ٹیکنالوجی آؤٹیج کا سب سے بڑا شکار فضائی سفر کا شعبہ بنا ہے، جہاں مختلف فضائی کمپنیوں نے جمعے کو ہزاروں پروازیں منسوخ کر دیں اور اب ان کے جہاز اور عملہ واپس مقررہ جگہوں پر لایا جا رہا ہے۔ ٹیکنالوجی بندش کی وجہ سے ہوائی اڈوں کو بھی اس وقت چیکنگ اور سکیورٹی کے عمل میں مشکلات کا سامنا ہے۔

جرمنی مصنوعی ذہانت کی دوڑ میں پیچھے کیوں؟

مستقبل کا انٹرنیٹ کون تشکیل دے گا؟

ٹیکنالوجی کی بندش کراؤڈ اسٹرایک کی سرگرمیاں میں تعطل سے شروع ہوئی۔ یہ کمپنی اپنے سافٹ وئیر کے ذریعے مختلف کمپنیوں کو سکیورٹی فراہم کرتی ہے۔ کمپنی کا کہنا ہے کہ معاملہ تب شروع ہوا، جب کمپنی ایک نقص کا حامل ایپ ڈیٹ استعمال کیا۔ اس کمپنی کا کہنا ہے کہ یہ معاملہ سراسر سسٹم آؤٹیج کا ہے اور اس میں کسی بھی طرح کا کوئی سائبر حملہ یا سکیورٹی مسئلے شامل نہیں ہے۔

یورپی ہوائی اڈے بحالی کی جانب گامزن

یورپ کا سب سے مصروف ہوائی اڈا ہیتھرو ہفتے کے روز اب بالکل معمول کے مطابق کام کر رہا ہے۔ اس ہوائی اڈے کے مطابق تمام نظام اور بیک اپ فعال ہیں اور مسافر بغیر کسی رکاوٹ کے سفر کر پا رہے ہے۔

 جمعے کے روز برطانیہ کے مختلف ہوائی اڈوں سے ایک سو سڑسٹھ پروازیں منسوخ ہوئی تھیں جب کہ برطانیہ آنے والی ایک سو اکہتر پروازوں کی  لینڈنگ سے روک دی گئی تھیں۔

دوسری جانب جرمن دارالحکومت برلن میں بھی اب پروازیں تقریباﹰ معمول کے مطابق اڑ رہی ہیں۔ ہفتے کی علی الصبح حکام کی جانب سے رات میں پرواز پر عائد پابندی سے استثناء دیا، تو انیس فلائیٹس نے پرواز بھری۔ جمعے کو برلن سے پرواز کرنے اور اترنے والی مجموعی طور پر پانچ سو باون پروازوں میں سے ایک سو پچاس منسوخ کر دی گئی تھیں۔ اب ایک مرتبہ پھر پروازوں کو معمول کے مطابق روانہ کیا جا رہا ہے۔

ادھر جرمنی میں شیلسوِیگ ہولشٹائن یونیورسٹی ہسپتال ، جہاں  گذشتہ روز ایک طرح سے  جراحی کا تمام عمل  روک دیا گیا تھا، اب دوبارہ دھیرے دھیرے معمول کی جانب لوٹ رہا ہے۔

ع ت، ش ر (اے پی)