پاکستانی سپریم کورٹ نے سوشل میڈیا ماڈل نقیب محسود کے ماورائے عدالت قتل کے ملزم معطّل پولیس افسر راؤ انوار عدالت میں پیش ہو گئے۔ عدالتی پیشی پر سپریم کورٹ کے حکم پر راؤ انوار کو حراست میں لے لیا گیا ہے۔
تصویر: picture-alliance/AP Photo/B.K. Bangash
اشتہار
معطّل ایس ایس پی ملیر راؤ انوار بدھ کے روز سپریم کورٹ میں پیش ہوئے۔ اس سے قبل گزشتہ کئی ہفتوں سے عدالت انہیں گرفتار کرنے اور عدالت میں پیش ہونے کے احکامات دی رہی تھی، تاہم راؤ انوار روپوش تھے۔
کس ملک کے لوگ ہیں سب سے خوش ؟
انتہائی سرد موسم کے باوجود فن لینڈ دنیا کا سب سے خوش ملک ہے۔ برونڈی ، یمن، تنزانیہ، وسطی افریقی ریاست اور جنوبی سوڈان سب سے ناآسودہ ممالک ہیں۔
تصویر: Bulbulik Heritage Centre Gulmit
فن لینڈ سب سے آسودہ اور خوش ملک
اقوام متحدہ کی جانب سے جاری رپورٹ کے مطابق 156 ممالک میں فن لینڈ سب سے آسودہ اور خوش ملک ہے۔ ناروے، ڈنمارک، آئس لینڈ اور سوئٹزرلینڈ کا شمار پہلے پانچ خوش ترین ممالک میں ہوتا ہے۔ اس رپورٹ کو آزادی، بد عنوانی، طویل عمر اور سماجی تعاون کی بنیاد پر مرتب کیا گیا ہے۔
تصویر: picture-alliance/robertharding/R. Moiola
خوش تارکین وطن
اس سال رپورٹ میں مختلف ممالک کو وہاں آباد تارکین وطن کی صورتحال سے بھی ناپا گیا ہے۔ اور اس لحاظ سے بھی فن لینڈ نمبر ایک کی پوزیشن پر ہے۔ یہاں تیس لاکھ غیر ملکی افراد رہائش پذیر ہیں۔
جرمنی میں گزشتہ دو سے تین برسوں میں کئی لاکھ مہاجرین آباد ہوئے ہیں لیکن اس تناظر میں جرمنی رینکنگ میں 28 ویں نمبر پر آتا ہے۔ مجموعی طور پر جرمنی پندہویں نمبر پر ہے، امریکا اٹھارویں اور برطانیہ انیسویں نمبر پر ہے۔
تصویر: Getty Images/S. Gallup
امریکی عوام نا خوش
امریکا اس انڈیکس میں شامل پہلے دس ممالک میں کبھی شامل نہیں ہو سکا۔ اس سال وہ گزشتہ برس کے مقابلے میں چار پوزیشنز مزید نیچے آگیا ہے۔ امریکا کے ایک اقتصادی ماہر جیفری ساکس کے مطابق امریکا موٹاپے کی وبا، ڈپریشن کا عدم علاج اور منشیات کے استعمال کے باعث مسلسل مسرت کے انڈیکس میں زوال پذیر ہے۔
تصویر: Reuters/J. Roberts
نارڈک ممالک سب سے خوش
2012 سے اب تک یورپ کے نارڈک ممالک خوشی کے انڈیکس میں ٹاپ پوزیشنوں پر رہتے ہیں۔ 2016 میں ڈنمارک کو دنیا کا سب سے خوش ملک قرار دیا گیا تھا۔
تصویر: picture-alliance/dpa/R.Moiola
پاکستان کس نمبر پر ؟
سارک ممالک میں پاکستان اس انڈیکس میں 75 ویں نمبر پر ہے، نیپال 101ویں، بھوٹان 97 ویں، بنگلہ دیش 115 ویں ، سر لنکا 116 ویں، چین 86 ویں نمبر اور بھارت 133 ویں نمبر پر رہا۔
راؤ انوار کو 27 سالہ نقیب محسود کو ماورائے عدالت قتل کرنے کے مقدمے کے بعد ایس ایس پی ملیر کے عہدے سے ہٹا دیا گیا تھا، جب کہ راؤ انوار روپوش ہو گئے تھے۔ 13 جنوری کو ایک مبینہ جعلی پولیس مقابلے میں نقیب محسود کو قتل کر دیا گیا تھا، جس کے بعد ملک کے متعدد علاقوں میں مظاہرے شروع ہو گئے۔
پاکستانی چیف جسٹس ثاقب نثار نے اس معاملے کے ازخود نوٹس کے تحت چلنے والے مقدمے کی کارروائی اس وقت عارضی طور پر معطّل کی، جب راؤ انوار پولیس کی بھاری نفری کے ساتھ عدالت پہنچے۔
عدالتی بینچ کے سامنے پیشی پر راؤ انوار کے وکیل نے ضمانت کی درخواست دی، جسے چیف جسٹس نے مسترد کرتے ہوئے انوار کو گرفتار کر لینے کے احکامات دے دیے۔
چیف جسٹس نے کہا کہ راؤ انوار سے بار بار کہا جاتا رہا ہے کہ وہ عدالت میں پیش ہوں، تاہم انہوں نے تحفظ کی یقین دہانیوں کے باوجود عدالتی احکامات نظرانداز کیے۔ مقدمے کی سماعت کے دوران چیف جسٹس نے کہا کہ اس مقدمے کی تفتیش کے لیے ایک کمیٹی تشکیل دی جا رہی ہے۔ راؤ انوار کے وکیل نے عدالت سے استدعا کی کہ تفتیشی کمیٹی میں خفیہ اداروں آئی ایس آئی اور آئی بی کے اہلکاروں کو بھی شامل کیا جائے، کیوں کہ انہیں سندھ پولیس پر اعتماد نہیں ہے۔
یہ بات اہم ہے کہ سوشل میڈیا ماڈل نقیب اللہ محسود کے قتل کے بعد ملک کے مختلف حصوں میں بڑے عوامی مظاہرے شروع ہو گئے تھے، جن میں ملک میں ماورائے عدالت قتل اور جعلی پولیس مقابلے پر تنقید کی جا رہی تھی۔
