1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

سویڈن میں ریکارڈ سردی، درجہ حرارت منفی 40 ڈگری سے بھی نیچے

3 جنوری 2024

گزشتہ شب سویڈن کی سرد ترین رات تھی اور اس کے ساتھ ہی اس ملک میں سردی کا پچیس سالہ ریکارڈ ٹوٹ گیا ہے۔ سویڈن کے شمال میں درجہ حرارت منفی 43.6 سینٹی گریڈ ریکارڈ کیا گیا۔

گزشتہ شب سویڈن کی سرد ترین رات تھی اور اس کے ساتھ ہی اس ملک میں سردی کا پچیس سالہ ریکارڈ ٹوٹ گیا ہے
گزشتہ شب سویڈن کی سرد ترین رات تھی اور اس کے ساتھ ہی اس ملک میں سردی کا پچیس سالہ ریکارڈ ٹوٹ گیا ہےتصویر: Tor Erik Schroder/picture alliance

سویڈن کی قومی موسمیاتی ایجنسی ایس ایم ایچ آئی کے ماہر موسمیات متھیاس لِنڈ نے نیوز ایجنسی اے ایف پی کو بتایا، '' یہ سن 1999 کے بعد سے سویڈن میں جنوری کا سب سے کم ترین درجہ حرارت تھا۔‘‘     

جنوری 1999 کے دوران سویڈن میں منفی 49 ڈگری سینٹی گریڈ (مائنس 56.2 فیرن ہائیٹ) درجہ حرارت ریکارڈ کیا گیا تھا۔ تب1951 میں قائم کردہ ریکارڈ برابر ہوا تھا۔

اتنا کم درجہ حرارت سویڈن کے شمالی حصوں میں ریکارڈ کیا گیا ہے۔ اس حصے میں پہلے ہی اچھی خاصی سردی ہوتی ہے لیکن سردی کی موجودہ لہر نے مقامی بس آپریٹرز کو سروسز منسوخ کرنے پر مجبور کر دیا ہے۔ ٹرین آپریٹر وائی نے منگل کو کہا کہ اس نے اومیا شہر کے شمال میں کئی دنوں کے لیے تمام ٹرینیں منسوخ کر دی ہیں۔

گزشتہ شب سویڈن کی سرد ترین رات تھی اور اس کے ساتھ ہی اس ملک میں سردی کا پچیس سالہ ریکارڈ ٹوٹ گیا ہےتصویر: Henning Bagger/picture alliance

سویڈن کے ہمسایہ ملک فن لینڈ میں بھی ٹرینوں کی آمد و رفت میں خلل پڑا جبکہ لیپ لینڈ کے شمالی علاقے میں منگل کی شام درجہ حرارت منفی 38.7 سیلسیس ریکارڈ کیا گیا۔

متاثرہ علاقے میں پانی کے پائپ منجمد ہونے کے بھی متعدد واقعات رپورٹ ہوئے ہیں۔ فن لینڈ کے نشریاتی ادارے وائے ایل ای کے مطابق ٹیمپیر شہر میں تقریباً تین سو افراد کو پانی کی فراہمی منقطع ہو چکی تھی۔

انتہائی سرد درجہ حرارت، برف باری اور تیز ہواؤں نے پورے نورڈک خطے میں نقل و حمل کو متاثر کیا ہے۔ متعدد پُل بند کرنے کے ساتھ ساتھ فیری سروسز بھی معطل کر دی گئی ہیں۔ اسی طرح متاثرہ علاقوں میں موسم بہتر ہونے تک اسکول بھی بند رکھنے کے احکامات جاری کیے گئے ہیں۔

ا ا / ک م (اے ایف پی، ڈی پی اے)

گزشتہ شب سویڈن کی سرد ترین رات تھی اور اس کے ساتھ ہی اس ملک میں سردی کا پچیس سالہ ریکارڈ ٹوٹ گیا ہےتصویر: Tor Erik Schroder/picture alliance
ڈی ڈبلیو کی ٹاپ اسٹوری سیکشن پر جائیں

ڈی ڈبلیو کی ٹاپ اسٹوری

ڈی ڈبلیو کی مزید رپورٹیں سیکشن پر جائیں