زیر سمندر نباتات و حیوانات کی عجیب سی دنیا پائی جاتی ہے۔ کورال پولپس کے اجتماع اور کیلشیم یا چونے سے مونگے کی چٹانیں وجود میں آتی ہیں۔ یہ ایک مخصوص درجہٴ حرارت میں کم اور گہرے سمندر میں پھلتی پھولتی ہیں۔ انہیں سمندر کا ایک حسین شاہکار تصور کیا جاتا ہے۔

سیشیلز کی حکومت نے اگلے برسوں میں مونگے کی ایک تہائی چٹانوں کے تحفظ کو اہم قرار دیتے ہوئے سیشیلز سمندری توسیعی پلان نامی ایک منصوبہ شروع کیا ہے۔ اس دوران مونگے کی چٹانوں کا ڈیٹا اکٹھا کرنے کی غرض سے غوطہ خوری کی سرگرمیوں جاری ہیں۔ سیشیلز کی حکومت زیر سمندر علاقے کے تحفظ کو یقینی بنانے کی کوششوں میں ہے۔

آسٹریلیا کے علاقے کوئنز لینڈ کے قریبی سمندر کے نیچے مونگے کی چٹانوں کو ’گرینڈ کورال ریف‘ سے تعبیر کیا جاتا ہے۔ سمندری درجہ حرارات میں اضافے نے اس وسیع چٹانی سلسلے میں انتہائی زیادہ توڑ پھوٹ پیدا کی ہے۔

مختلف ملکوں نے اپنے سمندری علاقے میں مونگے کی چٹانوں کو محفوظ بنانے کے سلسلے کو شروع کر رکھا ہے۔ اس تصویر میں میکسیکو کے ساحلی شہر کان کُون میں ایک غوطہ خور زیر سمندر مونگے کی چٹانوں کی ٹوٹ پھوٹ کا جائزہ لے رہا ہے۔

سمندر کے ایکو سسٹم میں مونگیں کی چٹانوں کو زیر سمندر کا جنگلاتی علاقہ قرار دیا جاتا ہے۔ یہ زیادہ تر استوائی علاقوں میں پھلتی پھولتی ہیں۔ شدید ٹھنڈے پانی میں مونگے کی چٹانوں کم ہی افزائش پاتی ہیں۔

سمندری حیات کے ماہرین کا کہنا ہے کہ سمندری میں آلودگی سے بھی کورال چٹانوں کے مرنے کا سلسلہ شروع ہے۔ سمندری آلودگی میں سیوریج سے لے کر کیمیائی کھاد سے پیدا ہونے والے زرعی اجناس بھی شامل ہیں۔ مونگے کی چٹانوں میں کئی ناقص اجزاء کی موجوگی کا پتہ چلا ہے۔

زیر سمندر مونگے کی چٹانوں کو پلاسٹک کی اشیا اور دوسری مصنوعات نے بھی نقصان پہنچایا ہے۔ ساحلی علاقوں کی سیاحتوں اور موج میلے کے شوقین افراد نے بھی سمندری آلودگی میں بھرپور کردار ادا کیا ہے۔ اس تصویر ایک پلاسٹک بیگ مونگے کی چٹان سے چپکا ہوا ہے۔

سعودی عرب نے سیاحت کو فروغ دینے کی کوششیں شروع کر رکھی ہیں۔ حکومت نے زیر سمندر مونگیں کی چٹانوں کے تحفظ کے منصوبے شروع کر دیے ہیں۔ یہ تصویر بحیرہ احمر کی ہے۔ اس میں انتہائی محفوظ کورال چٹان دیکھی جا سکتی ہے۔

عہد کیا گیا ہے کہ 2030ء تک سمندروں کو تیس فیصد تک زیادہ محفوظ بنایا جائے۔ اس مقصد کے تحت نا صرف سمندری حیات کا تحفظ یقینی بنایا جائے گا جو خشکی پر بسنے والی حیات کے مقابلے میں تین گنا زیادہ خطرے کا شکار ہے بلکہ آبی حیات کو درپیش خطرات سے نمٹنے کی کوشش کی جائے گی۔ بڑھتا ہوا درجہ حرارت سمندری پانیوں میں آکسیجن کی مطلوبہ مقدار کم کر رہا ہے اور کورل ریفز یعنی مونگے کی چٹانوں کو بھی نقصان پہنچا رہا ہے۔

کرہ ارض کا تقریباﹰ 70 فیصد حصہ سمندروں پر مبنی ہے۔ یہ سمندر اس سیارے کی پچاس فیصد آکسیجن پیدا کرنے کا باعث بھی ہیں۔ اس زمین پر حیاتیاتی تنوع کو برقرار رکھنے والے یہ سمندر دنیا بھر میں ایک بلین نفوس کو پروٹین مہیا کرنے کا بھی ایک انتہائی اہم ذریعہ ہیں۔ یہ سمندر اس زمین کا تحفظ یقینی بناتے ہیں، اس لیے یہ یقینی بنانا ہے کہ سمندر آلودہ نہ ہوں اور اس زمین کے نظام کو چلانے میں اپنا کردار ادا کرتے رہیں۔

ساحلی علاقوں میں پائے جانے والے مینگرَوز کے درخت، آبی نباتات اور سالٹ مارشز (موٹی گھاس سے بھرپور ساحلی علاقے ) عام جنگلات کے مقابلے میں کاربن ڈائی آکسائیڈ کو چار گنا زائد حد تک جذب کر لیتے ہیں۔ اس عمل کو بلیو کاربن ایکو سسٹم کہا جاتا ہے۔ پیرس کلائمٹ معاہدے کے تحت کاربن گیسوں میں کمی کے ہدف کو پورا کرنے کے لیے یہ سمندری سسٹمز انتہائی ناگزیر ہیں۔

سمندر اسی وقت اقتصادی ترقی کا ایک پائیدار ذریعہ رہیں گے جب ان کا استعمال پائیدار طریقے سے کیا جائے۔ ماہی گیری کے روایتی طریقے ساحلی علاقوں کی اقتصادیات میں بہتری میں اہم ہیں جبکہ اس سے حیاتیاتی تنوع اور مقامی کلچر کو بھی فائدہ پہنچتا ہے۔ ’بلیو اکانومی‘ کا مقصد یہ بھی ہے کہ متبادل توانائی کے ذرائع استعمال کیے جائیں تاکہ بڑھتے ہوئے عالمی درجہ حررات کی صورت میں اس زمین کا لائف سپورٹ سسٹم متاثر نہ ہو۔

سمندروں کو پائیدار بنانے کی خاطر غیر قانونی ماہی گیری کو روکنا بھی ضروری ہے۔ اس وجہ سے جزائر گالاپاگوز میں حیاتیاتی تنوع سے بھرپور آبی زندگی کو خطرات لاحق ہو چکے ہیں۔ چینی ماہی گیری کے بحری جہاز لاطینی امریکا کے سمندری پانیوں میں وسیع پیمانے پر ماہی گیری کر رہے ہیں، جسے گرین پیس نے ’لوٹ مار‘ قرار دیتے ہوئے خبردار کیا ہے کہ بحیرہ روم میں بلیوفن ٹونا مچھلی کی بقا کو خطرات لاحق ہو گئے ہیں۔

گریٹ پیسفک گاربیج پیَچ پلاسٹک اور مائیکرو پلاسٹک کوڑے کا ایک بڑا جزیرہ معلوم ہوتا ہے، جو اب امریکی ریاست ٹیکساس سے دو گنا بڑا ہو چکا ہے۔ کہا جاتا ہے کہ وہاں ایک اعشاریہ آٹھ ٹریلین پلاسٹک کے ٹکڑے جمع ہو چکے ہیں، جو اسّی ہزار ٹن کے کچرے کے وزن کے برابر ہے۔

سمندروں کی صاف لہروں کی مدد سے 2030ء تک یورپ میں بجلی کی ضروریات کا 10 فیصد حاصل کیا جائے گا۔ اس براعظم میں اس طرح بجلی کا حصول برطانیہ میں سب سے زیادہ اہم قرار دیا جاتا ہے۔

سابق امریکی صدر جان کینیڈی نے انسانوں کا پانی کے ساتھ تعلق بیان کرتے ہوئے کہا تھا، ’’انسانی جسم میں موجود رگوں میں دوڑتے خون میں نمک کی اتنی ہی مقدار ہے، جو سمندری پانی میں پائی جاتی ہے، اس لیے ہمارے خون، پسینے اور آنسوؤں میں بھی نمک ہوتا ہے۔‘‘ علامت نگاری کرتے ہوئے انہوں نے یہ بھی کہا تھا، ’’ہم سمندر سے جڑے ہوئے ہیں اور جب سمندر کی طرف بڑھتے ہیں، ہم اسی سمت جا رہے ہوتے ہیں، جہاں سے ہم آئے ہیں۔‘‘

کنگ پنگوئن کی جسامت بہت بڑی نہیں ہوتی۔ یہ پینگوئن میں دوسری بڑی جسامت کا حامل ہے۔ سمندر میں دیر تک تیرنا اس کی جبلت ہے۔ چھوٹی چھوٹی مچھلیاں اس کا من بھاتا کھاجا ہیں۔

حالیہ کچھ برسوں کے دوران کنگ پینگوئن کی نسل میں شدید کمی دیکھی گئی ہے۔ اس کو ایک طرف سمندری درجہٴ حرارت میں تبدیلی کا سامنا ہے تو برفانی بلیاں بھی اس کے تعاقب میں رہتی ہیں۔

یہ عام طور پر کہا جاتا ہے کہ اگر پینگوئن خوش آباد ہیں تو سمجھ لیجیے کہ سمندر کے حالات بھی بہتر ہیں۔ اس ضرب المثل کے مطابق زمین کے درجہٴ حرارت میں اضافے نے سمندر کے پانی کے اوسط درجہٴ حرارت کو تبدیل کر دیا ہے اور اس کے ساتھ کاٹھ کباڑ بھی سمندر میں بے پناہ ہے۔ یہ سب پینگوئن کے لیے لیے بہتر نہیں ہے۔

جنوبی افریقہ اور قطب شمالی کے درمیان واقع ایک جزیرے پر رہنے والے کنگ پینگوئنز کی ایک بڑی تعداد ہلاک ہو چکی ہے۔ ان ہلاکتوں کو ماحولیاتی تبدیلیوں کے انتہائی منفی اثرات کا نتیجہ قرار دیا گیا ہے۔

یہ تصویر ایک دو ماہ کے کنگ پینگوئن کی ہے۔ ابتدا میں یہ سیاہی مائل ہوتا ہے اور بتدریج اس کی ہیت میں سفیدی اور زردی ظاہر ہونے لگتی ہے۔

قطب جنوبی کی شناخت کا حامل کنگ پینگوئن یورپی ملکوں کی طرح جرمنی کے کئی چڑیا گھروں کی زینت بھی ہے۔ یہ جوڑا جرمن شہر وُوپرٹال کے چڑیا گھر میں رکھا گیا ہے۔

ویسے تو کنگ پینگوئن کا مسکن کروزیٹ جزائر ہیں۔ لیکن یہ بحر قطب جنوبی کے جنوب علاقے میں خوراک کی تلاش کے لیے پہنچتے ہیں اور اس برف پر چہل قدمی اُن کا من پسند کام خیال کیا جاتا ہے۔ پینگوئن کی یہ نسل اب قطب جنوبی میں قدرے کم دکھائی دیتی ہے۔

بظاہر برفانی چیتا قطب جنوبی میں کم دکھائی دیتا ہے۔ اس علاقے میں گھنی پشم والی بلیوں کو ضرور دیکھا گیا ہے۔ یہ بنیادی طور پر برفانی چیتے کی نسل ہے۔ قطب جنوبی میں برفانی بھیڑیے بھی پینگوئن کی طاق میں ہوتے ہیں۔

کنگ پینگوئن جنوبی سمندری حدود تک اپنی خوراک کے حصول کا سفر کرتے رہے ہیں اور اب ان سمندروں میں پانی اتنا ٹھنڈا نہیں رہا، جس میں یہ جانور خوشدلی سے زندہ رہ سکتا ہے۔ قطب جنوبی کی برفانی چادر بھی بگھل کر کمزور ہوتی جا رہی ہے۔ کسی جگہ پر سے اندرونی پہاڑ دکھائی دینے لگے ہیں۔ سارا ماحول کنگ پینگوئن کے لیے پریشان کن ہے۔