اس شہر نے 2022 ء میں 5 ملین غیر ملکیوں کا خیرمقدم کیا۔ روم، وینس، برلن اور پراگ جیسے شہر ٹاپ ٹین پوزیشن پر نہ آ سکے۔ سیاحوں کی بڑی تعداد نے تاہم ڈچ دارالحکومت کے لیے مسائل بھی پیدا کیے۔ مقامی حکام کو پارٹی ٹورازم روکنے کے لیے عوامی مقامات پر بھنگ کے استعمال پر پابندی عائد کرنا پڑی۔

لزبن کسی زمانے میں ایک شاہکار بندرگاہی شہر ہوا کرتا تھا جہاں سے بحری جہاز دور دراز کی دنیاؤں کی تلاش کے لیے نکلتے تھے۔ ان دنوں یہ سلسلہ الٹا ہو چُکا ہے۔ دنیا بھر سے سیاح پرتگالی دارالحکومت کا رخ کرتے ہیں۔ 2022 ء میں 5.4 ملین لوگوں نے لزبن کا دورہ کیا۔ یہ شہر اپنے پرانے مقامات، گرجا گھروں، قلعوں اور عجائب گھروں کے لیے مشہور ہے۔

2022 ء میں تقریباً 5.5 ملین سیاحوں نے یونانی دارالحکومت کا دورہ کیا۔ خیال کیا جاتا ہے کہ یہ علاقہ نیولیتھک دور (3,000 سال قبل از مسیح) سے آباد ہے، جو اسے یورپ کے قدیم ترین مسلسل آباد شہروں میں سے ایک بناتا ہے۔ اس کے مقابلے میں اس تصویر میں نظر آنے والا شہر کافی جوان ہے۔ ماضی کے شاندار قلعے جو اب کھنڈرات ہیں پانچویں صدی قبل از مسیح کے دوسرے نصف حصے میں تعمیر کیے گئے تھے۔

اس مرتبہ اسپین کے تین شہر یورپ کے ٹاپ ٹین شہروں میں جگہ بنانے میں کامیاب رہے۔ میڈرڈ نے 60 لاکھ غیر ملکی سیاحوں کا استقبال کیا۔ سیاحوں کی دلچسپی کے اعتبار سے سرفہرست مقامات میں پراڈو آرٹ میوزیم، پالاسیو شاہی محل اور پلازہ میئر (تصویر میں) شامل ہیں، جہاں مقامی لوگ اور سیاح وقت گزارنا پسند کرتے ہیں۔

بوڈاپیسٹ نے 2022ء میں تقریباً 6.9 ملین زائرین کا خیر مقدم کیا۔ ہنگری کا دارالحکومت اپنے شاندار فن تعمیر، متاثر کن پلوں اور تاریخی یادگاروں کے لیے جانا جاتا ہے۔ دریائے ڈینیوب کے کنارے پر واقع تقریباً 700 کمروں پر مشتمل نیو گوتھک پارلیمنٹ کی عمارت (تصویر میں) دنیا کی سب سے بڑی پارلیمنٹ کی عمارتوں میں سے ایک ہے۔

ویلینسیا ایک کثیر جہتی خطہ ارض ہے،جس کا دلکش پرانا شہر گوتھک فن تعمیر کا شاہکار ہے۔ سٹی آف آرٹس اینڈ سائنسز کمپلیکس کی مستقبل کی عمارتیں، اور بہت سے ریستوراں اور باروں کے ساتھ ایک زندہ اور جگمگاتا ساحل سمندر پر واقع شہر ہے۔ گزشتہ سال 8.6 ملین سیاحوں نے بحیرہ روم کے کنارے پر واقع اس شہر کا دورہ کیا۔

اسپین کا سب سے زیادہ دیکھا جانے والا شہر بارسلونا ہے۔ اس نے 2022 ءمیں 9.8 ملین بین الاقوامی سیاحوں کی میزبانی کی۔ پارٹی لائف کے شوقین افراد سے لے کر ثقافت سے محبت کرنے والوں تک اس میں ہر کسی کے لیے سب کچھ موجود ہے۔ زاگراڈا فامیلیا (تصویر میں)، کاتالان کے معمار انتونی گاڈی کی ایک خاص تخلیق ہے۔ اس کا تعمیراتی کام 1882ء میں شروع ہوا اور 2026 ء میں اس معمار کی وفات کے سو سال مکمل ہونے پر ختم ہوگا۔

ایشیا اور یورپ کے سنگم پر واقع شہر استنبول ایک متنوع اور منفرد مقام ہے۔ 2022ء میں 16 ملین زائرین نے یہ شہر دیکھا۔ اس کی منفرد اور مختلف ثقافتوں اور مذاہب نے صدیوں پر اپنا نشان چھوڑا ہے، جیسا کہ ہایا صوفیہ (تصویر میں) جیسی یادگاروں میں دیکھا جا سکتا ہے۔ یہ اصل میں ایک عیسائی چرچ تھا، اسےعثمانی دور حکومت میں مسجد میں تبدیل کر دیا گیا تھا۔ پھر یہ ایک میوزیم بن گیا اور اب ایک بار پھر یہاں ایک مسجد ہے۔

(تصویر میں)، ٹاور برج اور بکنگھم پیلس لندن کے چند پرکشش مقامات ، جو گزشتہ سال 16.1 ملین غیرملکی سیاحوں کو برطانوی دارالحکومت کی طرف کھینچ لائے۔ سینکٹروں سالوں پر محیط بادشاہت کا مرکز ہونے کے ساتھ ساتھ یہاں کی رونق افروز راتیں، موسیقی کے لیے ایک جاندار ماحول، دنیا بھر سے پکوان کے شائقین کے لیے متنوع پکوان، متاثر کن آرٹ کلیکشن اور آرام دہ شراب خانے لندن کو دنیا بھر میں غیر معمولی مقبولیت بخشتے ہیں۔

2022ء میں 19.4 ملین بین الاقوامی سیاحوں نے خوشبوؤں اور رومانس کے شہر پیرس کا دیدار کیا۔ اس طرح یہ 2022 ء میں یورپ کا سب سے زیادہ دیکھا جانے والا شہر تھا۔ لوورمیوزیم ، آیفل ٹاور (تصویر میں)، نوٹرے ڈیم اور دیگر مشہور سائٹس اس شہر کو ایک لازوال دلکشی عطا کرتی ہیں۔ Montmartre کے رومانوی محلے میں گھومتے پھرتے یا دریائے سین کے کنارے بیٹھ کر سمجھ میں آتا ہے کہ پیرس کو محبت کا شہر کیوں کہا جاتا ہے!