یوڈ الابا بے شک اپنے کلب بائرن میونخ میں ایک دفاعی کھلاڑی کے طور پر شامل ہیں تاہم وہ اپنی قومی ٹیم آسڑیا کا اہم ترین مڈ فیلڈ کھلاڑی بھی ہیں۔ الابا نے یورپی کپ کے لیے کوالیفائینگ میچوں میں تین گول کیے اور تین مرتبہ فٹ بال کو گول میں پہنچانے میں اہم کردار ادا کیا۔ الابا پہلی مرتبہ یورپی چیمپئن شپ میں حصہ لے رہے ہیں۔

گیرتھ بیل 26 سال کی عمر میں ہی ثابت کر چکے ہیں کہ وہ ایک پھرتیلے اور باصلاحیت فٹ بالر ہیں۔ وہ اپنی قومی ٹیم ’ویلز‘ کے ایک ایسے اہم کھلاڑی ہیں کہ جن کے پیروں کا بوسہ لیے بغیر گیند آگے نہیں بڑھ پاتی۔ سن 1958 کے بعد پہلی مرتبہ ویلز کی ٹیم کسی بڑے ٹورنامنٹ میں حصہ لے رہی ہے۔

ہاکان شالھان اوغلو کارنرز اور فری کِک لگانے کے ماہر ہیں لیکن اپنی ٹیم یعنی ترکی کی جانب سے کھیلتے ہوئے وہ مڈ فیلڈ میں بھی اہم کردار ادا کرتے ہیں۔ بائیس سال کی عمر میں ہی وہ ترک ٹیم کی ریڑھ کی ہڈی بن چکے ہیں۔ وہ جرمن کلب بائر لیورکوزن کی جانب سے کھیلتے ہیں۔

پرتگال کے اس سپر اسٹار سے فٹ بال کے تقریباً تمام ہی مداح واقف ہیں۔ چیمئنز لیگ کے فائنل مں ان کی پینلٹی کک نے ریئل میڈرڈ کو چیمپئن بنایا ہے۔ وہ چار مرتبہ فٹ بالر آف دی ایئر کا اعزاز بھی حاصل کر چکے ہیں۔ وہ پرتگال کو یورپی چیمپئن بنانے کی بھرپور صلاحیت رکھتے ہیں۔

کیون ڈے برؤنے نے دو سال میں برازیل میں ہونے والی فٹ بال کے عالمی کپ میں اپنی ٹیم بیلجئم کے لیے ہراول دستے کا کردار ادا کیا تھا۔ انہی کی وجہ سے بیلجئم کوارٹر فائنل تک پہنچنے میں کامیاب ہو پایا تھا۔ تاہم اس مرتبہ کیون کی کوشش ہے کہ یورپی چیمپئن شپ میں بیلجئم کا سفر کوارٹر فائنل پر ہی ختم نہ ہو جائے۔

سویڈن کے ابراہیمووچ کا یہ آخری بین الاقوامی ٹورنامنٹ ہے۔ وہ ایک عرصے سے سویڈن کے اہم ترین کھلاڑی ہیں۔ وہ ایک ایسے کھلاڑی ہیں، جو گراؤنڈ میں اترنے کے بعد توجہ چاہتے ہیں۔ وہ پیرس کے کلب سینٹ گرمانیا سے بھی کھیلتے رہے ہیں۔ ان کی ماہانہ آمدنی پندرہ لاکھ یورو ہے۔

ابراہیمووچ کی طرح اسپین کے آندریس اینیئستا کی بھی یہ آخری یورپی چیمپئن شپ ہے۔ فرانس میں کھیلے جانے والے ان میچوں میں بھی امید ہے کہ اینیئستا اسپین کی فتوحات میں مرکزی کردار ادا کریں گے۔ 32 سالہ اینیئستا کی صلاحیتوں کو غیر معمولی قرار دیا جاتا ہے۔

لورینزو انسینئے اطالوی ٹیم کہ وہ کھلاڑی ہیں، جو یورپی چیمپئن شپ کے دوران اپنی ٹیم کی جانب سے کوئی بڑا اپ سیٹ کر سکتے ہیں۔ دو سال قبل برازیل میں ہونے والے عالمی کپ میں انہوں نے صرف ایک ہی میچ کھیلا تھا تاہم حالیہ سیزن میں بارہ گول کرنے کے بعد کوچ انتونیو کونتے انہیں ٹیم کا حصہ بنانے پر مجبور ہو گئے۔

ٹوٹنہائم کلب کی جانب سے کھیلنے والے ہیری کین نے 2014ء اور 2015ء میں پریمیئر لیگ کے میچوں کے دوران اپنی صلاحیتوں کا لوہا منوایا تھا۔ ان کی اسی کارکردگی کو دیکھتے ہوئے انہیں انگلینڈ کی ٹیم میں شامل کیا گیا۔ کہا جا رہا ہے کہ وہ یورپی چیمپئن شپ میں سب سے زیادہ گول کرنے کی صلاحیت رکھتے ہیں۔

39 سالہ روبرٹ لیوونڈوفسکی اب تک جرمن فٹ بال لیگ بنڈس لیگا میں تیس گول کر چکے ہیں۔ امید کی جا رہی ہے کہ یورپی فٹ بال چیمپئن شپ میں اپنے ملک پولینڈ کے لیے بھی اسی طرح کی کارکردگی کا مظاہرہ کر سکیں گے۔

اگر کسی بھی ٹیم کے پاس مانوئیل نوئر جیسا گول کیپر ہو تو اسے زیاہ پریشان ہونے کی ضرورت نہیں۔ گزشتہ برسوں کے دوران یہ جرمن کھلاڑی گول کیپنگ کو ایک نئی سطح پر لے گیا ہے۔ ان کا شمار دنیا کے بہترین گول کیپرز میں ہوتا ہے۔

پاؤل پوگبا اپنے کلب یوونتوس کی جانب سے کھیلتے ہوئے ایک اسٹار بن چکے ہیں۔ تاہم اب فرانس کے اس کھلاڑی کے پاس خود کو ایک سپر اسٹار ثابت کرنے کے لیے یورپی چیمپئن شپ کی صورت میں ایک موقع ہے۔ وہ مڈ فیلڈ میں فرانس کے ایک اہم ترین کھلاڑی ہیں۔

یارمولینکو کا شمار فٹ بال کی دنیا کے ان چند اہم ترین نوجوان کھلاڑیوں میں ہوتا ہے، جس پر بہت سے یورپی کلبس کی نظریں جمی ہوئی ہیں۔ امید ہے کہ وہ اپنی انہی صلاحیتوں کی بنا پر اپنی ٹیم یوکرائن کو یورپی چیمپئن شپ کے اگلے مرحلوں تک لے جانے میں کامیاب ہو جائیں گے۔

البانیا کے خلاف پہلے راؤنڈ کے میچ میں لوگوں کی نظریں بار بار سوئس ٹیم کے گول کی جانب اٹھتی تھیں، جہاں ستائیس سالہ گول کیپر ژان زَومر ایک چٹان کی طرح کھڑا نظر آتا تھا۔ عام طور پر یہ کھلاڑی جرمنی کی بورُسیا موئنشن گلاڈ باخ ٹیم کے لیے کھیلتا ہے: خوبصورت چہرہ، لمبے بال اور سب سے بڑھ کر ایک شاندار گول کیپر۔

’جی جی‘ بوفون کی عمر اڑتیس برس ہے اور وہ موجودہ یورپی چیمپئن شپ کے عمر رسیدہ ترین کھلاڑیوں میں سے ایک ہے۔ وہ گزشتہ تقریباً بیس برسوں سے اٹلی کی ٹیم کا گول کیپر چلا آ رہا ہے اور یہی ایک چیز اُس کی بلوغت اور مردانگی کا ثبوت کہی جا سکتی ہے: چمکتی نیلی آنکھیں، سیاہ بال اور جیت کے لیے ایسی مجنونانہ جدوجہد، جو کوئی نیا نیا میدان میں آیا کھلاڑی ہی کیا کرتا ہے۔

بوآتینگ بیس بال کی ٹوپی پہنے ہوئے ہو، اُس نے عینک لگا رکھی ہو، جوگنگ کا لباس پہن رکھا ہو یا وہ کسی تھری پیس سُوٹ میں ملبوس ہو، وہ ہر طرح کے لباس میں اچھا نظر آتا ہے۔ مردوں کے جریدے GQ نے 2015ء میں اُسے جرمنی کے سب سے خوش لباس مرد کا خطاب دیا تھا۔ اِس غیر معمولی کھلاڑی میں خود اعتمادی کُوٹ کُوٹ کر بھری ہے اور اسی لیے ہم نے اُسے اس ٹورنامنٹ کے پُر کشش ترین کھلاڑیوں میں شامل کیا ہے۔

ہلکے سنہری رنگ کے لمبے بال، چھوٹی چھوٹی داڑھی اور بے پرواہانہ انداز: یہ ہیں برکِیر بیارناسون۔ اپنا فٹ بال کیریئر ختم کرنے کی صورت میں بعد وہ سرفنگ سکھانے والے اُستاد کے طور پر آسانی سے ایک نیا کیریئر شروع کر سکتے ہیں۔ آئس لینڈ کی ٹیم کے اس مِڈ فِیلڈر کو اُس کی غیر معمولی اور منفرد شکل و صورت کی وجہ سے اس گیلری میں شامل کیا گیا ہے۔

جب ہسپانوی کھلاڑی جیرار پیکے میدان میں دوڑتا ہے تو وہ گھر میں بیٹھی ہوئی اپنی اہلیہ شاکیرا پر ہی نہیں بلکہ بے شمار دلوں پر بجلی گراتا ہے۔ اسپین کی ٹیم کے چھوٹی چھوٹی داڑھی والے اس دفاعی کھلاڑی کو ایک دنیا پُر کشش مانتی ہے۔ جب وہ اپنے سر کی مدد سے گیند کو گول میں پھینکتا ہے تو زیادہ لوگوں کو گول ہونے یا نہ ہونے سے زیادہ اس کھلاڑی کے شاندار بالوں کی فکر ہوتی ہے۔

اپنے خوبصورت بالوں کی وجہ سے خصوصاً خواتین میں بہت مقبول یہ کھلاڑی ہسپانوی ٹیم ریال میڈرڈ میں سٹرائیکر کے طور پر کھیلتا ہے۔ اگر ویلز کی ٹیم پہلے راؤنڈ سے آگے نکلی ہے تو اس میں اس کھلاڑی کا بھی اہم کردار ہے۔ گیرتھ بیل کامیابی کے آسمان پر ہونے کے باوجود کسی طور یہ ظاہر نہیں کرتا کہ وہ ایک سٹار ہے۔ اُس نے انگلینڈ کی طرف سے کھیلنے کی بجائے ویلز کی کمزور ٹیم کا انتخاب کیا، جس سے اُس کی کشش اور بڑھ گئی۔

اس تصویر میں جرمن کھلاڑی باستیان شوائن شٹائیگر اپنی سرب گرل فرینڈ آنا ایوانووِچ کے ساتھ نظر آ رہا ہے۔ چند سال پہلے تک کوئی شاید سوچ بھی نہیں سکتا تھا کہ ’شوائنی‘ کے مختصر نام سے مشہور یہ کھلاڑی بھی پُر کشش کھلاڑیوں کی فہرست میں جگہ پائے گا لیکن وقت کے ساتھ ساتھ یہ کھلاڑی نہ صرف ٹیم کا کپتان بنا ہے بلکہ وہ جہاں کہیں بھی جاتا ہے، اُس کی شخصیت میں بلوغت اور خود اعتمادی لوگوں کو متاثر کرتی ہے۔

یہ ہسپانوی کھلاڑی روایتی معنوں میں تو شاید پُر کشش نہ ہو۔ اس کا قد صرف ایک میٹر اور اکہّتر سینٹی میٹر ہے، اُس کا گنجا پن بھی نمایاں ہے ا ور اُس کے انداز و اطوار میں بھی کچھ غیر معمولی نہیں ہے تاہم اس ہسپانوی سٹار کھلاڑی کی کچھ اور چیزیں بہر حال متاثر کن ہیں۔ میدان میں ایک ماہر اور کامیاب کھلاڑی ہونے کے باوجود وہ میدان سے باہر بے پناہ سادگی اپناتا ہے۔ لوگوں سے اُس کی یہی قربت اُسے پُر کشش بناتی ہے۔

اس فرانسیسی کھلاڑی کا قد ایک میٹر اور پچھتر سینٹی میٹر ہے لیکن شروع شروع میں اُسے اکثر یہ سننا پڑتا تھا کہ تمہارا قد بہت چھوٹا ہے۔ اب وہ ایک مدت ہوئی، یہ ثابت کر چکا ہے کہ اُس کے بارے میں جو جو کچھ کہا گیا، وہ سب لغو تھا۔ وہ خاص فرانسیسی کشش کا مالک ایک کامیاب کھلاڑی ہے اور دو ٹیموں ’آٹلیٹیکو میڈرڈ‘ اور ’ایکوئپ ٹریکولور‘ کے لیے کھیلتا ہے۔

کرشماتی شخصیت کا مالک یہ کھلاڑی اپنی خوبصورت مسکراہٹ کے ساتھ پُر کشش اور خوبصورت نظر آتا ہے۔ وہ ویلز کی قومی ٹیم کا کپتان ہے اور کھیل کے میدان کے باہر اپنے سماجی اور فلاحی منصوبوں کی وجہ سے بھی شہرت رکھتا ہے۔ اسی وجہ سے لوگ اُس کے ساتھ ہمدردی بھی رکھتے ہیں اور اُسے محبت بھی دیتے ہیں۔