شام کے صدر بشار الاسد نے جمعرات کے روز تہران میں ایران کے سپریم لیڈر آیت اللہ علی خامنہ ای سے ملاقات کی اور ہیلی کاپٹر کے حادثے میں ایرانی صدر ابراہیم رئیسی کی ہلاکت پر تعزیت کا اظہار کیا۔

سعودی عرب نے بارہ سال بعد شام میں اپنا سفیر مقرر کر دیا

ایرانی صدر ابراہیم رئیسی 19 مئی کو اس وقت ہلاک ہو گئے تھے، جب ان کا ہیلی کاپٹر شمال مغربی ایران کے پہاڑی علاقے سے پرواز کرتے ہوئے شدید دھند میں گر کر تباہ ہو گیا۔

ایرانی صدر کے قافلے میں شامل ہیلی کاپٹر حادثے کا شکار

اسد نے وزیر خارجہ حسین امیر عبداللہیان کے لیے بھی تعزیت پیش کی، جو رئیسی کے ساتھ ہی حادثے میں ہلاک ہو گئے تھے۔

اسرائیلی جنگی طیاروں کا جنوبی شام میں فوجی اڈے پر حملہ

جمعرات کے روز ہی صدر رئیسی کو خراج تحسین پیش کرنے کے لیے اقوام متحدہ میں ایک اجلاس ہوا، جس کا امریکہ نے یہ کہتے ہوئے بائیکاٹ کیا کہ وہ ''متعدد، ہولناک انسانی حقوق کی خلاف ورزیوں میں ملوث تھے۔''

مشرق وسطیٰ میں کشیدگی، تیل کی قیمتوں میں اضافہ

اقوام متحدہ کی جنرل اسمبلی روایتی طور پر کسی بھی ایسے عالمی رہنما کو خراج تحسین پیش کرنے کے لیے میٹنگ کرتی ہے، جو اپنی موت کے وقت ریاست کا سربراہ رہا ہو۔

ایران اسرائیل کشیدگی، مزید امریکی فوجی مشرق وسطیٰ روانہ

ایران اور شام کے مضبوط تعلقات

شام کے ایوان صدر کے ایک بیان کے مطابق جمعرات کو اسد اور خامنہ ای نے کہا کہ ایران اور شام کے تعلقات بہت مضبوط ہیں۔

واضح رہے کہ صدر رئیسی کی موت ایک ایسے وقت ہوئی جب ایران میں اندرون و بیرون ملک کے تعلقات کے حوالے سے کافی تناؤ کا شکار ہے۔

عالمی برادری کا مشرق وسطیٰ میں کشیدگی میں کمی لانے پر اصرار

مہسا امینی کی موت سے شروع ہونے والے وسیع پیمانے پر احتجاجی تحریک کے سبب ایرانی حکومت گھریلو سطح پر جکڑ کر رہ گئی ہے۔

ایرانی وزیر خارجہ خطے کے دورے کے پہلے مرحلے میں عمان میں

اپریل میں ایران نے اسرائیل پر ڈرون اور میزائل حملہ کیا تھا، جو کہ اس کے بقول شام کے دارالحکومت دمشق میں ایرانی قونصلر کی عمارت پر اسرائیلی حملے کے جواب میں تھا۔

ایران کی پراکسی ملیشیا اور روسی فوج کی مداخلت کے سبب شام کی اس خانہ جنگی میں اسد کی حکومت کو بالادستی حاصل کرنے میں مدد ملی ہے، جو سن 2011 میں بڑے پیمانے پر جمہوریت نواز مظاہروں کے بعد شروع ہوئی تھی۔

اس تنازعے میں اب تک نصف ملین سے زیادہ افراد ہلاک ہو چکے ہیں، جبکہ لاکھوں شہری بے گھر ہوئے ہیں۔ شام کے بنیادی ڈھانچے اور صنعت کا وسیع تر حصہ تباہ ہو چکا ہے۔

اسد پر جنگی جرائم میں ملوث ہونے کا الزام عائد کیا گیا ہے اور وہ عالمی سطح پر طویل عرصے سے ایک الگ تھلک پڑ گئے۔ لیکن 2023 کے آس پاس سے، جب شام کو 12 سال کی معطلی کے بعد دوبارہ عرب لیگ میں شامل ہونے کی اجازت ملی، تو انہوں نے دوبارہ باقاعدہ عوامی سطرح ر ظاہر ہونا شروع ہوئے اور غیر ملکی دورے کرنا شروع کیے۔

دریں اثناایران میں 28 جون کو ہونے والے صدارتی انتخابات میں حصہ لینے کے خواہش مند امیدواروں کے لیے رجسٹریشن کی پانچ روزہ مدت جمعرات 30 مئی کو شروع ہو گئی۔ کاغذات نامزدگی جمع کرانے کی آخری تاریخ چار جون ہے۔ ایسے امیدوار اپنے کاغذات جمع کرا سکتے ہیں جن کی عمر 40 سے 75 برس تک ہے اور جن کے پاس کم از کم ماسٹر ڈگری ہے۔ تمام امیدواروں کو حتمی منظوری ایران کی 12 رکنی گارڈین کونسل دے گی، جو علماء اور فقہاء کا ایک پینل ہے جس کے سربراہ علی خامنہ ای ہیں۔

ص ز/ ج ا (اے پی، روئٹرز)