کارلو کوٹریلی اٹلی کے عبوری وزیراعظم ہیں، جنہیں ممکنہ عام انتخابات کی جانب بڑھتے ملک کی قیادت کرنا ہو گی۔ مارچ میں ہونے والے عام انتخابات کے بعد دو عوامیت پسند جماعتوں کے درمیان اتحادی حکومت کے لیے جاری مذاکرات کی ناکامی اور کابینہ کے لیے تجویز کردہ متنازعہ وزراء کی صدر سے توثیق میں ناکامی کے بعد یہ بحران گہرا ہو چکا ہے۔

گیوسپے کونتے، قانون کے پروفیسر اور سیاسی طور پر غیرمعروف شخصیت تھے، انہیں لیگ اور فائیواسٹار موومنٹ نے مشترکہ طور پر وزیراعظم کے عہدے کے لیے نامزد کیا تھا، تاہم کابینہ کے مجوزہ وزراء کو بلاک کر دینے پر انہیں یہ دوڑ چھوڑنا پڑی۔

صدر سیرگیو ماتیریلا کے مواخذے کے مطالبات سامنے آ رہے ہیں، انہوں نے عوامیت پسند اتحاد کی حکومت قائم ہونے کا راستہ روکا ہے۔ انہوں نے اس اتحاد کی جانب سے وزیرخزانہ کے عہدے کے لیے پاؤلو ساوونا کا نام لے کر تنقید کی۔ انہوں نے کہا کہ وہ یورو کے ناقد ہیں۔ عوامیت پسند جماعتیں یورپی یونین کی مخالف ہیں۔

ماہر اقتصادیات پاؤلو ساوونا، جنہیں عوامیت پسند اتحاد کی جانب سے وزارت خزانہ کا قلم دان سونپا جا رہا تھا، یورو کے شدید مخالف ہیں اور اسے ’جرمن پنجرہ‘ قرار دیتے ہیں۔ وہ کہہ چکے ہیں کہ اگر ضرورت پڑے تو اٹلی کو ’سنگل کرنسی‘ مارکیٹ چھوڑ دینا چاہیے۔ 81 سالہ ساوونا کو بہت سے اطالوی قانون کی سازوں کی حمایت بھی حاصل ہے، تاہم ان کی تقرری کو صدر کی جانب سے ویٹو کر دیا گیا۔

مارچ میں عام انتخابات میں فائیو اسٹار پارٹی نے لوئیگی دی مائیو کی رہنمائی میں 32 فیصد ووٹ حاصل کیے۔ کونتے کی کابینہ میں وزارتِ محنت کا قلم دان سونپا جانا تھا۔ وہ اس عہدے کے ذریعے یورپی یونین کے برخلاف اپنی جماعت کے ’بجٹ کٹوتیوں کے خاتمے کے منصوبے‘ کو عملی جامہ پہنانا چاہتے تھے۔ انہوں نے صدر کے مواخذے اور نئے انتخابات کا مطالبہ کیا ہے۔

ماتیو سالوینی یورو اور مہاجرین مخالف جماعت ’لیگ‘ کے قائد ہیں۔ مارچ کے انتخابات میں ان کی جماعت کو 17 فیصد ووٹ ملے۔ سالوینی یورپی پارلیمان کے رکن تو رہ چکے ہیں، تاہم انہیں یا ان کی جماعت کو حکومت یا انتظام چلانے کا کوئی تجربہ نہیں۔ سالوینی نئی حکومت میں وزارت داخلہ کا قلم دان چاہتے تھے۔

سابق وزیراعظم سیلویو بیرلسکونی اور ان کی جماعت فورزا اٹالیا لیگ سمیت چار جماعتوں کے ساتھ مل کر ایک اتحاد قائم کرنے میں کامیاب ہو گئے تھے، تاہم بعد میں لیگ فائیواسٹار پارٹی کے ساتھ اتحادی حکومت سازی میں مصروف ہو گئی، جس پر بیرلسکونی نے افسوس کا اظہار کیا۔ ان کا کہنا ہے کہ وہ ’ذمہ داری اور تحمل‘ کے ساتھ اپوزیشن کا کردار نبھانا چاہتے ہیں۔

وینس کارنیوال کو ریو ڈی جنیرو کے کارنیوال کے بعد دنیا کا سب سے زیادہ مقبول اور مشہور ترین کارنیوال قرار دیا جاتا ہے۔ اس مرتبہ یہ کارنیوال ستائیس جنوری کو شروع ہوا، جو ’ایش ویڈنس ڈے‘ سے ایک روز قبل یعنی تیرہ فروری تک جاری رہے گا۔

اس برس اس کارنیوال کا مرکزی خیال ہے، ’Creatum: Civitas Ludens‘۔ اس کا ترجمہ ’تخلیقی صلاحیت: کھیل کا شہر‘ کیا جا سکتا ہے۔

مقامی باشندوں کا کہنا ہے کہ وینس کارنیوال کا آغاز بارہویں صدی میں ہوا تھا۔ کہا جاتا ہے کہ سن گیارہ سو باسٹھ میں ’جمہوریہ وینس‘ کی ایک بڑی جنگی کامیابی کے بعد ایک بڑے کارنیوال کا اہتمام کیا گیا تھا، جس میں مقامی لوگوں نے جشن منایا تھا۔ تب سے یہ کارنیوال ہر سال منایا جانے لگا۔

سن سترہ سو ستانوے میں رومن بادشاہ فرانسس دوم نے اس کارنیوال پر پابندی لگا دی تھی، جس کے بعد سن انیس سو انہتر تک یہ کارنیوال باقاعدہ سرکاری طور پر نہیں منایا جا سکا تھا۔ تاہم جب یہ پابندی ختم ہوئی تو اس کارنیوال کا اہتمام ایک نئے رنگ اور مستی سے دوبارہ کیا جانے لگا۔

وینس کارنیوال کے شرکاء میں ماسک ہمیشہ سے ہی مقبول رہے ہیں۔ موج مستی کرنے والے شرکاء مختلف رنگوں، اقسام اور شبیہوں والے ماسک پہنتے ہیں۔ ہر سال اس کارنیوال میں خوبصورت ترین ماسک پہننے والے کو ایک خصوصی انعام بھی دیا جاتا ہے۔

خوبصورت ترین ماسک کس نے پہنا؟ اس کا فیصلہ کارنیوال کی ایک خاص جیوری کرتی ہے۔ اس جیوری میں دنیا بھر سے تعلق رکھنے والی چیدہ چیدہ شخصیات کو جج بنایا جاتا ہے۔

مہنگے کھانے اور دلفریب رقص وینس کارنیوال کے اہم جزو قرار دیے جاتے ہیں۔ ایسے کسی ایونٹ میں شامل ہونا کسی غریب شخص کے بس کی بات نہیں کیونکہ یہ انتہائی مہنگا شوق ہے۔

اس کارنیوال میں کھانے اور رقص کی کسی روایتی محفل میں جانے کے لیے انفرادی طور پر کئی سو یورو ادا کرنا تو عام سی بات ہے۔

ایک اندازے کے مطابق اس مرتبہ اس سولہ روزہ کارنیوال میں تین ملین افراد شریک ہوں گے۔ ان افراد کا تعلق دنیا بھر سے ہو گا۔ ستائیس جنوری کو یہ پارٹی شراب نوشی اور رقص سے شروع ہوئی۔ حسب روایت شرکاء کی ایک بہت بڑی تعداد ’پیازا سان مارکو‘ یا سینٹ مارک اسکوائر میں موجود تھی۔

فائر ورکس یا آتش بازی اور دریا کے کنارے مختلف ایونٹس اس کارنیوال میں انتہائی مقبول ہیں۔ سن دو ہزار اٹھارہ کے اس کارنیوال کے آغاز پر وینس میں موجود یہ لوگ شرکاء کو محظوظ کرنے کی خاطر کرتب دکھا رہے ہیں۔

یورپ میں حالیہ دہشت گردانہ حملوں کی وجہ سے سکیورٹی ہائی الرٹ ہے۔ اس مرتبہ اٹلی میں منعقد ہونے والے اس تاریخی کارنیوال کے موقع پر بھی کسی ناخوشگوار واقعے کے پیش نظر سکیورٹی اہلکار گشت پر ہیں۔

دنیا میں سب سے زیادہ شہرت حاصل کرنے والے اسکوٹر ویسپا کو 1946ء کے موسم بہار میں لوگوں کے سامنے پیش کیا گیا۔ اس اسکوٹر کا ڈیزائن سابق ایئرکرافٹ انجینیئر کوراڈینو ڈی اسکانیو نے تیار کیا جبکہ اسے معروف تاجر اینریکو پیاجیو نے پروموٹ کیا۔ عالمی جنگ کے بعد کے اٹلی میں دو پہیوں والی یہ سواری بہت جلد ہی مقبول عام ہو گئی۔

ابتدائی طور پر اسے ’پاپیرینو‘ کا نام دیا جانے والا تھا جس کا مطلب چھوٹی بطخ ہے۔ مگر تصویر میں نظر آنے والے اینریکو پیاجیو نے اسے دیکھتے ہی کہا کہ یہ ویسپا کی طرح لگتا ہے۔ اطالوی زبان میں ویسپا بِھڑ کو کہتے ہیں۔ 1950ء تک اطالوی درالحکومت روم ویسپا کی آوازوں سے گونج رہا تھا۔

پیاجیو نے انتہائی ذہانت سے یہ سمجھ لیا تھا کہ نوجوان پروفیشنل خواتین کے لیے یہ سواری دلچسپی کا باعث ہو سکتی ہے کیونکہ وہ دھول مٹی، تیل یا سڑک کی دیگر غلاظتوں سے محفوظ رہتے ہوئے اس پر سواری کر سکتی ہیں۔ 1946ء میں شائع ہونے والی اس کی پہلی ایڈورٹائزمنٹ میں ایک خود مختار خاتون کو ویسپا پر اپنے کام پر جاتے ہوئے دکھایا گیا۔ یہ پیغام اچھی طرح سمجھا گیا اور خواتین میں یہ جلد ہی مقبول ہو گیا۔

ویسپا کو مقبول بنانے میں ہالی وُڈ کی ایک فلم نے بھی اہم کردار ادا کیا۔ 1953ء کی مشہور زمانہ فلم ’رومن ہالی ڈے‘ میں معروف اداکار آڈرے ہَیپبرن اور گریگوری پَیک کو ویسپا پر بیٹھ کر روم کی سڑکوں پر گھومتے دکھایا گیا۔

یہ معروف سواری 1960ء کی دہائی میں جوانی اور مہم جوئی کی علامت بن کر پوری دنیا میں مشہور ہو چکی تھی، جس پر ایک اطالوی شہزادے کی طرح نوجوان اپنی محبت کو بٹھا کر جلد از جلد کسی پارک کی سیر کو جا سکتے تھے۔

1979ء مین بننے والی مشہور فلم ’کوآڈروفینیا‘ میں برطانوی بینڈ ’دی ہُو‘ نے ایک بار پھر ویسپا کی مقبولیت میں اضافہ کر دیا۔ پھر یہ اسکوٹر ترقی پسند لوگوں کے لیے ایک لازمی سواری بن گیا۔

بہت سے ممالک میں ویسپا چلانے کے لیے لائسنس کار چلانے کے لیے لائسنس کے مقابلے میں کہیں کم عمر میں حاصل کیا جا سکتا ہے۔ اٹلی میں آپ ویسپا جیسی سواری چلانے کا لائسنس 14 برس کی عمر میں حاصل کر سکتے ہیں جبکہ کار ڈرائیونگ کا لائسنس حاصل کرنے کے لیے کم از کم عمر 18 برس ہونا چاہیے۔ اسی باعث یہ اسکوٹر نوجوانوں کی سواری بن چکا ہے۔

اگر آج کوئی شخص ویسپا کو اپنی پرانی یادوں کے دریچے سے دیکھے تو یہ ہِپیوں اور ہر عمر کے غیر مقلدوں کی سواری رہی ہے۔ 2015ء میں منائے جانے والے ’ویسپا ورلڈ ڈیز‘ کے موقع پر دنیا کے 32 ممالک سے تعلق رکھنے والے قریب 5000 ویسپا مالکان کروشیا کے شہر بائیوگراڈ میں اپنے شوق کے اظہار کے لیے جمع ہوئے۔