چینی صدر شی جن پنگ کے ’خیالات‘ پر مبنی مضمون اب چین بھر کی مختلف یونیورسٹیوں میں پڑھایا جائے گا اور اس پر تحقیقی مقالے بھی لکھے جائیں گے۔ اس طرح چینی رہنما کے فلسفے کے مطابق ملک بھر کے طلبہ کے ذہن و دل فتح کیے جائیں گے۔
تصویر: Getty Images/AFP/G. Baker
اشتہار
چینی کی کمیونسٹ پارٹی کی 19ویں قومی کانگریس رواں ماہ منعقد ہوئی تھی، جس میں شی جن پنگ نے اپنا ’تصور‘ پیش کیا تھا اور اب اسے پارٹی کے دستور میں شامل کر لیا گیا ہے۔ اسی تناظر میں کم از کم 20 جامعات میں شی کے نظریات کے لیے ریسرچ انسٹیٹیوٹ قائم کئے جا رہے ہیں۔
’ایک نئے عہد کے لیے شی جن پنگ کے چینی عناصر کے حامل سوشلزم سے متعلق خیالات‘ کے ساتھ ہی شی جن پنگ جدید چینی تاریخ میں اپنا نام ماؤ زے دونگ اور ڈینگ شیاؤپنگ جیسے رہنماؤں میں شامل کر چکے ہیں اور اگلی نسلیں انہیں اہم ترین چینی رہنماؤں میں سے ایک گردانیں گی۔
اتوار کو سامنے آنے والی میڈیا رپورٹوں کے مطابق تحقیقی ادارے ان خیالات میں چھپنے کی کوشش نہیں کریں گے بلکہ اس بات کی حمایت کریں گے کہ شی کے خیالات کو روز مرہ کی زندگی کا حصہ بنایا جائے۔
چین میں ایغوروں کا دیس سکیورٹی اسٹیٹ میں تبدیل
چین کا کہنا ہے کہ اُسے اپنے مغربی علاقے سنکیانگ میں مسلمان انتہا پسندی کے ایک سنگین خطرے کا سامنا ہے۔ بیجنگ حکومت کا الزام ہے کہ ایغور مسلم اقلیت ہان چینی اکثریت کے ساتھ کشیدگی کو ہوا دے رہی ہے۔
تصویر: Reuters/T. Peter
مغربی چینی علاقے سنکیانگ میں حفاظتی انتظامات سخت تر
چین کی قدیم شاہراہِ ریشم پر واقع شہر کاشغر میں دن میں تین بار الارم بجتا ہے اور دکاندار حکومت کی طرف سے دیے گئے لکڑی کے ڈنڈے تھامے فوراً اپنی دکانوں سے باہر نکل آتے ہیں۔ پولیس کی نگرانی میں منظم کی جانے والی ان انسدادِ دہشت گردی مشقوں کے دوران یہ دکاندار چاقو لہرانے والے فرضی حملہ آوروں کے خلاف لڑتے ہیں۔
تصویر: Reuters/T. Peter
’وَن بیلٹ، وَن روڈ پروگرام‘
ایغور نسل کا ایک شہری صحرائے تکلامکان میں امام عاصم کے مقبرے کو جانے والے راستے پر جا رہا ہے۔ کاشغر نامی شہر کو، جو پہلے ایک تاریخی تجارتی چوکی ہوا کرتا تھا، صدر شی جن پنگ کے ’وَن بیلٹ، وَن روڈ‘ نامی اُس اقتصادی پروگرام میں بھی مرکزی حیثیت حاصل ہے، جس کے ذریعے وہ چین کو ایشیا، مشرقِ وُسطیٰ اور اُس سے بھی آگے واقع خطّوں کے ساتھ جوڑ دینا چاہتے ہیں۔
چین کو ’وَن بیلٹ، وَن روڈ‘ سمٹ میں خلل کا اندیشہ
خود مختار علاقے سنکیانگ ایغور میں ایک شخص اپنی بھیڑیں چرا رہا ہے۔ چین کے بدترین خدشات میں سے ایک یہ ہے کہ کوئی بہت بڑے پیمانے کا حملہ بیجنگ میں اُس ’وَن بیلٹ، وَن روڈ‘ سمٹ کو نشانہ بنا سکتا ہے، جس میں کئی عالمی رہنماؤں کی شرکت متوقع ہے۔ علاقائی صدر مقام اُرمچی میں 2009ء میں ہونے والے نسلی ہنگاموں کے بعد سے سنکیانگ خونریز پُر تشدد واقعات کا مرکز بنا ہوا ہے۔
تصویر: Reuters/T. Peter
چین میں نسلی اقلیت
ایک خاتون صحرائے تکلامکان میں امام عاصم کے مقبرے کے قریب ایک قبر پر دعا مانگ رہی ہے۔ ایغور ترک زبان بولنے والی اقلیت ہے، جس کے زیادہ تر ارکان سنی مسلمان ہیں۔ ایغوروں کا شمار چین میں سرکاری طور پر تسلیم شُدہ پچپن اقلیتوں میں ہوتا ہے۔ اگرچہ ایغور مجموعی طور پر ایک قدرے معتدل اسلام پر عمل پیرا ہیں لیکن کچھ ایغور جا کر مشرقِ وُسطیٰ میں مسلمان ملیشیاؤں میں شامل ہو گئے ہیں۔
تصویر: Reuters/T. Peter
کمیونسٹ پارٹی کا دہشت گردی کے خلاف جنگ جاری رکھنے کا عزم
چینی میڈیا کے مطابق کسی دہشت گردانہ حملے کا خطرہ بہت زیادہ ہے اور اسی لیے کمیونسٹ پارٹی نے بھی مسلمان انتہا پسندوں کے خلاف اپنی جنگ جاری رکھنے کا عزم ظاہر کیا ہے۔ مثلاً چینی حکام نے مسلمان کمیونٹی کے رسم و رواج پر کئی طرح کی پابندیاں لگا دی ہیں۔ ریاستی پراپیگنڈے کو ’رَد کرنا‘ غیر قانونی قرار دیا گیا حالانکہ یہ واضح نہیں ہو سکا کہ حکام اس ضابطے کو نافذ کیسے کریں گے۔
تصویر: Reuters/T. Peter
سی سی ٹی وی کیمروں کی تنصیب
بہت سے مقامی باشندوں کے خیال میں انسدادِ دہشت گردی کی مشقیں ایک ظالمانہ سکیورٹی آپریشن کا حصہ ہیں۔ وہ کہتے ہیں کہ گزشتہ چند مہینوں سے سنکیانگ کے ایغور علاقوں میں یہ آپریشن تیز تر کر دیا گیا ہے اور اس کا مقصد سکیورٹی سے زیادہ بڑے پیمانے پر نگرانی کرنا ہے۔ کاشغر میں ایک دکاندار نے بتایا:’’ہماری کوئی نجی زندگی نہیں رہ گئی۔ وہ دیکھنا چاہتے ہیں کہ آپ کیا کرنے والے ہیں۔‘‘
تصویر: Reuters/T. Peter
مسلمانوں کی مخصوص روایات پر پابندی
مردوں پر لگائی گئی سب سے نمایاں پابندی یہ ہے کہ وہ اپنی ’داڑھیاں غیر معمولی طور پر نہ بڑھائیں‘۔ خواتین پر نقاب پہننے کی پابندی عائد کی گئی ہے۔ خاص طور پر ریلوے اسٹیشنوں اور ہوائی اڈوں جیسے عوامی مقامات میں برقعہ کرنے والی خواتین کا داخلہ ممنوع قرار دیا گیا ہے اور فوراً پولیس کو مطلع کرنے کے لیے کہا گیا ہے۔
تصویر: Reuters/T. Peter
سکیورٹی عملے کے چوکس ارکان
حکام نے ایسے لوگوں کے لیے انعام کا اعلان کر رکھا ہے، جو لمبی داڑھیوں والے نوجوانوں یا ایسی مذہبی روایات کی پاسداری کی اطلاع دیں گے، جس میں انتہا پسندی کا پہلو نکل سکتا ہو۔ اس طرح مخبری کا ایک باقاعدہ نظام تشکیل دیا گیا ہے۔ انسانی حقوق کے علمبردار گروپ ایسے احکامات کو ہدفِ تنقید بنا رہے ہیں۔
تصویر: Reuters/T. Peter
معیشت یا سلامتی؟
حکومت سنکیانگ میں جبر کی پالیسیاں اختیار کرنے کے الزامات کو مسترد کرتی ہے اور اُن بھاری رقوم کا ذکر کرتی ہے، جو معدنی وسائل سے مالا مال اس خطّے کی اقتصادی ترقی کے لیے خرچ کی جا رہی ہیں۔ چین کی نسلی پالیسیوں کے ایک ماہر جیمز لائی بولڈ کے مطابق سنکیانگ میں سکیورٹی کے اقدامات لوگوں اور خیالات کے بہاؤ کو روکیں گے اور یوں ’وَن بیلٹ، وَن روڈ‘ پروگرام کے خلاف جاتے ہیں۔
تصویر: Reuters/T. Peter
9 تصاویر1 | 9
ہونان نارمل یونیورسٹی کے سربراہ جیانگ ہونگ شن کے مطابق، ’’ہم مختلف ماہرین اور پروفیسرز جمع کریں گے تاکہ شی جن پنگ کے چینی عناصر کے حامل سوشلزم سے متعلق خیالات کو کاروبار میں استعمال کرنے کی ترویج کی جا سکے۔‘‘
کمیونسٹ پارٹی کے ترجمان سمجھے جانے والے پیپلز ڈیلی اخبار سے بات چیت میں ہونگ شن نے بتایا کہ ان کی جامعہ نے ’شی تھاٹس‘ کے نام سے ایک تحقیقی ادارہ قائم کر دیا ہے۔
خطے میں تبدیلیاں، پاکستان کا رجحان چین اور وسطی ایشیا کی جانب بڑھ رہا ہے
06:03
This browser does not support the video element.
تیانجن یونیورسٹی آف ٹیکنالوجی کے کمیونیسٹ یوتھ ونگ کے پارٹی سیکرٹری لیو یِنگ نے بتایا کہ ’شی کے نظریات‘ بارے ’تربیتی گروپ‘ بنانے کا خیال انہیں اس وقت آیا، جب شی جن پنگ کمیونسٹ پارٹی کانگریس سے خطاب کر رہے تھے۔ ’’یہ خیالات سمجھ کر طلبہ فقط ملک ہی کی بابت زیادہ پراعتماد نہیں ہوں گے بلکہ ان کی زندگیوں میں بھی اعتماد پیدا ہو گا۔ انہیں چینی ہونے پر زیادہ یقین آئے گا۔‘‘