سرمائی اولمپکس: جرمنی پہلی بار آئس ہاکی کے فائنل میں
عنبرین فاطمہ/ نیوز ایجنسیاں
23 فروری 2018
جنوبی کوریا کے شہر پیانگ چانگ میں جاری سرمائی اولمپکس میں جرمنی مردوں کی آئس ہاکی کے فائنل میں پہنچ گیا ہے۔ یہ پہلا موقع ہے کہ جرمنی نے فائنل تک رسائی حاصل کی ہے۔
تصویر: Reuters/D.W. Cerny
اشتہار
آج 23 فروری کو ہونے والے مردوں کی آئس ہاکی کے سیمی فائنل میں جرمنی کی ٹیم نے کینیڈا کو تین کے مقابلے میں چار گولوں سے شکست دی۔ جرمن ٹیم اب اتوار 25 فروری کو فائنل میں روسی ٹیم کا مقابلہ کرے گی۔ سیمی فائنل میں کامیابی کے بعد جرمن ٹیم کے لیے اب کم از کم سلور میڈل پکا ہو گیا ہے۔ اس سے قبل مغربی جرمنی 1976 کے سرمائی اولمپکس میں مردوں کی آئس ہاکی میں کانسی کا تمغہ حاصل کرنے میں کامیاب ہوا تھا۔
دوسری طرف جنوبی کوریائی شہر پیونگ چانگ میں جاری سرمائی اولمپکس اب اپنے اختتام کی جانب گامزن ہیں۔ اتوار پچیس فروری کو اس کی اختتامی تقریب منعقد کی جا رہی ہے۔ میڈل ٹیبل پر ناروے تیرہ گولڈ میڈلز جیت کر پہلی پوزیشن پر ہے۔ جرمنی بھی تیرہ گولڈ میڈل جیت چکا ہے لیکن چاندی کے کم تمغے جیتنے پر اُس کی دوسری پوزیشن ہے۔ ناروے کے پاس چاندی کے بارہ اور جرمنی ایسے سات میڈلز جیت چکا ہے۔ کینیڈا دس گولڈ میڈلز کے ساتھ تیسرے مقام پر ہے۔ چوتھی اور پانچویں پوزیشن پر امریکا اور ہالینڈ ہیں۔
سرمائی اولمپکس میں جرمن ایتھلیٹس کی شاندار کارکردگی
سن 2018 کے سرمائی اولمپکس کا میزبان شہر جنوبی کوریا کا پیونگ چنگ ہے۔ اس اولمپکس کے پہلے ہفتے میں جرمن ایتھلیٹس کی کارکردگی شاندار رہی ہے۔
تصویر: picture-alliance
لارا ڈاہلمیئر
لارا ڈاہلمیئر نے خواتین کے بائی ایتھلون ڈسپلن میں اپنے ملک جرمنی کے لیے سب سے پہلا گولڈ میڈل حاصل کیا۔ وہ بائی ایتھلون کے مقابلوں میں دو طلائی اور ایک کانسی کا میڈل جیت پائی ہیں۔
تصویر: Reuters/M. Sezer
نتالی گیزنبیرگر
تیس سالہ نتالی گیزنبیرگر نے لُوژ گیم کے انفرادی مقابلوں میں گولڈ میڈل حاصل کیا۔ انہوں نے تیرہ فروری کو طلائی تمغہ جیتا تھا۔
تصویر: picture-alliance/AP Photo/Wong Maye-E
اندریاس ویلنگر
اندریاس ویلنگر نے دس فروری کو اسکی جمپنگ کے معمول کے مقابلوں میں پہلی پوزیشن حاصل کرتے ہوئے گولڈ میڈل حاصل کیا۔
تصویر: picture alliance/NTB scanpix/dpa/B. Terje
الژونا ساوچینکو اور برونو ماسکوٹ
اس جرمن جوڑے نے فگر اسکیٹنگ کے ڈسپلن میں غیر معمولی پرفارمنس دیتے ہوئے طلائی تمغہ حاصل کیا۔ الژونا ساوچینکو یوکرائنی نژاد جرمن ہیں۔
تصویر: picture alliance/AP Photo/David J. Phillip
ٹوبیاس وینڈل اور ٹوبیاس آرلٹ
پیونگ چنگ سرمائی اولمپکس میں لُوژ ڈسپلن کے ٹیم مقابلوں میں ٹوبیاس وینڈل اور ٹوبیاس آرلٹ کو اول پوزیشن حاصل ہونے پر گولڈ میڈل دیا گیا۔
تصویر: Getty Images/A. Hassenstein
ایرک فرینزل
ایرک فرینزل نے انتہائی مشکل ڈسپلن نارڈک کمبائنڈ میں گولڈ میڈل جیتا۔ اس مقابلے میں ایک ایتھلیٹس کو تقریباً چھیالیس کلومیٹر کا پہاڑی و میدانی برفانی راستے کو طے کرنا پڑتا ہے۔ یہ مقابلہ تین ایام پر محیط ہوتا ہے۔
تصویر: picture-alliance/dpa/H. Schmidt
نتالی گیزنبیرگر اور داژانا آئیٹبیرگر
پیونگ چنگ ونٹر المپک گیمز میں لُوژ کے انفرادی مقابلوں میں گولڈ میڈل جیتنے والی نتالی گیزنبیرگر اور دوسری پوزیشن کے ساتھ چاندی کا تمغہ جیتنے والی خاتون ایتھلیٹ داژانا آئٹبیرگر ہیں۔
تصویر: Getty Images/AFP/M. ralston
کاٹارینا آلٹہاؤس
کاٹارینا آلٹہاؤس نے اسکی جمپنگ کے انفرادی مقابلوں میں دوسری پوزیشن حاصل کرتے ہوئے چاندی کا تمغہ جیتا۔ اسی ڈسپلن میں مردوں کے انفرادی مقابلوں میں جرمن ایتھلیٹ گولڈ میڈل جیتنے میں کامیاب