نیم عریاں لباس، چمک دمک اور سامبا کی دھنوں پر دیوانہ وار رقص، ریو میں ہونے والے کارنیوالکی وہ خصوصیات ہیں جو اسے دنیا کے سب سے مشہور جشن کا درجہ دیتی ہیں۔ اس کارنیوال کو دیکھنے کے لیے 90 ہزار سے زائد شائقین پہلے اسے سامبا اسکولز کی پریڈ میں دیکھنے آتے ہیں۔ جس کے بعد یہ جشن گلی کوچوں میں منایا جاتا ہے جسے دیکھنے لاکھوں کا مجمع امڈ آتا ہے۔

بولیویا میں کارنیوال سطح سمندر سے 3700 میٹر بلندی پر واقع صوبائی دارالحکومت اوروہرو میں منعقد ہوتا ہے۔ ہاتھوں سے بنائے گئے ماسک اور روایتی ملبوسات اس جشن کا خاصہ ہیں۔ تین دن تک جاری رہنے والے اس جشن میں نیکی اور بدی کی علامتی جنگ کی منظر کشی کی جاتی ہے۔

جاز میوزک کی مسحورکن دھنوں کے درمیان منایا جانے والا ’ماردی گرا‘ کارنیوال منگل کے روز منایا جاتا ہے۔ اس کارنیوال کی خصوصیات میں انتہائی خوبصورتی سے سجائے گئے فلوٹس، خوبصورت کاسٹیومز اور جاز میوزک کی دھنوں پر رقص شامل ہے۔

ٹرینیڈاڈ اور ٹوبیگو میں پہلی بار 1286 میں کارنیوال منایا گیا تھا۔ یہاں گنڈولا کشتیوں کو نہایت خوبصورتی سے سجا کر نہروں میں ان کی پریڈ منعقد ہوتی ہے۔ یہاں کی سڑکوں پر چہروں پر ماسک چڑھائے لوگ اپنی شناخت ظاہر کیے بغیر کارنیوال کے جشن میں بھرپور حصہ لیتے ہیں۔

کینیڈا کےسرمائی فیسٹیول میں Bonhomme کارنیوال خاص درجہ رکھتا ہے۔ منفی 30 ڈگری سینٹی گریڈ میں منائے جانے والے اس جشن کے دوران برانڈی، ووڈکا اور شیری جیسی شرابوں کا کاکٹیل یہاں لطف اندوز ہونے والوں کا خون گرماتا ہے۔ اس فیسٹول میں مختلف اسپورٹس مقابلے اور پریڈز منعقد ہوتی ہیں جو بڑی تعداد میں لوگوں کی دلچسپی کا باعث بنتی ہیں۔

ہر سال اپریل میں ہونے والے اس کارنیوال میں ہزاروں لوگ شریک ہوتے ہیں۔ اس کارنیوال کو پوپو یعنی ماسک کارنیوال بھی کہا جاتا ہے جس میں ہم جنس پرست مرد و خواتین بھی ماسک پہن کر حصہ لیتے ہیں۔ گو کہ اس ملک میں ہم جنس پرستی غیر قانونی نہیں تاہم یہ اب بھی یہاں ایک ممنوعہ موضوع ہے تاہم اس دن اپنی شناخت ظاہر کیے بغیر ہزاروں افراد جشن کی رنگینیوں میں شریک ہوتے ہیں۔

جرمنی میں کارنیوال سیزن کے دوران خواتین کا کارنیوال ڈے منایا جاتا ہے جس میں خواتین مردوں کی ٹائی کاٹ کر انہیں بوسہ دیتی ہیں۔ دریائے رائین کے کناروں پر ہونے والے یہاں کے اسٹریٹ کارنیوال رنگوں اور مستیوں سے بھرپور ہوتے ہیں۔ پھر اس جشن میں سیاسی رنگ بھی نظر آتا ہے جب طنزیہ موجوع پر مبنی فلوٹس نکالے جاتے ہیں۔

برلن میں تقریباً دو سو مختلف ممالک سے آئے ہوئے شہری بستے ہیں۔ اس تصویر میں زامبا رقص کا مظاہرہ کرنے والی برازیل کی ایک فنکارہ کو ترکی کی روایتی ٹوپی پہنے ایک بزرگ کے ساتھ دیکھا جا سکتا ہے اور اس طرح کے ہنگامہ خیز مناظر اسی کارنیوال میں نظر آ سکتے ہیں۔

اس کارنیوال میں رنگ و نسل کی تمام حدود ختم ہو جاتی ہیں اور لوگ کسی قسم کے خوف کےبغیر مل جُل کر رقص و موسیقی کے ہنگامے میں ڈوب جاتے ہیں۔ ثقافتوں کے اس کارنیوال میں یہ دیکھا جا سکتا ہے کہ ایک کثیرالثقافتی معاشرے میں لوگ کس طرح رواداری اور برداشت کا مظاہرہ کرتے ہوئے مل جُل کر رہا کریں گے۔

برلن میں تیس ہزار چینی بستے ہیں۔ ایک طویل عرصے سے برلن کی روزمرہ زندگی پر ان چینیوں کی بھی گہری چھاپ ہے۔ ثقافتوں کے کارنیوال میں چینی شہری بھی اپنے مخصوص انداز میں حصہ لیتے ہیں، جیسے کہ یہ چینی خواتین اژدہوں کے ساتھ ایک مخصوص چینی رقص پیش کر رہی ہیں۔

اس تصویر میں رقص کرنے والا شخص، جس نے پروں والا ہَیٹ پہن رکھا ہے، کسی بہت ہی دور کی اجنبی دنیا کا باسی معلوم ہوتا ہے۔ درحقیقت وہ دنیا کے بڑے شہروں میں سے ایک کے باسیوں کے سامنے اپنی مخصوص ثقافتی روایات پیش کر رہا ہے۔ یہ رقاص اس حقیقت کا عکاس ہے کہ مقامی روایات وقت کے ساتھ ساتھ عالمی روایات کا حصہ بن چکی ہیں۔

جلوس کے سبھی شرکاء گاتے بجاتے ہیں، مقصد ہوتا ہے خوب شور اور ہنگامہ کرنا۔ اس کارنیوال کی ایک پختہ روایت اس طرح کے کاغذی بِگل یا سِیٹیاں ہیں، جنہیں زور زور سے بجایا جاتا ہے۔ ان کا شور اس جلوس میں بولے جانے والے الفاظ پر غالب آ جاتا ہے اور ابلاغ کا بنیادی ذریعہ بن جاتا ہے۔ چند لمحوں کے لیے الفاظ پسپائی اختیار کر لیتے ہیں۔ ویسے بھی کارنیوال میں الفاظ کے بغیر بھی لوگ ایک دوسرے کی بات سمجھ لیا کرتے ہیں۔

المونیم کی چادریں عموماً کسی حادثے کے متاثرین کو دی جاتی ہیں، مثلاً جب بحیرہٴ روم میں کشتیوں کے ذریعے آنے والے مہاجرین کو بچایا جاتا ہے تو اُنہیں سردی سے بچنے کے لیے اسی طرح کی چادریں دی جاتی ہیں۔ آیا ان رقاصاؤں نے یہ چادریں سردی سے بچنے کے لیے اوڑھ رکھی ہیں یا محض خوبصورت نظر آنے کے لیے ، یہ بات واضح نہیں ہے لیکن کیا فرق پڑتا ہے، کارنیوال کے ہنگامے میں اس طرح کی باتوں پر کوئی کم ہی غور کرتا ہے۔

یورپ میں عام طور پر کارنیوال سردیوں ہی میں آتا ہے۔ اس بار ثقافتوں کے کارنیوال کے دوران بھی موسم سرد ہی تھا لیکن یہ رقاصہ سرد موسم سے بھی گھبرائی نہیں۔ اُس نے پلاسٹک کی ایک شِیٹ سے اپنا جسم ڈھانپ رکھا ہے۔ آیا وہ اس طرح اپنی کم لباسی کو چھپُانا چاہتی ہے یا نمایاں کرنا چاہتی ہے، یہ فیصلہ دیکھنے والی نظر پر ہے۔

ثقافتوں کے کارنیوال میں شریک یہ چینی شہری اپنے مخصوص انداز میں اسٹکس کی مدد سے کھا رہے ہیں۔ اس طرح دو اسٹکس کی مدد سے کھانا کھانا کم از کم یورپ کے شہریوں کے لیے تو ہرگز آسان نہیں ہے لیکن چینیوں کے لیے اس طرح سے کھانا کوئی مشکل کام نہیں ہے، خواہ انہوں نے مخصوص ملبوسات پہن رکھے ہوں اور خواہ انہیں کھڑے کھڑے کھانا پڑ رہا ہو۔

رنگا رنگ ملبوسات پہنے یہ نوجوان بھی اپنے مخصوص انداز میں اعضاء کی شاعری کرتا اس جلوس میں شریک ہے۔ اس طرح سے ٹانگ اوپر اٹھانا رقص کا بھی کوئی انداز ہو سکتا ہے اور ورزش کا بھی اور یہ کسی فوجی پریڈ کی نقل بھی ہو سکتی ہے۔ اس کارنیوال کے شرکاء کا بنیادی مقصد کھیلنا کُودنا اور تفریح حاصل کرنا ہے، دیکھنے والے چاہے جو مرضی سمجھیں۔

پیلا، سبز اور سرخ، افریقی اتحاد کے علامتی رنگ۔ افریقہ کے مختلف خطّوں سے آئے ہوئے ان شہریوں کو بھی یہاں ایک دوسرے سے ملنے کا موقع ملتا ہے اور یوں نئے روابط جنم لیتے ہیں۔ برلن دنیا کے ہر خطّے کے باسیوں کو امن کے ساتھ مل جُل کر رہنے کے مواقع مہیا کرتا ہے، چاہے کچھ دیر کے لیے ہی سہی۔