ناہید آفریدی کا انتخابی دفترخیبر ڈسٹرک کے جمرود نامی علاقے میں واقع ہے۔ اسی دفتر سے وہ تمام دیہات میں ہونے والے جلسوں کی منصوبہ بندی کرتی ہیں۔ وہ گھر گھر جا کر اپنے لیے ووٹ مانگنے کے ساتھ ساتھ قبائلی عمائدین سے ملاقاتوں کا سلسلہ بھی جاری رکھے ہوئے ہیں۔ ان کے مقابلے میں بارہ مرد امیدوار بھی کھڑے ہیں۔ ووٹنگ بیس جولائی کو ہو گی۔

ایک چھوٹی سی لڑکی نے ناہید آفریدی کا اشتہار اپنے سینے پر چسپاں کر رکھا ہے۔ ناہید کا ڈی ڈبلیو سے گفتگو کرتے ہوئے کہنا تھا کہ ایک پدرانہ معاشرے میں الیکشن مہم چلانا مشکل کام ہے لیکن وہ نوجوان خواتین کے لیے اعتماد، جرات اور قیادت کی ایک مثال قائم کرنا چاہتی ہیں۔ مقامی خواتین کو تو ان کی ریلیوں میں شریک ہونے کی اجازت نہیں ہے لیکن بچے ان کے ساتھ ساتھ ہیں۔

چالیس سالہ ناہید قبائلی عمائدین کو ان کے حجروں میں جا کر مل رہی ہیں۔ حجرہ ایک روایتی قبائلی جگہ ہوتی ہے، جہاں مرد جمع ہو کر مختلف مسائل پر گفتگو اور بحث کرتے ہیں۔ اس علاقے میں حجرے میں عمائدین سے ملاقات کرنے والی وہ پہلی خاتون ہیں۔ عمومی طور پر خواتین کو حجرے میں جانے کی اجازت نہیں ہوتی۔

ناہید آفریدی کے اردگرد مقامی دکاندار جمع ہیں اور وہ اپنی انتخابی تقریر میں یہ بتا رہی ہیں کہ وہ کیوں علاقائی اسمبلی میں جانا چاہتی ہیں۔ ناہید کے مطابق ان کی کامیابی کے لیے ضروری ہے کہ وہ گاؤں گاؤں جا کر براہ راست سب سے بات کریں اور انہیں ووٹ دینے کے لیے قائل کریں۔

چھوٹے بچے ناہید آفریدی کی انتخابی مہم کے سلسلے میں کاروں پر اسٹیکر چسپاں کر رہے ہیں۔ بچے ناہید آفریدی کے انتخابی بینر اور اسٹیکر گلیوں، گھروں اور چوراہوں میں بھی لگا رہے ہیں۔ جہاں دیگر خواتین کو ان کے ساتھ تصاویر بنوانے کی اجازت نہیں ہے، وہاں بچے شوق سے ان کے ساتھ تصاویر بنواتے ہیں۔

ناہید آفریدی کے مطابق ان کی انتخابی مہم کا مقصد صرف مقابلہ بازی نہیں ہے بلکہ وہ صوبائی اسمبلی میں پہنچ کر علاقے کی خواتین کے مسائل کی نمائندگی کرنا چاہتی ہیں۔ ایک مقامی سوشل ورکر کا ڈی ڈبلیو سے گفتگو کرتے ہوئے کہنا تھا کہ مقامی مرد نہ تو خواتین کی تعلیم کی حوصلہ افزائی کرتے ہیں اور نہ ہی یہ پسند کرتے ہیں کہ خواتین اپنے حق کی بات کریں۔

ناہید آفریدی کی انتخابی مہم علاقے کی ایسی خواتین کے لیے ایک پیغام ہے، جنہیں نہ تو اسکول جانے دیا جاتا ہے اور نہ ہی انہیں اپنی مرضی سے ووٹ دینے کی اجازت ہوتی ہے۔ یہاں ایک نوجوان ان کے ساتھ سیلفی بنا رہا ہے۔ اس نوجوان کا کہنا تھا کہ وہ اپنے گھر کی خواتین سے بھی کہے گا کہ وہ ناہید آفریدی کو ہی ووٹ دیں۔

ہزارہ برادری کے تاجر کوئٹہ کی مرکزی مارکیٹ کی جانب جا رہے ہیں۔ انہیں اس مقصد کے لیے ایک چیک پوائنٹ سے گزرنا پڑتا ہے۔ ان کے رہائشی علاقے کے گرد ایک بڑی دیوار تعمیر کی گئی ہے تاکہ وہ عسکریت پسندوں کے حملوں سے محفوظ رہیں۔ مارکیٹ آتے جاتے وقت فوجی ان کی حفاظت پر مامور رہتے ہیں۔

ہزارہ برادری افغانستان کا ایک نسلی گروہ ہے لیکن ایک ملین کے قریب ہزارہ افراد پاکستان میں آباد ہیں اور اسی ملک کو وہ اپنا وطن سمجھتے ہیں۔ سینکڑوں ہزارہ افراد فوج میں ملازمت کرتے ہیں جب کہ ان کے علاقے میں جگہ جگہ پاکستانی پرچم لہراتے ہوئے دکھائی دیتے ہیں۔ ان کی اکثریت کوئٹہ کے ہزارہ اور ماری آباد ٹاؤن میں رہائش پذیر ہے۔

نوید علی کے سینے پر ’اپنی طاقت پر اعتماد کرو‘ لکھا ہوا ہے۔ اس کا ایک مطلب بیرونی حملوں کا ڈٹ کا مقابلہ کرنا بھی ہے۔ تئیس سالہ نوید ہزارہ ٹاؤن میں باڈی بلڈنگ کرتے ہیں۔ ان کے مطابق وہ ورزش نہ صرف صحت کے لیے کرتے ہیں بلکہ یہ انہیں منشیات سے دور رہنے کی طاقت بھی فراہم کرتی ہے۔

ہزارہ جب بھی اپنے مطالبات اور حفاظت کے لیے احتجاج کرتے ہیں، پرامن طریقے سے ہی کرتے ہیں۔ ہزارہ ڈیموکریٹک پارٹی پرامن دھرنے اور احتجاج کی سیاست پر یقین رکھتی ہے۔ صوبائی پارلیمان میں ان کی دو سیٹیں ہیں۔ اس کُنگفو ماسٹر مبارک علی کے مطابق ہزارہ برادری کی ’امن سے محبت کم نہیں‘ ہو گی۔

تیس سالہ وکیل اور انسانی حقوق کے کارکن سردار سہیل کا اپنی والدہ کے ہمراہ ناشتہ کرتے ہوئے کہنا تھا، ’’ہم کئی برسوں سے محاصرے والی صورتحال میں زندگی گزار رہے ہیں۔ ہماری حفاظت کے لیے اردگرد چیک پوائنٹس بنائی گئی ہیں لیکن اس کی وجہ سے آپ دیگر علاقوں سے الگ تھلگ ہو جاتے ہیں۔‘‘

ہزارہ نسل کا تعلق منگولیا کے خطے سے ہے اور یہی وجہ ہے کہ وہ اپنے نین نقش اور چہروں کی وجہ سے دور سے ہی پہچانے جاتے ہیں۔ عسکریت پسند اسی کا فائدہ اٹھاتے ہیں۔ سردار سہیل گھر سے نکلتے وقت ہمیشہ پستول اپنے ساتھ رکھتے ہیں۔ سردار سہیل کے مطابق ان کا ایمان بھی انہیں تقویت دیتا ہے اور وہ گھر سے رخصتی کے وقت ہمیشہ اپنی والدہ کے ہاتھ چومتے ہیں۔

کوئٹہ میں ہزارہ برادری اپنی تاریخ، موسیقی اور ثقافتی سرگرمیوں کو اہمیت کی نظر سے دیکھتی ہے۔ جون کے اختتام پر ایسے ہی ایک ثقافتی میلے کا آغاز بلوچستان کے وزیر اعلیٰ جام کمال خان نے کیا۔ وہ اور دیگر شرکا ہزارہ افراد کی روایتی ثقافتی ٹوپیاں پہنے ہوئے ہیں۔

اسی روایتی میلے میں ایک چھوٹی سی لڑکی کڑھائی کا کام کر رہی ہے۔ لیکن روایتی لباس کے ساتھ وہ خود بھی ایک آرٹ کا نمونہ لگ رہی ہے۔

محمد آصف کی نظر میں تعلیم سب سے اہم ہے۔ وہ ماری آباد میں ایک سکول چلاتے ہیں۔ بچے صبح کی دعا کے لیے جمع ہیں۔ محمد آصف کے مطابق وہ نوجوانوں کے لیے معاشرے میں بہتر مواقع پیدا کرنے کے لیے کوشاں ہیں۔

ماری آباد کے اسکول کی اس بچی کے مستقبل کا انحصار صرف اور صرف ان پر ہونے والے حملوں کی بندش پر ہے۔ ہزارہ کمیونٹی کی حفاظت اور آزادی ہی ان کے روشن مستقبل کی ضمانت ہے۔

ہفتہ یعنی اٹھارہ اگست کو تقریب حلف برداری میں عمران خان بطور وزیر اعظم حلف اٹھائیں گے۔

عمران خان پانچ اکتوبر 1952ء کو لاہور میں پیدا ہوئے تھے۔ بچپن سے ہی کرکٹ میں دلچسپی تھی اور ان کا شمار پاکستان کرکٹ ٹیم کےکامیاب ترین کپتانوں میں ہوتا ہے۔

عمران خان نے تبدیلی اور حکومتی بدعنوانی کے خاتمے کے نعرے کے ساتھ ایرپل 1996ء میں پاکستان تحریک انصاف کی بنیاد رکھی۔ ایک کرکٹ لیجنڈ ہونے کے باوجود انہیں ابتدا میں سیاسی میدان میں کوئی خاطر خواہ کامیابی نہیں ملی تھی۔

پاکستان میں ’دو پارٹیوں کی سیاست‘ کے خاتمے کے لیے جب عمران خان نے سیاسی میدان میں قد م رکھا تو نوجوانوں کی ایک بڑی تعداد نے انہیں خوش آمدید کہا۔

2013ء کے انتخابات گیارہ مئی کو منقعد ہوئے تھے۔ تاہم عمران خان سات مئی کو اس وقت ایک لفٹر سے گر کر زخمی ہو گئے تھے، جب انہیں لاہور میں ہونے والے ایک جلسے سے خطاب کے لیے اسٹیج پر لے جایا جا رہا تھا۔

کہا جاتا ہے کہ 2013ء کے انتخابات میں پاکستان تحریک انصاف کی مقبولیت اپنے عروج پر تھی تاہم عمران خان کی جماعت 27 نشستوں کے ساتھ تیسرے نمبر پر رہی تھی۔ مسلم لیگ نون کی حکومت قائم ہوئی اور عمران خان نے حکمران جماعت پر الیکشن میں دھاندلی کے الزامات عائد کیے۔

2008ء اور 2013ء کے انتخابات میں پاکستان تحریک انصاف اپنی توقعات کے مطابق ووٹ حاصل کرنے میں کامیاب نہ ہو سکی تھی۔ اس موقع پر جب بھی عمران خان سے پارٹی کے مستقبل کے حوالے سے سوال کیا جاتا تو وہ اکثر کہتے تھےکہ انہوں نے زندگی بھر کرکٹ کھیلی ہے۔ وہ ایک اسپورٹس مین ہیں اور شکست سے گھبراتے نہیں ہیں۔

عمران خان نے حالیہ انتخابات سے قبل ملک بھر میں جلسے کیے۔ مبصرین کی رائے تحریک انصاف کے ان جلسوں نے حامیوں کو متحرک کرنے اہم کردار ادا کیا۔

عمران خان کی جماعت نے 25 جولائی کو ہونے والے عام انتخابات میں اکثریتی ووٹ حاصل کیے تھے۔ لیکن پاکستان تحریک انصاف اتنے ووٹ حاصل نہیں کر پائی تھی کہ وہ سیاسی جماعتوں سے اتحاد کے بغیر حکومت قائم کر سکے۔ وزیر اعظم کے عہدے کے لیے عمران خان کا مقابلہ پاکستان مسلم لیگ ن کے رہنما شہباز شریف سے تھا۔ عمران خان کو 176جبکہ شہباز شریف کو 96 ووٹ ملے۔

برطانیہ سے آزادی کے بعد ہندوستان کی تقسیم ہوئی اور مسلم اکثریتی علاقوں پر مبنی نیا ملک پاکستان معرض وجود میں آیا۔ پاکستان کے بانی محمد علی جناح ملک کے پہلے گورنر جنرل بنے اور لیاقت علی خان کو ملکی وزیر اعظم مقرر کیا گیا۔ ٹی بی کے مرض میں مبتلا محمد علی جناح قیام پاکستان کے ایک برس بعد ہی انتقال کر گئے۔

وزیر اعظم لیاقت علی خان کو راولپنڈی میں قتل کر دیا گیا۔ وہ شہر کے کمپنی باغ میں منعقدہ ایک جلسے میں شریک تھے جہاں ان پر قاتلانہ حملہ ہوا اور انہیں دو گولیاں لگیں۔ پولیس نے حملہ آور کو موقع پر ہی ہلاک کر دیا۔ لیاقت علی خان کو فوری طور پر ہسپتال منتقل کیا گیا لیکن وہ جانبر نہ ہو سکے۔ اس بحرانی صورت حال میں خواجہ ناظم الدین کو وزیر اعظم بنا دیا گیا۔

پاکستان کا پہلا آئین سن 1956 میں متعارف کرایا گیا تاہم ملکی صدر اسکندر مرزا نے دو سال بعد 1958 میں آئین معطل کر کے مارشل لا لگا دیا۔ کچھ دنوں بعد ہی فوجی سربراہ جنرل ایوب خان نے اسکندر مرزا کو اقتدار سے برطرف کر دیا اور خود صدر بن گئے۔ یوں پہلی مرتبہ پاکستان میں اقتدار براہ راست فوج کے پاس چلا گیا۔

ایوب خان نے پاکستان میں امریکا جیسا صدارتی نظام متعارف کرایا اور سن 1965 میں انتخابات کے انعقاد کا اعلان کیا۔ وہ پاکستان مسلم لیگ کی جانب سے صدارتی امیدوار بن گئے اور ان کا مقابلہ بانی پاکستان کی بہن فاطمہ جناح سے ہوا۔ فاطمہ جناح کو زیادہ ووٹ ملے لیکن ایوب خان ’الیکٹورل کالج‘ کے ذریعے ملکی صدر بن گئے۔

انتخابات میں فاطمہ جناح کی متنازعہ شکست اور بھارت کے ساتھ 1965 کی جنگ کے بعد ایوب خان کی ساکھ کافی متاثر ہوئی اور ان کے خلاف احتجاجی تحریک شروع ہوئی۔ ایوب خان نے اقتدار جنرل یحیی خان کے حوالے کر دیا اور ملک میں ایک مرتبہ پھر مارشل لا نافذ کر دیا گیا۔

پاکستان میں عام انتخابات کا انعقاد ہوا۔ مشرقی پاکستان کے رہنما شیخ مجیب الرحمان کی عوامی جماعت نے قومی اسمبلی کی کل تین سو نشستوں میں سے 160 نشستیں حاصل کر لیں جب کہ ذوالفقار علی بھٹو کی جماعت 81 نشستوں کے ساتھ دوسرے نمبر پر رہی۔ تاہم عوامی لیگ کو اقتدار نہیں سونپا گیا۔

یہ تنازعہ شدت اختیار کر گیا اور پاکستانی فوج نے مشرقی پاکستان میں فوجی آپریشن شروع کر دیا۔ بھارت بھی اس تنازعے میں کود پڑا اور جنگ کے بعد پاکستان تقسیم ہو گیا۔ مشرقی پاکستان کی جگہ ایک نیا ملک بنگلہ دیش معرض وجود میں آیا۔

مارشل لا ختم کر دیا گیا۔ ذوالفقار علی بھٹو ملکی صدر منتخب ہوئے۔ انہوں نے اسی برس ملکی جوہری پروگرام کا آغاز بھی کیا۔

پاکستان میں نیا ملکی آئین تشکیل پایا جس کے مطابق ملک میں پارلیمانی جمہوریت متعارف کرائی گئی۔ ایوان زیریں اور ایوان بالا تشکیل دی گئی اور حکومت کی سربراہی وزیر اعظم کے عہدے کو دی گئی۔ بھٹو صدر کی بجائے وزیر اعظم بن گئے۔ سن 1976 میں بھٹو نے جنرل ضیا الحق کو ملکی فوج کا سربراہ مقرر کیا جو بعد میں ان کے لیے مصیبت بن گئے۔

پاکستان میں عام انتخابات کا انعقاد ہوا جن میں بھٹو کی جماعت پاکستان پیپلز پارٹی نے قومی اسمبلی میں اکثریت حاصل کر لی۔ بھٹو کے خلا ف انتخابات میں دھاندلی کا الزام عائد کرتے ہوئے احتجاجی مظاہرے شروع ہو گئے۔ صورت حال کا فائدہ اٹھاتے جنرل ضیا الحق نے بھٹو کو اقتدار سے ہٹا کر ملکی آئین معطل کرتے ہوئے ملک میں مارشل لا لگا دیا۔

جنرل ضیا الحق نے آرمی چیف کے عہدے کے ساتھ ملکی صدر کا عہدہ بھی سنبھال لیا۔ سن 1979 میں ذوالفقار علی بھٹو کو ’قتل کی سازش‘ کے ایک مقدمے میں قصور وار قرار دتیے ہوئے پھانسی کی سزا دے دی گئی۔ ضیا الحق نے اسی برس ملک میں حدود آرڈیننس جیسے متنازعہ قوانین متعارف کرائے اور ’اسلامائزیشن‘ کی پالیسی اختیار کی۔

ملک میں غیر جماعتی بنیادوں پر انتخابات کرائے گئے۔ مارشل لا ہٹا دیا گیا اور جنرل ضیا کو آٹھ سال کی مدت کے لیے صدر جب کہ محمد خان جونیجو کو وزیر اعظم بنا دیا گیا۔ اس سے ایک برس قبل جنرل ضیا نے اپنی ’اسلامائزیشن‘ پالیسی کے بارے میں ریفرنڈم کرایا تھا اور دعویٰ کیا گیا تھا کہ 95 فیصد عوام نے اس کی حمایت کی تھی۔

بڑھتے ہوئے اختلافات کے باعث ضیا الحق نے آئینی شق اٹھاون دو بی کا استعمال کرتے ہوئے وزیر اعظم جونیجو کو برطرف اور اسمبلیاں تحلیل کر دیں۔ انہوں نے نوے دن کے اندر انتخابات کے انعقاد کا پھر سے وعدہ بھی کیا تاہم اسی برس سترہ اگست کے روز جہاز کے حادثے میں ضیا الحق اور دیگر اکتیس افراد ہلاک ہو گئے۔

پاکستانی صدر غلام اسحاق خان نے بدعنوانی اور نااہلی کے الزامات عائد کرتے ہوئے بینظیر بھٹو کی حکومت برطرف کر دی اور اسمبلیاں بھی تحلیل کر دیں۔ نئے انتخابات کا انعقاد کرایا گیا اور ضیا دور میں سیاست میں اترنے والے نواز شریف ملکی وزیر اعظم منتخب ہو گئے۔ اگلے برس اسمبلی نے ’شریعہ بل‘ منظور کیا اور اسلامی قوانین ملکی عدالتی نظام کا حصہ بنا دیے گئے۔

صدر غلام اسحاق خان نے نواز شریف حکومت کو بھی بدعنوان قرار دیتے ہوئے برطرف کر دیا۔ خود انہوں نے بھی بعد ازاں صدر کے عہدے سے استعفیٰ دے دیا۔ عام انتخابات کا انعقاد ہوا اور بینظیر بھٹو دوسری مرتبہ ملکی وزیر اعظم بنیں۔ پیپلز پارٹی ہی کے فاروق لغاری ملکی صدر کے عہدے پر فائز ہوئے۔

صدر لغاری نے اسمبلیاں تحلیل کر دیں اور بینظیر حکومت کو برطرف کر دیا۔ ایک دہائی کے اندر پاکستان میں چوتھی مرتبہ عام انتخابات کا انعقاد کرایا گیا۔ نواز شریف کی قیادت میں پاکستان مسلم لیگ نے بھاری اکثریت سے کامیابی حاصل کی اور وہ دوسری مرتبہ ملکی وزارت عظمیٰ کے عہدے پر فائز ہوئے۔

پاکستان نے صوبہ بلوچستان میں واقع چاغی کے پہاڑوں میں جوہری ہتھیاروں کا کامیاب تجربہ کیا۔ اس سے چند روز قبل بھارت نے بھی جوہری ہتھیاروں کا تجربہ کیا تھا۔ ایٹمی تجربوں کے بعد عالمی برادری نے پاکستان پر سخت اقتصادی پابندیاں عائد کر دیں۔

کارگل جنگ کے بعد وزیر اعظم نواز شریف نے اس وقت کے فوجی سربراہ جنرل پرویز مشرف کو ان کے عہدے سے برطرف کر کے جنرل ضیا الدین عباسی کو ملکی فوج کا سربراہ تعینات کر دیا۔ تاہم فوج نے فوری طور پر ردِ عمل ظاہر کرتے ہوئے نواز شریف کو گرفتار کر لیا۔ جنرل پرویز مشرف نے ملکی اقتدار سنبھال لیا۔

پاکستان کی سپریم کورٹ نے مارشل لا کی توثیق کر دی۔ اسی برس شریف خاندان کو جلاوطن کر کے سعودی عرب بھیج دیا گیا۔ جنرل مشرف سن 2001 میں پاکستان کے صدر بن گئے۔ انہوں نے آرمی چیف کا عہدہ بھی اپنے پاس رکھا۔

جنرل پرویز مشرف ایک ریفرنڈم کے بعد مزید پانچ برس کے لیے ملکی صدر بن گئے۔ اسی برس عام انتخابات بھی ہوئے جن میں پاکستان مسلم لیگ ق نے کامیابی حاصل کی۔ یہ جماعت جنرل پرویز مشرف نے بنائی تھی۔ ظفراللہ خان جمالی کو وزیراعظم تعینات کیا گیا تاہم دو برس بعد ان کی جگہ شوکت عزیز کو وزیر اعظم بنا دیا گیا۔ جنرل مشرف نے ترامیم کے بعد سن 1973 کا ملکی آئین بحال کر دیا۔

جنرل مشرف نے ملکی چیف جسٹس افتخار چوہدری کو ان کے عہدے سے ہٹا دیا جس کے بعد ملک گیر مظاہرے شروع ہو گئے۔ افتخار چوہدری کو ان کے عہدے پر بحال کر دیا گیا تاہم بعد ازاں جنرل مشرف نے ملک میں ایمرجنسی نافذ کر دی۔ دریں اثنا ملکی پارلیمان نے پہلی مرتبہ اپنی پانچ سالہ مدت بھی مکمل کی۔

پاکستان پیپلز پارٹی کی رہنما بینظیر بھٹو ایک مفاہمت کے بعد انتخابات میں حصہ لینے کے لیے وطن واپس لوٹ آئیں۔ بعد ازاں نواز شریف کو بھی سعودی عرب سے وطن واپس آنے کی اجازت مل گئی۔ انتخابی مہم کے دوران راولپنڈی میں ایک جلسے کے بعد بینظیر بھٹو کو قتل کر دیا گیا۔

بینظیر بھٹو کے قتل کے بعد منعقد ہونے والے عام انتخابات میں پاکستان پیپلز پارٹی اقتدار میں آئی۔ یوسف رضا گیلانی ملکی وزیر اعظم بنے جب کہ بنظیر بھٹو کے شوہر آصف علی زرداری نے ملکی صدر بننے کو ترجیح دی۔ الزامات اور تنازعات کے باوجود پیپلز پارٹی کی حکومت پانچ سالہ مدت مکمل کرنے میں کامیاب رہی۔

اس برس کے عام انتخابات میں مسلم لیگ نون نے کامیابی حاصل کی اور ملکی آئین میں ترامیم کے باعث نواز شریف تیسری مرتبہ ملکی وزارت عظمیٰ کے عہدے پر فائز ہوئے۔ عمران خان کی جماعت تحریک انصاف ملک کی تیسری بڑی سیاسی جماعت بن کر سامنے آئی۔ پیپلز پارٹی سندھ جب کہ پی ٹی آئی صوبہ خیبر پختونخوا میں حکومت بنانے میں کامیاب رہی۔

تین مرتبہ وزیر اعظم بننے والے نواز شریف کو کرپشن کے الزامات کے باعث کرسی سے محروم ہونا پڑا۔ سپریم کورٹ نے انہیں انتخابات میں حصہ لینے اور کسی بھی عوامی عہدے کے لیے نااہل قرار دے دیا۔ نواز شریف نے فوج پر الزامات عائد کرتے ہوئے اسٹیبلشمنٹ مخالف بیانیہ اختیار کیا۔

پاکستان میں پھر انتخابات ہونے والے ہیں۔ نواز شریف کے بعد مسلم لیگ ن کی قیادت ان کے بھائی شہباز شریف کر رہے ہیں۔ نواز شریف، مریم نواز اور کیپٹن صفدر کو سزائیں ہو چکی ہیں۔ بظاہر مسلم لیگ نون اسٹیبلشمنٹ اور عدلیہ کی جانب سے دباؤ کا شکار ہے۔ عمران خان کو امید ہے کہ اس مرتبہ ان کی جماعت جیتنے میں کامیاب رہے گی۔ پیپلز پارٹی بلاول بھٹو کو عملی سیاست میں اتار چکی ہے۔ انتخابات کا انعقاد 25 جولائی کو ہو گا۔