینسر کی وجہ سے بس موت کے منہ میں جانے والے ہیں، تو انہوں نے ہسپتال کی بجائے گھر میں مرنا پسند کیا۔ اس طرح انہیں اپنے پوتے کے ساتھ زیادہ وقت گزارنے کا موقع ملا اور رِن نامی اپنے کتے کے ساتھ بھی۔

69 سالہ میتسُورو کے سونے کے کمرے کی یہ چار دیواری رنگوں سے روشن ہے، یہ رنگ انہوں نے اپنے پوتے کے ساتھ بکھیرے۔ ایک فزیکل تھراپسٹ ان کے معائنے کو آتا ہے، مساج کرتا اور ان کی ٹانگوں کو جنبش دیتا ہے۔ وہ کئی ماہ سے بسترِ مرگ پر ہیں۔

یاسودو تویوکو ٹوکیو میں اپنی بیٹی کے ہاں رہ رہے ہیں۔ اس 95 سالہ مریضہ کو معدے کے سرطان اور ڈیمینشیا کا مرض لاحق ہے۔ ان کی بیٹی ہی ان کا خیال رکھتی ہے۔ یاسوڈو کو ان کی بیٹی ہسپتال سے گھر اس لیے لے آئیں، کیوں کہ انہیں لگا کہ ان کی والدہ ہسپتال میں کم زور ہو گئیں تھیں اور ان کا ڈیمینشیا کا مرض بگڑ گیا تھا۔ جاپان میں مریضوں کی گھر میں دیکھ بھال ایک غیرعمومی بات ہے۔

ہر کوئی رضاکارانہ طور پر اپنی زندگی کے آخری چند ہفتے گھر پر رہنا پسند نہیں کرتا۔ کاتسو سایتو کو جب معلوم ہوا کہ انہیں لیکیومیا لاحق ہے، تو انہوں نے قریب المرگ مریضوں کے لیے مخصوص قیام گاہ (ہوسپیس) کا انتخاب کیا، مگر وہاں جگہ ملنے میں انہیں طویل انتظار کرنا پڑا۔ انہیں جب وہاں منتقل کیا گیا، تو وہ فقط دو ہی روز بعد انتقال کر گئے۔

ہسپتالوں اور قریب المرگ مریضوں کی قیام گاہوں (ہوسپیس) میں بستروں کی کمی ایک بڑا مسئلہ ہے۔ جاپان میں طویل العمر افراد کی تعداد بڑھ رہی ہے اور اس وقت جاپان میں ہر چار میں سے ایک شخص 65 برس سے زائد عمر کا ہے۔ طبی ماہرین کے مطابق سن 2030 میں جاپانی ہسپتالوں کو قریب نصف ملین بستروں کی کمی کا سامنا ہو گا۔

یاشوہیرو ساتو پیپھڑوں کے سرطان کے باعث انتقال کے قریب ہیں۔ وہ ہسپتال کے ایک انفرادی کمرے میں رہنا چاہتے ہیں مگر چوں کہ ریٹائرڈ افراد کمرے کا کرایہ ادا کرنے کی سکت نہیں رکھتے اور ہیلتھ انشورنس انفرادی کمروں کے لیے پیسے نہیں دیتی، وہ ٹوکیو میں ایک اپارٹمنٹ میں رہ رہے ہیں۔

فزیشن یو یاسوئی (دائیں) نے ایک موبائل کلینک قائم کر رکھا ہے، جو قریب المرگ افراد کو ان کے گھروں میں نگہداشت فراہم کرتا ہے۔ 2013ء میں قائم ہونے والا یہ کلینک اب تک پانچ سو افراد کو گھروں میں فوت ہونے والے افراد کی دیکھ بھال کر چکا ہے۔ یو یاسوئی کے مطابق زندگی کے آخری دنوں میں طبی نگہداشت بہت کارگر ہوتی ہے۔

یاسوئی کے چند مریض اپنے گھر والوں کے ساتھ رہتے ہیں یا ان کے خاندان یا دوست انہیں باقاعدگی سے دیکھنے آتے ہیں مگر کچھ ایسے بھی ہیں، جنہیں کوئی ڈاکٹر یا نگہداشت کرنے والوں کے علاوہ کوئی دیکھنے نہیں آتا۔ ٹوکیو میں یاسوہیرو کا کوئی نہیں۔ وہ ٹوکیو کے اس فلیٹ میں مکمل طور پر تنہا ہیں۔

یاسوہیرو کا کہنا ہے کہ وہ یہاں کسی پر بوجھ نہیں بننا چاہتے کیوں کہ ’انہیں موت کے بعد کی بہتر زندگی درکار ہے‘۔ 13 ستمبر کو یوسوہیرو کی سانس بند ہو گئی تھی اور اس وقت ان کے پاس ان کے فلیٹ میں ڈاکٹروں اور نرسوں کے علاوہ کوئی نہیں تھا۔

ٹیلی فون کا مسلسل استعمال، انٹرنیٹ سرفنگ یا پھر مسلسل ویڈیو گیمز کھیلنا۔ اس سے اعصابی تناؤ سے مقابلہ کرنے کی ہماری صلاحیت متاثر ہوتی ہے۔ معتدل انداز میں ٹیکنالوجی کا استعمال ہماری صحت کے لیے بھی اچھا ہے۔ ماہرین کہتے ہیں کہ رات سونے سے ایک گھنٹا قبل ہی ٹی وی دیکھنے یا انٹرنیٹ سرفنگ کا سلسلہ ختم کر دینا چاہیے۔

کسی مقام پر سکون سے بیٹھ کر گہرے سانس لینا تناؤ کو فوری کم کرنے میں مدد گار ثابت ہوتا ہے۔ اسے میڈیٹیشن بھی کہا جاتا ہے۔ ماہرین کہتے ہیں کہ میڈیٹیشن کے دوران کسی ایک نقطے پر توجہ دی جائے اور دھیرے دھیرے میڈیٹیشن کے دورانیہ کو بڑھایا جائے۔ ایساکرنے سے توجہ دینے کی صلاحیت میں اضافہ ہوتا ہے اور سکون ملتا ہے۔

صبح سویرے کی سیر انسان کو ہشاش بشاش کرتی ہے اور ایک اچھا دن گزارنے کے لیے تیار کرتی ہے۔ صبح ٹریفک کا شور اور آلودگی بھی کم ہوتی ہے۔

ہفتے میں پانچ روز روزانہ آدھا گھنٹہ ورزش ہمیں ذیابیطس، موٹاپے اور دیگر بیماریوں سے محفوظ رکھتی ہے۔ وزرش ذہنی دباؤ کو کم بھی کرتی ہے اور ہمیں ایک اچھی اور خوشگوار زندگی گزارنے میں مدد کرتی ہے۔

اچھی نیند کا مطلب ہے کہ آپ اچھے موڈ کے ساتھ اٹھیں گے۔ ویب سائٹ ہیلتھ لائن کے مطابق نیند کے دوران جسم اپنے آپ کو اگلے دن کے لیے تیار کرتا ہے۔ نیند پوری کرنا موٹاپے سے بھی دور رکھتا ہے۔

بعض اوقات مثبت سوچنا مشکل ہوتا ہے۔ لیکن اپنے ذہن کی تربیت کی جا سکتی ہے۔ اگر اس بات کو یقینی بنایا جائے کہ منفی خیال آتے ہی کچھ اچھا سوچنے کی کوشش کی جائے یا اپنے آپ کو کسی کام میں مصروف کر لیا جائے یا پھر کوئی کتاب پڑھنا شروع کر دی جائے تو منفی خیالات سے جان چھوٹ سکتی ہے۔

ہمارا بہت سا وقت دفتر میں یا اپنی پیشہ وارانہ سرگرمیاں انجام دینے میں گزرتا ہے۔ ایسے میں ہم بہت قیمتی وقت اپنوں سے دور ہو کر گزارتے ہیں۔ کوشش کی جانی چاہیے کہ ہم اپنے پیاروں کے ساتھ وقت گزاریں یہ لمحات ہماری زندگی کو معنی خیز بناتے ہیں۔

مثبت سوچ ہمارے اندر اچھے مستقبل کی امید پیدا کرتی ہے۔ ایک مشہور کہاوت ہے کہ ماضی کو بھول جائیں، مستقبل کی فکر نہ کریں اور حال میں رہیں۔

گزشتہ چار برسوں کے دوران کرائے گئے اس سروے میں 14 برس سے زائد عمر کے شہریوں کو شامل کیا گیا تھا۔ پچاسی فیصد سے زائد جرمنوں کا کہنا تھا کہ ان کے لیے کسی نا کسی جگری دوست کا ہونا یا بہترین دوستی قائم رکھنا بہت ہی ضروری ہے۔

اس سروے میں شامل اسی فیصد جرمنوں کا کہنا تھا کہ ان کے لیے ان کا خاندان، خاندان سے جڑے رہنا یا خاندان کے لیے کام کرنا زیادہ اہم ہے۔

سن دو ہزار سترہ میں پچھہتر فیصد جرمنوں کے لیے اپنے پارٹنر کے ساتھ خوشگوار زندگی گزارنا اہم تھا۔ تاہم سن دو ہزار بیس میں اس شرح میں تھوڑی سی کمی واقع ہوئی ہے، اب یہ شرح چوہتر فیصد بنتی ہے۔

سن دو ہزار بیس میں ستر فیصد جرمنوں کا کہنا تھا کہ ان کے لیے آزادنہ فیصلے کرنا بہت ہی ضروری ہے۔ سروے میں شامل ستر فیصد جرمنوں کا کہنا تھا کہ انہیں اپنی زندگی کا رخ خود متعین کرنے کی مکمل آزادی چاہیے۔

سن دو ہزار بیس میں سماجی انصاف کا موضوع چونسٹھ فیصد جرمنوں کے لیے اہم تھا۔ سن دو ہزار سترہ میں یہ شرح پینسٹھ فیصد تھی۔

ایسے جرمنوں کی تعداد میں ہر سال اضافہ ہو رہا ہے، جن کی ترجیح پرلطف زندگی گزارنا ہے۔ سن دو ہزار سترہ میں یہ شرح تقریباﹰ انسٹھ فیصد تھی لیکن سن دو ہزار بیس میں یہ بڑھ کر تقریباﹰ تریسٹھ فیصد ہو گئی۔

سن دو ہزار سترہ میں سروے میں شامل انسٹھ فیصد جرمنوں کا یہی کہنا تھا کہ ان کی خواہش ہے کہ ان کا کوئی بچہ ہو جبکہ سن دو ہزار بیس میں بھی جرمنوں کی اس خواہش میں کوئی بڑی تبدیلی واقع نہیں ہوئی۔

سن دو ہزار سترہ میں تقریباﹰ چون فیصد جرمنوں کا کہنا تھا کہ وہ دوسروں کی ہر قسم کی مدد کے لیے تیار ہیں۔ سن دو ہزار بیس میں اس شرح میں کمی دیکھی گئی اور اب تقریباﹰ تریپن فیصد جرمن باشندے کسی بھی دوسرے انسان کی ہر طرح سے مدد کرنے کی خواہش رکھتے ہیں۔

سروے میں شامل باون فیصد افراد کا کہنا تھا کہ ان کے لیے کامیاب کیریئر انتہائی اہم ہے۔ سن دو ہزار اٹھارہ اور انیس کے دوران جرمنوں میں کامیاب کیریئر کی خواہش اکاون فیصد تھی۔

اس سروے میں شامل اڑتالیس فیصد جرمنوں کا کہنا تھا کہ نجی زندگی ہو یا پھر دفتری معاملات، وہ کچھ نا کچھ نیا سیکھنے کی تلاش میں رہتے ہیں۔

سن دو ہزار سترہ میں بیالیس فیصد جرمنوں کا کہنا تھا کہ وہ ایک ہی قسم کی روٹین سے تنگ آ چکے ہیں اور زندگی میں نئے تجربات کرنا چاہتے ہیں۔ سن دو ہزار بیس میں یہ شرح بڑھ کر تقریباﹰ چوالیس فیصد ہو گئی تھی۔

سن دو ہزار سترہ میں تقریباﹰ چالیس فیصد جرمنوں کے لیے دوسرے ممالک اور ان کی ثقافتوں کے بارے میں جاننا اہم تھا۔ تاہم کورونا وائرس اور سفری پابندیوں کے باوجود جرمنوں کی اس خواہش میں اضافہ ہی ہوا ہے اور اب بیالیس فیصد جرمن باشندے یہ خواہش رکھتے ہیں۔

قدرتی ماحول میں زیادہ سے زیادہ وقت گزارنے کی خواہش رکھنے والے جرمنوں کی تعداد میں بھی اضافہ ہوا ہے۔ سن دو ہزار سترہ میں سروے میں شامل تقریباﹰ چالیس فیصد جرمن شہری قدرتی ماحول میں زیادہ وقت گزارنا پسند کرتے تھے جبکہ سن دو ہزار بیس میں یہ شرح بڑھ کر تقریباﹰ بیالیس فیصد ہو گئی۔

سن دو ہزار بیس میں جن جرمن شہریوں کے انٹرویوز کیے گئے، ان میں سے پچیس فیصد کا کہنا تھا کہ مذہب اور عقیدہ ان کے لیے اہم ہے۔ سن دو ہزار سترہ اور انیس کے مقابلے میں اس شرح میں قدرے اضافہ ہوا ہے۔

سروے میں شامل گیارہ فیصد افراد نے اپنی زندگی میں سیاسی سرگرمیوں کو اہم قرار دیا۔ حالیہ تین برسوں کے دوران سیاسی معاملات میں دلچسپی لینے والے جرمنوں کی تعداد میں بھی اضافہ ہوا ہے۔

برطانوی جریدے اسپورٹس اینڈ میڈیسن کی ایک رپورٹ کے مطابق ایک گھنٹہ ٹی وی دیکھنے سے آپ کی زندگی سے 22 منٹ کم ہو جاتے ہیں یعنی اگر آپ اوسطاً ہر روز چھ گھنٹے ٹی وی دیکھتے ہیں، تو آپ کی زندگی سے پانچ سال کم ہو سکتے ہیں۔

حال ہی میں ایک برطانوی طبی جریدے میں شائع ہونے والی ایک رپورٹ میں کہا گیا ہے کہ مہینے میں ایک بار جنسی تعلق قائم کرنے والے مردوں کے جلد انتقال کر جانے کا خطرہ اُن مردوں کے مقابلے میں دوگنا ہوتا ہے، جو ہفتے میں ایک بار ایسا کرتے ہیں۔

سونا جسم کے لیے ضروری ہے لیکن بہت زیادہ سونے سے آپ کی عمر کم بھی ہو سکتی ہے۔ آٹھ گھنٹے سے زیادہ بستر پر پڑے رہنے سے فائدہ کم اور نقصان زیادہ ہوتا ہے۔ مطلب یہ کہ باقاعدگی سے نیند ضرور لیں، لیکن آٹھ گھنٹے سے زیادہ نہیں۔

کیا آپ کو دفتر میں کئی گھنٹے بیٹھنا پڑتا ہے؟ JAMA (جرنل آف دی امریکن میڈیکل ایسوسی ایشن) کی انٹرنل میڈیسن کی تحقیق کے مطابق دن میں گیارہ گھنٹے بیٹھنے سے موت کا خطرہ 40 فیصد تک بڑھ جاتا ہے۔ کام کے درمیان میں وقفے لیں اور ہو سکے تو کچھ دیر کھڑے رہ کر کام کریں۔

انسان کے لیے کسی کا ساتھ، کسی سے بات چیت کرنا ضروری ہوتا ہے۔ کچھ لوگ ذہنی دباؤ سے دور رہنے کے لیے اکیلے ہی رہنا پسند کرتے ہیں لیکن دراصل وہ خود کو دنیا کی خوشی سے محروم کر رہے ہیں۔ ڈپریشن عمر کم ہونے کی ایک بڑی وجہ ہے۔

حال ہی میں ہونے والی ایک تحقیق کے مطابق، جس میں 15 ممالک کے 40 سال کی عمر تک کے دو کروڑ افراد کا مشاہدہ کیا گیا، بے روزگار افراد کے اچانک موت کا شکار ہو جانے کا خطرہ ملازمت پیشہ افراد کے مقابلے میں 63 فیصد زیادہ ہوتا ہے۔

جسم کے لیے ورزش انتہائی ضروری ہے لیکن صرف شوق کی وجہ سے ضرورت سے زیادہ ورزش کرنا نقصان دہ ہے۔ زیادہ بہتر یہ ہے کہ ڈاکٹر یا ٹرینر کی رائے کے مطابق ورزش کی جائے۔

یہ صحیح ہے کہ اپنے جسم کو آرام دینے کے لیے آپ کو کام سے وقفے کی ضرورت ہوتی ہے لیکن بہت زیادہ آرام نقصان دہ بھی ہو سکتا ہے۔ کام کے بعد بہت لمبا آرام مدافعتی نظام کو کمزور بھی کر دیتا ہے۔