ہمٹی ڈمپٹی کی مشہور نظم تقریباً سب ہی نے سنی ہے۔ مگر بیچارے ہمٹی ڈمپٹی کو کبھی کسی نے انڈا نہیں سمجھا۔برطانوی مصنف لیوس کیرول کی سن1871 میں اپنی ایک کتاب میں لکھا کہ ہمٹی ڈمپٹی ایک انڈے کی مانند ہے، مگر اسے کوئی انڈہ نہیں سمجھتا۔

سونے، مینا کاری، قیمتی اور نیم قیمتی پتھروں سے جڑے انڈے۔ ماضی میں رنگ برنگے انڈے واقعی ایک شاندار تحفہ ہوا کرتے تھے۔ پچاس سے زائد مشہور قیمتی انڈے روسی سونار پیٹرکارل فیبر گے کے شاہکار ہیں۔

یہ شاندار، چمکدار سٹینلیس سٹیل سے بنا ہوا انڈا جیف کونز کا فن تعمیر ہے۔ یہ کریک انڈے کا مجسمہ مختلف رنگوں میں موجود پانچ انڈوں میں سے ایک ہے۔ یہ مجسمہ 1994سے 2006 کے درمیان بنائے گئے تھے اور "اسے پیدائش کی علامت" سمجھا جاتا ہے۔

ایک ہی انڈے کی مختلف اشکال : ایک فرائنگ پین کے اندر تلا ہوا انڈا ایک مشہور اموجی ہے۔ سن نوے کی دہائی میں یہ انڈا جاپانی موبائل میں متعارف کرایا گیا تھ۔ لفظ اموجی کو آکسفورڈ ڈکشنری میں سن 2015 میں شامل کر لیا گیا۔

بوش 15 ویں اور ابتدائی 16 ویں صدی کے ایک ڈچ یعنی ولندیزی مصور تھے۔ ان کی مصوری رات کے بھیانک خواب کی عکاسی کرتی ہیں۔ تصویر میں انڈے کے اندر سے بدصورت دیو سا نکلتا دکھائی دیتا ہے، جسے ایگ مونسٹر کہا جاتا ہے۔

حقیقت پسند آرٹسٹ کی سن 1937 میں بنائی گئی یہ آئل پینٹنگ یونانی داستان یا کوئی دیو مالائی کہانی کا حال بیان کرتی ہے۔ یہ پینٹنگ ایک خوبصورت آدمی کے بارے میں ہے۔ انسانی ہاتھ میں انڈا دکھایا گیا ہے اور پانی میں اس کا خوبصورت عکس بھی اپنی مثال آپ ہے۔

ہسپانوی شہر فیگیرس کے تھیٹر میوزیم کی دیواروں پر بڑے سائز کے سفید انڈوں کے مجسمے رکھے گئے ہیں۔ یہ میوزیم ڈالی کی پینٹنگز، ڈرائنگ، مجسموں، نقش گری ، ہولوگرام، اسٹیریواسکوپ اور تصاویر سے بھرا ہوا ہے۔

سن 1958 میں آرن جیکبسن نے کوپن ہیگن میں انڈے سے بنی ہوئی ایک کرسی بنائی، جسے ایک ’ایس اے ایس‘ رائل ہوٹل کے لابی رکھا گیا۔ ڈینش معمار کی جانب سے بنائی گئی یہ کرسی جسے اندرونی آرائش کے لیے استعمال کیا گیا ہے نہایت سادہ ہے۔ را / ع ا (Dagmar Breitenbach)

کراچی کی ایک نجی آرٹ گیلری ’آرٹ سٹی‘ میں کراچی سینٹرل جیل کے قیدیوں کے تیار کردہ فن پاروں کی نمائش کی جا رہی ہے۔

اس نمائش کو آرٹ پِیس Artpeace کا عنوان دیا گیا ہے۔ 21 فروری سے شروع ہونے والی یہ نمائش 27 فروری تک جاری رہے گی۔

آرٹ پِیس نمائش میں سینٹرل جیل کراچی کے 13 قیدیوں کے بنائے گئے 112 فن پاروں کی نمائش کی جا رہی ہے۔

کراچی سینٹرل جیل میں قائم فائن آرٹس اسکول میں تربیت حاصل کرنے والے ان قیدیوں نے مصوری کے مختلف اسلوب کے ذریعے اپنے فن کو اجاگر کیا ہے اور آرٹ کو اپنے خیالات و جذبات کے اظہار کا ذریعہ بنایا ہے۔

اس نمائش میں رکھے جانے والے ان فن پاروں میں آئل پینٹنگز کے علاوہ واٹر کلر اور چارکول کا خوبصورت استعمال بھی نظر آتا ہے۔

نمائش کو ملنے والی پزایرائی کا اندازہ اس بات سے لگایا جا سکتا ہے کہ صرف پانچ دنوں میں ہی زیادہ تر فن پارے فروخت ہو چکے ہیں اور یہ سلسلہ ابھی جاری ہے۔

رسیوں کو توڑتے ہاتھ، ادھ کھلے دروازے سے باہر جھانکتا بچہ یا کسی گاؤں کے پس منظر میں بنائی گئی بعض تصاویر میں سلاخوں کے پیچھے قید ان مصوروں کے خیالات کا عکس واضع طور سے جھلکتا نظر آتا ہے۔

ان پابند سلاسل فنکاروں نے کیلی گرافی، خوبصورت لینڈ اسکیپنگ اور تجریدی آرٹ کے ذریعے اپنے احساسات اور اپنی آواز کو لوگوں تک پہنچانے کی کوشش کی ہے۔

سکندر جوگی سن 2008 سے سینٹرل جیل کے قیدیوں کو مصوری کی تربیت فراہم کر رہے ہیں۔

جوگی کے مطابق مختلف جرائم کی پاداش میں سزا کاٹنے والے ان مصور قیدیوں کو اس ہنر نے زندگی کی جانب مثبت انداز میں بڑھنے کا عزم دیا ہے۔

نمائش میں رکھی گئی تصاویر کی قیمت سات ہزار سے نو ہزار کے درمیان رکھی گئی ہے۔ نمائش کے آغاز کے پہلے ہی گھنٹے میں ان فنکاروں کی 30 پینٹنگز فروخت ہوئیں۔

آرٹ پِیس نمائش کے دوران فن پاروں کی فروخت سے حاصل ہونے والی رقم سینٹرل جیل کراچی میں قائم فائن آرٹس اسکول کو دی جائے گی، جہاں ان جیسے مزید قیدیوں کو بھی مصوری کی تربیت دی جائے گی۔

آرٹ گیلری کے مہتمم کے مطابق اس نمائش کا مقصد ان مصور قیدیوں کو پاکستان کے مثبت امیج کو اجاگر کرنے میں اپنا کردار ادا کرنے کا موقع دینا اور بہتر طرز زندگی کی جانب مائل ہونے میں مدد دینا ہے۔

یوہانیس شٹوئٹر کا تعلق اٹلی سے ہے۔ وہ ایک فنکار ہے، جس کا کینوس انسانی جسم ہیں۔ وہ انسانی جسموں کو کچھ اس انداز سے پینٹ کرتا ہے کہ انسان کسی اور ہی منظر میں تحلیل ہو جاتا ہے یا کسی جانور کا روپ دھار لیتا ہے۔ گرگٹ کی اس تصویر میں دراصل دو انسانی جسم چُھپے ہوئے ہیں۔

... بھی غیر حقیقی ہے۔ یوہانیس شٹوئٹر کو یہ فریبِ نظر تخلیق کرنے میں تقریباً چار گھنٹے لگے۔ یوہانیس شٹوئٹر نے اپنے ماڈلز کے بدن پر اس طرح سے رنگ بکھیرے ہیں کہ وہ انسان نہیں بلکہ بظاہر مینڈک، طوطے اور گرگٹ نظر آتے ہیں۔ اُس کا تشکیل کردہ فریبِ نظر تقریباً مکمل ہے۔ انسان غائب ہو جاتے ہیں اور آنکھ صرف ایک جانور کی شبیہ دیکھتی ہے۔

... میں پانچ گھنٹے صرف ہوئے جبکہ انسانی کینوس بھی پانچ ہی صرف ہوئے۔ اس تصویر میں پانچ انسانی جسم چھُپے ہوئے ہیں۔ کیا آپ سب کو شناخت کر پائے؟

... جو دو اکتوبر 2014ء کی اس تصویر میں اپنے ماڈل جان لیونارڈو کے جسم پر پینٹ کر رہے ہیں۔ امریکی ریاست جارجیا کے شہر اٹلانٹا میں کیموفلاج پینٹنگ کا یہ مظاہرہ امریکا میں باڈی پینٹنگ کی چیمپئن شپ کا ایک حصہ تھا۔ شٹوئٹر فریبِ نظر تخلیق کرنے میں کتنا کامیاب رہے، یہ دیکھیں اگلی تصویر میں ...

یوہانیس شٹوئٹر نے اپنے ماڈل جان لیونارڈو کے جسم پر کچھ اس طرح سے رنگ لگائے ہیں کہ اُس کا بدن امریکی شہر اٹلانٹا کے مرکزی حصے کی بلند و بالا عمارتوں میں تحلیل ہوتا دکھائی دیتا ہے۔

... امریکا کی طرح آج کل دنیا کے مختلف ملکوں میں باڈی پینٹگ کے باقاعدہ مقابلے منعقد ہوتے ہیں۔ یہ تصویر یورپی ملک آسٹریا میں 2013ء میں منعقد ہونے والے ایک ورلڈ باڈی پینٹنگ فیسٹیول کی ہے، جس میں دنیا کے چالیس ملکوں سے گئے ہوئے فنکاروں نے شرکت کی۔

2013ء کی اس تصویر میں ورلڈ اینیمل ڈے کے موقع پر جانوروں کے حقوق کے لیے سرگرم ایک تنظیم کے کارکنوں نے اپنے چہرے پینٹ کر رکھے ہیں۔ اس طرح وہ ’بُل فائٹنگ‘ کے خلاف احتجاج کر رہے ہیں۔

یہ تصویر بھی جرمنی کے ہمسایہ ملک آسٹریا میں منعقد ہونے والے اُس مقابلے کی ہے، جس میں پوری دنیا سے گئے ہوئے ایسے فنکار شریک ہوئے، جو انسانی بدن پر پینٹ کرتے ہوئے باڈی آرٹ کے نت نئے نمونے تخلیق کرتےہیں۔

’باڈی آرٹ‘ میں نہ صرف جسم پر پینٹ کے رنگ لگائے جاتے ہیں بلکہ اضافی چیزیں چسپاں کرتے ہوئے جسم کی پوری ہیئت ہی بدلنے کی کوشش کی جاتی ہے۔ واضح رہے کہ انسان قدیم زمانے سے جسم پر نقش و نگار بناتا چلا آرہا ہے اور دنیا کے مختلف حصوں میں ایسے نقش و نگار مقامی ثقافت کا لازمی جزو سمجھے جاتے ہیں۔