دنیا میں رہنے لائق جن بہترین دس شہروں کی نئی درجہ بندی کی گئی ہے اس میں ایشیا بحر الکاہل کے آٹھ شہر شامل ہیں۔
تصویر: Newscom/picture alliance
اشتہار
نیوزی لینڈ نے کورونا وائرس کی وبا کو اتنے بہتر طریقے سنبھالا اور قابو کیا کہ اکنومسٹ انٹیلیجنس یونٹ (ای آئی یو) نے اس برس دنیا کے بہترین رہنے لائق جن دس نئے شہروں کا انتخاب کیا ہے اس میں اس کا شہر آکلینڈ سر فہرست ہے۔
اکنومسٹ انٹیلیجنس یونٹ نے عالمی سطح پر رہائش کی درجہ بندی سے متعلق سن 2021 کی جو رپورٹ شائع کی ہے اس کے مطابق نیوزی لینڈ کا آکلینڈ رہنے لائق دنیا کا بہترین شہر ہے۔اس درجہ بندی کے مطابق آکلینڈ کے بعد جاپان کا شہر اوساکا، آسٹریلیا کا ایڈیلیڈ، ٹوکیو اور ویلنگٹن بھی رہائش کے لیے ایشیا کے بالترتیب بہترین پانچ شہر ہیں۔ اس کی ایک وجہ یہ بھی ہے کہ وبا کے دور میں لاک ڈاؤن کے سبب متعدد یورپی شہروں میں نمایاں گراوٹ درج کی گئی۔
اکنومسٹ انٹیلیجنس یونٹ نے اس حوالے سے ایک بیان میں کہا، ''نیوزی لینڈ کے سخت لاک ڈاؤن نے اس کے معاشرے کو دوبارہ جلدی کھولنے کی اجازت دی جس کی وجہ سے آکلینڈ اور ویلنگٹن جیسے شہروں کے باسیوں کو پھر سے اسی طرح کی طرز زندگی سے لطف اندوز ہونے کا موقع ملا جو وبائی امراض سے پہلے ہوا کرتی تھی۔''
تصویر: Studio Borlenghi/Xinhua/imago images
آسٹریلیا کے شہر ایڈیلیڈ کے علاوہ اس کا شہر پرتھ، میلبورن اور برسبین بھی دس سب سے بہترین شہروں کی فہرست میں شامل ہیں۔ اس کی سب سے اہم وجہ یہی بتائی گئی کہ آسٹریلیا نے بھی وبا کے خلاف سخت اور فیصلہ کن اقدامات کیے۔
آسٹریلیا اور نیوزی لینڈ کا جہاں محل وقوع انوکھا ہے وہیں دونوں ملکوں نے کورونا وائرس کی وبا کے خلاف سب سے پہلے اقدامات کیے اور اس کو پھیلنے سے روکے رکھا۔ اس کی وجہ سے ان ملکوں میں کورونا سے متاثرین کے کیسز کی تعداد بھی کم رہی۔
جان ہاپکنز یونیورسٹی کے اعداد و شمار کے مطابق آسٹریلیا میں کووڈ 19 کی وبا سے صرف ایک ہزار افراد ہی ہلاک ہوئے جبکہ نیوزی لینڈ میں ہلاکتوں کی تعداد سب سے کم 26 ہے۔
دنیا میں رہائش کے لیے دس بہترین شہر
رواں برس دنیا کے ایک سو چالیس بڑے شہروں میں سے رہائش کے لیے ویانا کو دنیا کا بہترین ملک قرار دیا گیا ہے۔ یہ درجہ بندی استحکام، امن، صحت کی دیکھ بھال، ثقافت، ماحول، تعلیم اور بنیادی ڈھانچے کو مدنظر رکھتے ہوئے کی جاتی ہے۔
تصویر: Bob Berwyn
ویانا، آسڑیا
ویانا کو لگاتار دوسرے برس بھی رہائش کے لیے دنیا کا سب سے بہترین شہر قرار دیا گیا ہے۔ دی اکنامکس انٹیلیجنس یونٹ کی جانب سے آسٹریا کے دارالحکومت کو ایک سو میں سے ننانوے عشاریہ ایک فیصد نمبر دیے گئے ہیں۔
تصویر: Bob Berwyn
میلبورن، آسٹریلیا
سن دو ہزار اٹھارہ میں ویانا سے شکست کھانے سے پہلے میلبورن عالمی درجہ بندی میں مسلسل سات برس پہلے نمبر پر آتا رہا ہے۔ رواں برس اٹھانوے عشاریہ چار فیصد پوائنٹس کے ساتھ یہ دوسرے نمبر پر رہا ہے لیکن ہیلتھ کیئر، تعلیم اور بنیادی ڈھانچے میں اسے مکمل سو فیصد پوائنٹس دیے گئے ہیں۔
تصویر: Fotolia/peshkov
سڈنی، آسٹریلیا
دی اکنامکس انٹیلیجنس یونٹ کے مطابق رواں برس سڈنی پانچویں درجے سے ترقی کرتا ہوا تیسرے درجے تک پہنچ گیا ہے۔ اس کی درجہ بندی میں بہتری اس شہر کے ماحول دوست اقدامات کی وجہ سے ہوئی ہے۔ اس شہر کی ثقافتی سرگرمیوں اور ماحول میں بہتری آئی ہے۔
تصویر: picture alliance/dpa/robertharding
اوساکا، جاپان
اوسکا تیسرے نمبر سے چوتھے نمبر پر چلا گیا ہے۔ لیکن سن دو ہزار اٹھارہ سے پہلے اس شہر کا شمار دنیا کے دس بہترین شہروں میں نہیں ہوتا تھا۔ اس شہر کی درجہ بندی میں بہتری ان اقدامات کے بعد ہوئی ہے، جو کرائم ریٹ میں کمی اور نقل و حمل کا معیار بہتر بنانے کے لیے اٹھائے گئے تھے۔ یہ ٹوکیو کے بعد جاپان کا دوسرا سب سے بڑا شہر ہے۔
تصویر: Getty Images/UIG/Dukas
کیلگری، کینیڈا
رواں برس کے سروے میں کیلگری چوتھے نمبر سے پانچویں نمبر پر چلا گیا ہے لیکن یہ اب بھی نارتھ امریکا میں رہائش کے لیے سب سے بہترین شہر ہے۔ تیرہ لاکھ نفوس پر مشتمل یہ شہر زندگی کے بہتر معیار کی وجہ سے مشہور ہے۔
تصویر: picture-alliance/blickwinkel/M. Lohmann
وینکوور، کینیڈا
سن دو ہزار دو سے سن دو ہزار دس تک کینیڈا کے اس شہر کو رہائش کے لیے دنیا کا بہترین شہر قرار دیا گیا تھا۔ تاہم اس برس چھٹے نمبر پر آنے کے باوجود یہاں کا معیار زندگی بہت بہتر ہے۔ اسے ایک سو میں سے ستانوے عشاریہ تین فیصد نمبر دیے گئے ہیں۔ اس شہر میں بھی ہیلتھ کیئر، ماحول، تعلیم اور انفراسٹرکچر کو بہترین قرار دیا گیا ہے۔
تصویر: Don Emmert/AFP/Getty Images
ٹورونٹو، کینیڈا
مجموعی طور پر کینیڈا کا یہ تیسرا شہر ہے، جو دنیا کے دس بہترین شہروں میں شامل ہوا ہے اور اسے ستانوے عشاریہ دو فیصد نمبر دیے گئے ہیں۔ کینیڈا کے سب سے زیادہ آبادی والے اس شہر کو دنیا میں عصر حاضر کا سب سے زیادہ کثیر الثقافتی شہر ہونے کا اعزاز بھی حاصل ہے۔
تصویر: picture alliance/All Canada Photos
ٹوکیو، جاپان
سن دو ہزار بیس کی سمر اولمپکس کا انعقاد اسی شہر میں ہو گا اور یہی وجہ ہے کہ اس شہر میں بڑی سطح پر تبدیلیاں لائی گئی ہیں۔ جاپان کے اس شہر کا شمار دنیا کے محفوظ ترین شہروں میں بھی ہوتا ہے اور سیاح شوق سے اس شہر کا رخ کرتے ہیں۔
تصویر: Getty Images/AFP/K. Nogi
کوپن ہیگن، ڈنمارک
ویانا کے بعد کوپن ہیگن یورپ کا وہ واحد شہر ہے، جو رہائش کے لیے دنیا کے دس بہترین شہروں کی فہرست میں شامل ہونے میں کامیاب رہا ہے۔ یہ شہر مہنگا ہونے کے باجود ہیلتھ کیئر اور بنیادی ڈھانچے میں بہترین تصور کیا گیا ہے۔ امید کی جا رہی ہے کہ سن 2025ء تک یہ دنیا کا سب سے زیادہ سائیکل فرینڈلی شہر بن جائے گا۔
تصویر: Morten Jerichau/Wonderful Copenhagen
ایڈیلیڈ، آسٹریلیا
اس شہر کی وجہ سے آسٹریلیا کے تین شہر اس فہرست میں اپنی جگہ بنانے میں کامیاب ہوئے ہیں۔ گرجا گھروں کی وجہ سے مشہور اس شہر کی آبادی صرف تیرہ لاکھ نفوس پر مشتمل ہے۔ دوسرے شہروں کے مقابلے میں یہ چھوٹا شہر ہے لیکن یہ دنیا میں اپنے بہترین شراب خانوں اور ساحلوں کی وجہ سے شہرت حاصل کر رہا ہے۔
تصویر: Getty Images/M. de Klerk
کراچی کا شمار بدترین شہروں میں
اسی طرح دنیا میں رہائش کے لیے دس بدترین شہروں کی فہرست بھی جاری کی گئی ہے اور پاکستان کا شہر کراچی اس فہرست میں پانچویں نمبر پر ہے۔ رہائش کے لیے بدترین شہروں میں پہلے نمبر پر دمشق (شام)، دوسرے پر لاگوس (نائجیریا)، تیسرے پر ڈھاکا (بنگلہ دیش) اور چوتھے پر طرابلس (لیبیا) ہے۔
تصویر: picture-alliance/Zumapress
11 تصاویر1 | 11
یورپی شہروں میں نمایاں گراوٹ
اس سے پہلے زندگی گزارنے کے لحاظ سے دنیا کا سب سے بہترین شہر آسٹریا کا دارالحکومت ویانا ہوا کرتا تھا جو اس بار کی درجہ بندی میں دس بہترین شہروں کی فہرست میں بھی جگہ نہیں بنا پایا اور 12ویں مقام پر پہنچ گیا۔ رواں برس کورونا وائرس کی عالمی وبا سے یورپی شہر بری طرح متاثر ہوئے اور ان کے رہنے کے معیار میں یہ نمایاں کمی اسی وجہ سے آئی ہے۔
ای آئی یو کا کہنا ہے، '' کووڈ 19 کی وبا نے عالمی رہائش کے معیار کو بری طرح نقصان پہنچایا ہے۔ دنیا بھر کے شہروں میں وبائی امراض پھیلنے کے سبب وبا سے پہلے جیسے ماحول اور طرز زندگی باقی نہیں رہ سکی ہے۔ ہم نے دیکھا ہے کہ یورپ جیسے خطے اس سے خاص طور پر کافی متاثر ہوئے ہیں۔''
دنیا کے خوبصورت ترین شہر
امریکا کے سفری میگزین ’کونڈے نسٹ‘ نے اٹھائیسویں مرتبہ دنیا کے دس بہترین شہروں سے متعلق سروے کروایا ہے۔ ایک لاکھ اٹھائیس ہزار افراد کی نظر میں یہ دنیا کے خوبصورت ترین شہر ہیں۔
تصویر: picture alliance/DUMONT Bildarchiv
نمبر دس: لندن (برطانیہ)
اگر سیاحوں کی بعد کی جائے تو لندن دنیا کے بڑے بڑے شہر اس سے پیچھے ہیں۔ یہاں پہنچنے والے سیاحوں کی سالانہ تعداد ستّرہ ملین سے بھی زائد ہے۔ یہ شہر عجائب گھروں، تھیٹروں، شاپنگ مالز، جدید فن تعمیر اور شاہی عمارتوں کا شہر ہے۔
تصویر: Getty Images
نمبر نو: کیوٹو (جاپان)
اس سابقہ شاہی شہر کو جاپانی تاریخ کا دل کہا جاتا ہے۔ یہ شہر محلات، خانقاہوں، مندروں اور بے نظیر باغات سے بھرا پڑا ہے۔ اس کے علاوہ کیوٹو کی خوبصورت سرزمین سیاحوں کے لیے باعث کشش ہے۔
تصویر: picture alliance/Robert Harding World Imagery
نمبر آٹھ: بروگے (بیلجئیم)
اس شہر کو قرون وسطیٰ کا زیور کہا جاتا ہے۔ مخصوص ڈیزائن اور پھتروں سے بنی سڑکیں، مخصوص شکل کی اینٹوں والے گھر، بے شمار گرجا گھر اور شہر میں رگوں کی طرح چلتی ہوئی نہریں اس کی پہچان ہیں۔ یہ شہر رومانوی بھی ہے۔
تصویر: picture-alliance/D. Kalker
نمبر سات: پراگ (چیک جمہوریہ)
اس شہر کا محل ایک ہزار سال سے بھی پرانا ہے اور اس کا شمار دنیا کے بڑے محلات میں ہوتا ہے۔ اس شہر کی دلفریب گلیاں اور سڑکیں سیاحوں کو قرون وسطیٰ میں لے جاتی ہیں۔
تصویر: picture-alliance/Heritage Images
نمبر چھ: روم (اٹلی)
اس شہر کو ’ابدی شہر‘ بھی کہا جاتا ہے اور یہ تین ہزار سال پرانی تاریخ کے رازوں کا امین بھی ہے۔ تاہم یہ شہر عجائب گھر نہیں بلکہ ایک زندہ دل شہر ہے۔
تصویر: Rahmat Orozgani
نمبر پانچ: پیرس (فرانس)
پیرس کو محبت، ثقافت، خوشبوؤں اورعجائب گھروں کا شہر کہا جاتا ہے۔ دنیا بھر میں یہ شہر ایفل ٹاور کی وجہ سے مشہور ہے۔ اگر آپ پیرس جائیں تو آپ کو بہت زیادہ ایسے مقامات ملتے ہیں، جنہیں آپ دیکھ سکتے ہیں۔
تصویر: picture-alliance/dpa/AP Images
نمبر چار: سڈنی (آسٹریلیا)
آسٹریلیا کا یہ دوسرا بڑا شہر جدید طرز تعمیر اور قدرتی حسن سے مالا مال ہے۔ اس شہر کے بالکل قدموں میں کئی کلومیٹر طویل سفید ریت والا دلکش ساحل ہے۔ دلچسپ فن تعمیر والا اوپیرا ہاؤس سڈنی کی علامت ہے۔
تصویر: picture alliance/blickwinkel/McPHOTO
نمبر تین: بوڈاپسٹ (ہنگری)
اس شہر کے تقریباﹰ تمام بڑے اور پرکشش مقامات دریائے ڈینیوب کے کنارے پر واقع ہیں۔ اپنی خوبصورتی کی وجہ سے بوڈاپسٹ کو "ڈینیوب کی رانی" کے طور پر بھی جانا جاتا ہے۔
تصویر: imago/Volker Preußer
نمبر دو: ویانا (آسٹریا)
اس شہر میں واقع سینٹ اسٹیفن گرجا گھر، شاہی محل، کافی ریستورانوں کی ثقافت اسے شہر کو منفرد حیثیت فراہم کرتی ہے۔ یہاں پر سیاح قدیم سلطنت کا جلال اور شان و شوکت کا تجربہ بھی کر سکتے ہیں۔
تصویر: THOMAS COEX/AFP/Getty Images
نمبر ایک: فلورنس (اٹلی)
اس سال کے سروے میں دنیا کا خوبصورت ترین شہر، تسکانہ کے صدر مقام، فلورنس کو قرار دیا گیا ہے۔ یہ شہر عجائب گھروں، محلات اور یادگاروں سے بھرا پڑا ہے۔ اس شہر میں انجیلو، لیونارڈو ڈا ونچی اور بہت سے دوسرے فنکاروں کے نشانات ملتے ہیں۔
تصویر: amorfati.art/Fotolia.com
10 تصاویر1 | 10
نئی درجہ بندی میں جن دس شہروں کی رینکنگ میں سب سے زیادہ گرواٹ درج کی گئی ان میں سے آٹھ کا تعلق یورپ سے ہے۔ خاص طور پر جرمنی کے شہر ہیمبرگ نے سب سے زیادہ گروٹ ریکارڈ کی جو 34 ویں مقام سے 47 ویں پر پہنچ گیا۔اس کی بھی اہم وجوہات کورونا وائرس کی روک تھام کے لیے عائد پابندیوں کو بتایا گیا ہے۔ حکام نے سخت لاک ڈاؤن نافذ کیا جبکہ مقامی شہریوں کو صحت اور طرح طرح کے طبی مسائل کا سامنا کرنا پڑا۔ اس طرح کے دباؤ میں اضافے کے سبب یورپی شہروں میں طرز زندگی مشکل ہوتی گئی۔
ای آئی یو کی نئی فہرست کے مطابق شام کا دارالحکومت دمشق زندگی گزارنے کے لحاظ سے دنیا کا بد ترین شہر ہے جس پر خانہ جنگی کے اثرات اور اس سے ہونے والی اموات کا سلسلہ جاری ہے۔
ص ز/ ج ا (روئٹرز، اے ایف پی)
جرمنی کے بہترین تفریحی پارک
اورلانڈو اور پیرس کے تفریحی پارک دنیا میں مشہور ہیں لیکن اب جرمنی بھی پیچھے نہیں رہا۔ بڑے شہروں سے عموماً ذرا فاصلے پر واقع جرمن تفریحی پارکوں میں بھی وہ سارے جھولے موجود ہیں، جن میں بیٹھنے والوں کی چیخیں نکل جاتی ہیں۔
تصویر: picture alliance/Benjamin Beytekin
رُسٹ: یورپ پارک
یہ پارک جنوبی جرمنی کے 4 ہزار کی آبادی والے قصبے رُسٹ میں واقع ہے۔ 2015ء میں اسے تقریباً 5.5 ملین شائقین دیکھنے کے لیے گئے، یوں یہ شائقین کی سب سے زیادہ تعداد کے حوالے سے دنیا کے دس بڑے تفریحی پارکوں میں سے ایک تھا۔ دَس مختلف شعبے اور ایک سو سے زیادہ مختلف قسم کے مشینی جھولے لوگوں کو بور نہیں ہونے دیتے۔ ’یورپ پارک‘ میں پانچ ہوٹلز کے ساتھ ساتھ ایک سینما گھر اور کیمپنگ کے لیے مخصوص ایک احاطہ بھی ہے۔
تصویر: Europapark
گُنس برگ: لیگو لینڈ
باویریا میں 20 ہزار کی آبادی والے قصبے گُنس برگ میں واقع لیگو لینڈ نامی پارک کو ہر سال تقریباً ایک ملین شائقین دیکھنے کے لیے جاتے ہیں۔ جرمنی کی کئی قابل دید اور مشہور عمارات آپ کو ماڈل کی صورت میں یہیں مل جائیں گی، خواہ وہ نوئے شوان شٹائن کا محل ہو یا پھر برلن میں پارلیمان کی عمارت۔ یہ تمام ماڈل ایک اور بیس کے تناسب کے ساتھ بنائے گئے ہیں یعنی کوئی بھی حقیقی عمارت یہاں موجود ماڈل سے بیس گنا بڑی ہے۔
تصویر: picture-alliance/dpa/K. J. Hildenbrand
بروہل: فانٹازیا لانڈ (فینٹیسی لینڈ)
چھوٹا سا شہر بروہل کولون سے کچھ ہی دور واقع ہے، جہاں آپ فانٹازیا لانڈ نامی تفریحی پارک میں ایک دیو مالائی دنیا میں گم ہو سکتے ہیں۔ 1967ء میں تعمیر کیا جانے والا یہ پارک یورپ کے سب سے پرانے تفریحی پارکوں میں سے ایک ہے۔ کسی زمانےمیں یہاں دیو مالائی داستانوں کے کردار بڑی بڑی پتلیوں کی صورت میں دیکھے جا سکتے تھے تاہم آج کل اس میں ہر طرح کے تیز رفتار مشینی جھولے شائقین کا دل بہلانے کے لیے موجود ہیں۔
تصویر: picture-alliance/dpa/O. Berg
ہیمبرگ: چھوٹے سائز کا ونڈر لینڈ
یہ تفریحی پارک جرمنی کے بندرگاہی شہر ہیمبرگ کے تاریخی علاقے ’شپائیشر اشٹٹ‘ میں واقع ہے۔ یہاں کا ریل گاڑیوں کے ماڈلز کا نمونہ پوری دنیا میں اپنی نوعیت کا سب سے بڑا نمونہ ہے، جس کے لیے تیرہ کلومیٹر طویل پٹڑیاں بچھائی گئی ہیں۔ یہاں تقریباً چَودہ ہزار بوگیاں دیکھی جا سکتی ہیں۔ سب سے بڑی ریل گاڑی کی لمبائی چَودہ میٹر ہے۔ سن 2020ء تک اس ریلوے ٹریک میں مزید سات کلومیٹر کا اضافہ کر دیا جائے گا۔
ساڑھے آٹھ لاکھ مربع میٹر پر پھیلا ہوا یہ تفریحی پارک رقبے کے اعتبار سے رُسٹ کے ’یورپ پارک‘ کے بعد جرمنی کا دوسرا بڑا پارک ہے۔ اس تفریحی پارک ہی کی وجہ سے صوبے لوئر سیکسنی کا چھوٹا سا شہر زولٹاؤ پورے جرمنی میں مشہور ہے۔ پندرہ سال سے اس میں ’اوپا‘ نام کی یہ رولر کوسٹر شائقین کو محظوظ کر رہی ہے، اس میں بیٹھنا اس پارک کی سیر کو جانے والا ہر شخص اپنے لیے لازمی خیال کرتا ہے۔
تصویر: picture-alliance/dpa/R. Jensen
سیرکسڈورف: ہنزا پارک
کسی رولر کوسٹر میں بیٹھنےکے بعد سیدھا سمندر میں چھلانگ لگانے کی خواہش ہو، تو سیرکسڈورف کے عین سمندر کے کنارے واقع ہنزا پارک میں جائیں، جہاں شائقین کی تفریح طبع کے لیے 125 مختلف مقامات تعمیر کیے گئے ہیں، جن میں ایک واٹر سرکس کے ساتھ ساتھ پانی کے اندر سے گزرنے والے 5 مشینی جھولے بھی شامل ہیں۔ سیرکسڈورف کی آبادی 1590 نفوس پر مشتمل ہے لیکن اس پارک کی سیر کے لیے سالانہ ڈیڑھ ملین شائقین یہاں آتے ہیں۔
تصویر: imago/R. Balzerek
زِنڈل فِنگن: سینسا پولِس
خراب موسم میں کھلے آسمان تلے واقع تفریحی پارکوں میں بھی سیر کا لطف باقی نہیں رہتا لیکن جرمن صوبے باڈن وُرٹمبرگ کے شہر زِنڈل فِنگن میں دَس ہزار مربع میٹر رقبے پر پھیلا ہوا سینسا پولِس تفریحی پارک ایک ہی چھت کے نیچے ہے اور وہاں خواب موسم میں بھی مزے سے سیر و تفریح کی جا سکتی ہے۔
تصویر: Sensapolis/S. Bell
ہالبے: ٹراپیکل آئی لینڈز
جرمن دارالحکومت برلن کے قریب ’ٹراپیکل آئی لینڈز‘ نامی تفریحی پارک دنیا کے ایسے سب سے بڑے ہال کے نیچے بنایا گیا ہے، جو کسی طرح کے اندرونی ستونوں کے بغیر کھڑا ہے۔ یہ پارک سارا سال اور دن رات کھلا رہتا ہے اور سالانہ پانچ اور دس لاکھ کے درمیان سیاح اس کی سیر کے لیے جاتے ہیں۔ اگرچہ اس پارک کے نزدیک کوئی سمندر نہیں لیکن اس ہال کے اندر ساحل سمندر کا لطف اٹھایا جا سکتا ہے۔
تصویر: Sean Gallup/Getty Images
ہوڈن ہاگن: سیرنگیتی پارک
اگر جنگلی جانوروں کو قریب سے دیکھنے کے لیے آپ افریقہ کے کسی پارک میں نہیں جانا چاہتے تو آپ جرمنی کے اندر تقریباً ایک سو بیس ہیکٹر رقبے پر پھیلے سیرنگیتی پارک میں جا سکتے ہیں، جہاں گینڈوں سے لے کر شیروں تک تقریباً ڈیڑھ ہزار جانور موجود ہیں۔ اگر لوگ ایک دن میں سارا پارک نہ دیکھ پائیں اور مزید دیکھنے کے بھی خواہش مند ہوں تو یہاں رات کو قیام کی بھی سہولت موجود ہے۔
تصویر: picture-alliance/dpa/H. Hollemann
سِرن ڈورف: پلے موبیل فَن پارک
بچپن کے دور کے ہر طرح کے کھلونے اور ہر طرح کے کھیلوں کے کردار سِرن ڈورف کے پلے موبیل فَن پارک میں بڑے سائز میں دیکھے جا سکتے ہیں۔ یہ تفریحی پارک نوّے ہزار مربع میٹر رقبے پر تعمیر کیا گیا ہے۔ بچے یہاں ہر طرح سے کھیل کُود کے مزے لے سکتے ہیں۔