عالمی کپ فٹبال، سب سے زیادہ فیورٹ برازیل پریشان
18 جون 2014![](https://static.dw.com/image/17716203_800.webp)
خبر رساں ادارے ایسوسی ایٹڈ پریس کے مطابق جب یہ ٹورنامنٹ شروع ہوا، تو کہا جا رہا تھا کہ اس بار یہ عالمی کپ یا تو برازیل جیت جائے گا یہ دفاع چیمیئن سپین، تاہم اپنے پہلے ہی میچ میں ہالینڈ سے ایک کے مقابلے میں پانچ گول کی تاریخی شکست کھانے کے بعد برازیل کو ’ہاٹ فیورٹ‘ قرار دیا جا رہا تھا۔ تاہم گروپ اے میں میکسیکو کے مقابلے میں اپنے میچ میں برازیل کی ٹیم کوئی خاص کارکردگی نہ دکھا سکی اس کے برعکس میکسیکو کی ٹیم نے نہایت عمدہ کھیل کا مظاہرہ کیا۔ یہ پہلا موقع تھا کہ برازیل اور میکسیکو کی ٹیمیں ورلڈ کپ میں مدمقابل آئیں اور برازیل میکسیکو کو شکست دینے میں ناکام رہا۔
ادھر ایک اور میچ میں بیلجیئم نے الجزائر کی ٹیم کو نہایت سخت مقابلے کے بعد ایک کے مقابلے میں دو گول سے شکست دے دی۔ اس میچ کے آغاز میں ڈی میں فاؤل پر الجزائر کو پنیلٹی کک مل گئی تھی، جسے اس نے باآسانی گول میں تبدیل کر کے برتری حاصل کی، تاہم بیلجیئم کی ٹیم نے نہ صرف یہ برتری ختم کی بلکہ میچ کے اختتام سے تقریباﹰ دس منٹ قبل ایک نہایت خوبصورت گول کر کے نتیجے کو اپنی جیت میں بدل دیا۔
منگل کے روز آخری میچ روس اور جنوبی کوریا کے درمیان کھیلا گیا۔ اس میچ کی خاص بات یہ تھی کہ دونوں ٹیموں نے ایک دوسرے کے گول پر تابڑ توڑ حملے کیے، تاہم یہ میچ بھی برابری کے نتیجے پر ختم ہوا۔ اس میچ میں جنوبی کوریا نے ایک گول کر کے برتری حاصل کر لی تھی اور ایک موقع پر لگ رہا تھا، جیسے وہ یہ میچ جیت جائے گی، تاہم روس نے یہ برتری ختم کرنے میں کامیاب رہا اور مقابلہ ایک ایک گول سے برابر ہو گیا۔
چھٹے دن کے اختتام پر اس ورلڈ کپ میں شریک تمام 32 ٹیمیں کم از کم ایک میچ کھیل چکی ہیں ، تاہم اب تک سپین کے خلاف پانچ ایک سے کامیابی حاصل کرنے والی ڈچ ٹیم اور پرتگال کے خلاف چار صفر سے مقابلہ اپنے نام کرنے والی جرمن ٹیم اس ورلڈ کپ کے لیے فیورٹ قرار دی جا رہی ہیں۔