ریاست کیلیفورنیا کے مالیاتی تحفظ اور جدت پسندی کے محکمے (DFPI) نے پیر یکم مئی کے روز بتایا کہ اسٹیٹ ریگولیٹرز نے فرسٹ ریپبلک بینک کو بند کر کے اس کا انتظام فوری طور پر اپنے ہاتھ میں لے لیا ہے۔

سوئس بینک کے لیے بیل آؤٹ، مارکیٹس کا ردعمل

ساتھ ہی کیلیفورنیا کے ڈیپارٹمنٹ آف فنانشنل پروٹیکشن اینڈ انوویشن نے بتایا کہ اس نے فرسٹ ریپبلک بینک کے بارے میں ایک ایسے معاہدے پر اتفاق بھی کر لیا ہے،  جس کے تحت اس بینک کے سارے اثاثے جے ہی مورگن چیز ایند کمپنی اور نیشنل ایسوسی ایشن کو فروخت کر دیے جائیں گے۔

کیلفورنیا کا فرسٹ ریپبلک بینک گزشتہ محض دو ماہ کے عرصے میں امریکہ کا ایسا تیسرا بڑا بینک ثابت ہوا ہے، جسے کاروباری ناکامی کا منہ دیکھنا پڑا ہے۔

کریڈٹ سوئس مرکزی بینک سے چون بلین ڈالر قرض لینے پر مجبور

اثاثوں کی جے پی مورگن چیز بینک کو منتقلی

کیلیفورنیا کے اسٹیٹ ریگولیٹرز کی طرف سے فرسٹ ریپبلک بینک کا کنٹرول سنبھالنے کے فیصلے کے بعد ڈی ایف پی آئی نے فیڈرل ڈیپازٹ انشورسن کارپوریشن (FDIC) کو فرسٹ ریپبلک بینک کا 'ریسیور‘ بھی نامزد کر دیا تھا۔

سعودی عرب ترک مرکزی بینک میں پانچ ارب ڈالر جمع کرائے گا

اس نامزدگی کے بعد فیڈرل ڈیپازٹ انشورنس کارپوریشن نے بتایا کہ فرسٹ ریپبلک بینک میں جمع کردہ تمام رقوم اور اس ادارے کے اثاثے جے پی مورگن چیز بینک کو متنتقل کر دیے جائیں گے۔

اس کا نتیجہ یہ کہ اب فرسٹ ریپبلک بینک کی امریکہ کی آٹھ ریاستوں میں قائم 84 شاخیں اسی ہفتے کاروبار کے پہلے دن فرسٹ ریپبلک بینک کی شاخوں کے طور پر نہیں بلکہ جے پی مورگن چیز بینک کی شاخوں کے طور پر کھولی جائیں گی۔

نائن الیون کے متاثرین کے لواحقین افغان بینک کی رقوم کے حقدار نہیں، امریکی جج

مسلسل دباؤ اور ناکامی کے خدشات

سان فرانسسکو میں قائم فرسٹ ریپبلک بینک کو اس سال مارچ کے اوائل میں امریکہ کے دو دوسرے اور قدرے بڑے بینکوں، سیلیکون ویلی بینک اور سگنیچر بینک کے کاروباری اور مالیاتی طور پر ناکام ہو جانے کے بعد سے مسلسل دباؤ کا سامنا تھا۔

متحدہ عرب امارات نے پاکستان کو ایک ارب ڈالر کی امداد دینے کی تصدیق کر دی، وزیر خزانہ

گزشتہ تقریباﹰ دو ماہ سے یہ بینک نہ صرف اپنی بقا کی جدوجہد میں مصروف تھا بلکہ ساتھ ہی ماہرین کے یہ خدشات بھی شدید تر ہوتے جا رہے تھے کہ فرسٹ ریپبلک بینک ایک آزاد اور خود مختار مالیاتی ادارے کے طور پر زیادہ دیر تک کام نہیں کر سکے گا۔

پھر ہوا بھی یہی اور بالآخر کیلیوفورنیا کے اسٹیٹ فنانشل ریگولیٹرز کو اس بینک کو اپنے کنٹرول میں لینا پڑ گیا۔

م م / ش ر (اے ایف پی، روئٹرز)