چین کے اس شہر کی ہوا اس قدر آلودہ ہے کہ وہاں ماسک کے بغیر سانس لینا بھی محال سمجھا جاتا ہے۔

ایرانی شہر اہواز دُنیا کا آلودہ ترین شہر ہے۔ اس کی وجہ شہر کے ارد گرد قائم مختلف صنعتیں ہیں۔

منگولیا کے دارالحکومت کا شمار دنیا کے آلودہ ترین شہروں میں ہوتا ہے۔ سردیوں میں لوگ گھروں کو گرم رکھنے کے لیے کوئلے اور لکڑی کا استعمال کرتے ہیں۔ اس شہر میں موجود دھوئیں کے 60 سے 70 فیصد تک کی وجہ یہی روایتی طریقے ہیں۔

ہوا میں آلودگی پاکستان کا ایک اہم ماحولیاتی مسئلہ ہے۔ یہ صورتِ حال اس ملک کے دوسرے بڑے شہر لاہور میں خاصی گمبھیر ہے۔ اس شہر میں دھوئیں کی اہم وجوہات میں کوڑا کرکٹ جلانا، ٹریفک اور قریب ترین صحرائی علاقوں سے یہاں پہنچنے والی باریک مٹی بھی شامل ہیں۔

بھارتی دارالحکومت میں 30 برس کے اندر اندر موٹر گاڑیوں کی تعداد ایک لاکھ اسّی ہزار سے بڑھ کر 35 لاکھ ہو چکی ہے۔ تاہم شہر کی آلودہ ہوا کی زیادہ تر ذمہ داری کوئلے سے چلنے والے بجلی گھروں پر ڈالی جاتی ہے۔ اس شہر کی فضا میں پائی جانے والی خطرناک گیسوں کا اسّی فیصد انہی بجلی گھروں کی چمنیوں سے اٹھتا ہے۔

سعودی عرب کے اس شہر میں ریت کا طوفان ہوائی آلودگی کو اور بھی خطرناک بنا دیتا ہے۔ شہر کی فضا میں اڑتی ہوئی ریت میں گاڑیوں اور صنعتوں کا دھواں بھی شامل ہو جاتا ہے۔

مصر کے دارالحکومت کی ناقص ہوا بیماریوں کی باعث ہے۔ وہاں ہر سال سانس کی بیماریاں اور پھیپھڑے کا سرطان دس ہزار سے لے کر پچیس ہزار تک افراد کی موت کا سبب بنتے یں۔ وہاں ٹریفک اور بڑھتی ہوئی صنعتیں آلودگی کی وجہ ہیں۔

جرمن شہر مائنز کے ماکس پلانک انسٹیٹیوٹ کے ایک مطالعے کے مطابق ٹوکیو اور نیویارک میں ہر سال آلودہ ہوا کے باعث پانچ سو افراد ہلاک ہوتے ہیں۔ بنگلہ دیش کے دارالحکومت ڈھاکا میں یہ تعداد تقریباﹰ پندرہ ہزار ہے۔

روس کے دارالحکومت میں بھی فضائی آلودگی کا وہی عالم ہے جو کسی بھی میگا سٹی میں ہو سکتا ہے۔ البتہ اس کی آلودہ فضا میں شہر کی مغربی سمت سے آنے والی تازہ ہوائیں سکون کا سانس لینے کا موقع دیتی ہیں۔

لاطینی امریکا کے اس شہر میں آلودگی کی وجہ اس کی جغرافیائی پوزیشن ہے۔ اسے تقریباﹰ پانچ ہزار میٹر بلند آتش فشاں پہاڑوں نے گھیر رکھا ہے۔ سلفر ڈائی آکسائیڈ اور ہائیڈرو کاربنز کی وجہ سے میکسیکو کا شہر میکسیکو سٹی دنیا کے آلودہ ترین شہروں میں شمار ہوتا ہے۔

فوربس میگزین کے مطابق نیویارک کا شمار امریکا کے بیس سب سے آلودہ شہروں میں ہوتا ہے۔ تاہم شہر کی انتظامیہ نے گاڑیوں کے حوالے سے جدت اور فلٹریشن سسٹم کے ذریعے آلودگی کم کرنے کی کامیاب کوشش کی ہے۔