فیفا نے عالمی برادری کی طرح جہاں یوکرائن پر روسی فوج کشی کی شدید مذمت کی ہے وہاں روس کو اس نام کے ساتھ کھیلنے سے بھی روک دیا ہے۔ عالمی نگران ادارے نے کہا ہے کہ اب بین الاقوامی میچوں میں روس کی شناخت 'فٹ بال یونین آف رشیہ‘ کے نام سے ہو گی۔

فیفا کے اعلان میں یہ بھی کہا گیا کہ ان میچوں میں روس کا جھنڈا بھی نہیں لہرایا جائے گا اور نہ ہی قومی ترانے کو نشر کیا جائے گا۔ ان میچوں کا تعلق ورلڈ کپ کے کوالیفائینگ میچوں سے ہے۔ فٹ بال کا عالمی کپ رواں برس خلیجی ریاست قطر میں کھیلا جائے گا۔

’روس اور انگلینڈ کو یورو چیمپئن شپ سے باہر کیا جا سکتا ہے‘

پولینڈ کا انکار

سب سے پہلے روس میں میچ کھیلنے سے انکار پولینڈ کی جانب سے سامنے آیا تھا۔ اس انکار کے حوالے سے پولینڈ کی فٹ بال ٹیم کے کپتان رابرٹ لیوانڈووسکی کا کہنا تھا کہ وہ میچ کھیلتے ہوئے ایسا ظاہر نہیں کر سکتے کہ کچھ بھی نہیں ہوا ہے۔ پولینڈ نے ورلڈ کپ کوالیفائنگ سلسلے کا میچ روس میں کھیلنے سے انکار چکا ہے۔

فارورڈ پوزیشن پر کھیلنے والے عالمی شہرت کے پولستانی فٹ بالر لیوانڈووسکی جرمنی کی ریکارڈ ساز فٹ بال کلب بائرن میونخ کی جانب سے بھی کھیلتے ہیں۔

پولینڈ کی قومی  فٹ بال ایسوسی ایشن کے صدر سیزاری کولیسزا نے کُھلے الفاظ میں کہا کہ اب الفاظ کے استعمال کا وقت نہیں رہا بلکہ عمل کی ضرورت ہی۔

یوکرائن میں یورپ کے فٹ بال چیمپیئن کا فیصلہ

پولستانی فٹ بال ایسوسی ایشن نے اتوار ستائیس فروری کو فیفا کو مطلع کیا تھا کہ وہ اپنے اُس موقف پر قائم ہے کہ ان کی ملکی ٹیم روس میں کھیلے جانے والے میچ میں شریک نہیں ہوگی اور نہ ہی وہاں جا کر روس یا کسی اور ملک کی ٹیم کے ساتھ کھیلے گی۔

فٹ بال کھیلنے والے ممالک کا احتجاج

یوکرائن پر روسی جارحیت کے تناظر میں روس کے اندر کھیلوں کی بین الاقوامی سرگرمیاں شدید طور پر متاثر ہو گئی ہیں۔ فٹ بال کھیلنے والے یورپی ممالک روسی شہروں میں میچ کھیلنے سے انکار کر چکے ہیں۔

اب فٹ بال کھیل کی اسپانسرنگ کمپنیوں نے بھی روسی فٹ بال کلبوں کو فراہم کردہ اپنی اسپانسرشپ منسوخ کرنا شروع کر دیا ہے۔ کئی کمپنیوں کے اعلان سامنے آ چکے ہیں

فٹ بال کی یورپی کلبوں کی نگران تنطیم یُوئیفا نے روسی شہر سینٹ پیٹرزبرگ کو معتبر یورپی فٹ بال ٹورنامنٹ چیمپیئنز لیگ کے فائنل میچ کے میزبان شہر سینٹ پیٹرزبرگ کو اس میچ کے انعقاد سے محروم کر دیا ہے۔

ابھی تک یورپی فٹ بال کلبوں کی تنظیم یُوئیفا کی جانب سے ایسی کوئی پیش رفت سامنے نہیں آئی جس میں روسی کلبوں کو مختلف یورپی براعظم کے ممالک میں جا کر وہاں کی کلبوں کے ساتھ کھیلنے سے روک دیا گیا ہو۔

فٹبال عالمی کپ قطر میں لیکن ٹیموں کا قیام پڑوسی ممالک میں؟

فٹ بال کے عالمی ادارے فیفا نے اس تناظر میں انٹرنیشنل اولمپک کمیٹی کے ساتھ مشاورت کا سلسلہ شروع کر دیا ہے کیونکہ یُوئیفا اور دوسری کھیلوں کی تنظیمیں اضافی اقدامات اٹھانے کا عزم ظاہر کر چکی ہیں۔

یانیک اشپیگٹ، میٹ پیئرسن (ع ح/ع ب)