ٹیگوہ آسٹینرک کو ’’اسکلپچر بیونڈ باؤنڈریز‘‘ یا سرحدوں سے ماورا سنگ تراشی نامی اپنے آرٹ ورک کے لیے مناسب جگہ تلاش کرنے میں 27 برس کا طویل انتظار کرنا پڑا۔ انڈونیشیا سے تعلق رکھنے والے اس پینٹر نے اپنے اس پراجیکٹ کی نمائش کے لیے جکارتہ کے کالیجوڈو پبلک پارک کو منتخب کیا۔

آسٹینرک 1988ء میں انڈونیشیا واپس لوٹنے سے قبل 10 برس تک برلن کے مغربی حصے میں رہائش پذیر رہے تھے۔ جرمن کے اتحاد کے دو ہفتے بعد وہ دوبارہ جرمنی گئے تاکہ تاریخ کے ایک حصے کو خرید سکیں۔ انہوں نے دیوار برلن کے چار حصے خریدے اور انہیں 1990ء میں جکارتہ لے آئے۔

جب آسٹینرک برلن میں تعلیم حاصل کرنے کے بعد انڈونیشیا واپس آئے تو انہوں نے محسوس کیا کہ ان کا ملک نسلی اور مذہبی حوالوں سے تقسیم کا شکار ہے۔ انڈونیشیا کے قبائل کے حوالے سے گفتگو کرتے ہوئے آسٹینرک کا کہنا تھا، ’’ہمارے ملک میں جیوانی اور سوڈانی لوگوں کے درمیان ایک غیر مرئی دیوار ہے۔ باتاک لوگوں کے لیے بھی ’دیوار برلن‘ موجود ہے۔‘‘

آسٹینرک نے آرٹس کی تعلیم جرمنی سے حاصل کی۔ 1980ء کی دہائی میں برلن میں اپنی رہائش کے دوران وہ دیوار برلن پر اکثر گرافٹی بنایا کرتے تھے۔ جرمنی سے انڈونیشیا لائے گئے دیوار برلن کے ان چار بڑے حصوں پر الفاظ اور تصاویر کا ایک خوشگوار امتزاج موجود ہے اور یہ بچوں کے اس پارک کے حوالے سے بالکل موزوں رکھتا ہے۔

برلن میں موجود اصل دیوار کی شکل میں ان حصوں کو جوڑنے کی بجائے آسٹینرک نے ان کے ارد گرد اسٹیل کے 14 مجسمے رکھے ہیں۔ یہ مجسمے ایک آئرن مین یا لوہے سے بنے ایک شخص کی نمائندگی کرتے ہیں، جو اس آرٹسٹ کے مطابق ایک انسانی روح کی طرح ہے۔ آسٹینرک کے مطابق، ’’انسانی روح اسی قدر مضبوط ہے جتنا لوہا اور ہم اپنے درمیان موجود اس دیوار کو گرا سکتے ہیں جو تقسیم کرتی ہے۔‘‘

’’اسکلپچر بیونڈ باؤنڈریز‘‘ کا افتتاح رواں برس تین اکتوبر کو کیا گیا تھا۔ یہ وہی تاریخ تھی جب دیوار برلن گرائی گئی تھی۔

کئی ملین کی آبادی والا شہر لاگوس 1991ء تک نائجیریا کا دارالحکومت تھا۔ لیکن اس شہر کی آبادی اس کی بساط سے بہت زیادہ ہو چکی ہے، وہاں کا ماحول بہت گرم اور حبس کا شکار ہے اور ٹریفک کا نظام تو ’قاتلانہ‘ قرار دیا جاتا ہے۔ نیا دارالحکومت آبوجہ، دائیں، لاگوس سے 300 کلومیٹر دور اور کافی اونچائی پر واقع ہے، جہاں آب و ہوا بھی بہت بہتر ہے۔

انیسویں صدی میں آسٹریلیا کے دو سب سے بڑے شہروں سڈنی اور میلبورن کے درمیان مقابلہ اس بارے میں تھا کہ ملکی دارالحکومت کس شہر کو ہونا چاہیے۔ لیکن حکومت نے اس مسئلے کا ایک مصالحتی حل نکالا تھا اور ملک کے جنوب مشرق میں واقع کینبرا کو نیا دارالحکومت بنانے کا فیصلہ کیا گیا تھا۔ کینبرا سڈنی اور میلبورن کے تقریباﹰ درمیان میں واقع ہے۔

داخلی سطح پر طویل مذاکرات کے بعد 1960ء میں برازیلیہ، تصویر میں دائیں، کو ریو ڈی جنیرو کے بجائے برازیل کا نیا دارالحکومت بنانے کا فیصلہ کیا گیا تھا۔ اس فیصلے کی وجہ بھی یہی تھی کہ ریو کی آبادی بہت زیادہ ہو چکی تھی اور یہ شہر ملک کے بالکل ایک سرے پر واقع تھا۔ یہ منصوبہ اتنا کامیاب رہا تھا کہ اسے بعد میں کئی دیگر ممالک نے اپنے اپنے دارالحکومت دوسرے شہروں میں منتقل کرنے کے لیے ایک مثال بنا لیا تھا۔

2005ء میں میانمار کا دارالحکومت ینگون سے ملک کے وسطی حصے میں واقع نیپیادیو میں منتقل کر دیا گیا تھا۔ یوں فوجی حکمرانوں نے بھی اس ملک میں ہر دور میں نئے دارالحکومت کی بنیاد رکھنے کی روایت جاری رکھی۔ یہ شہر بہت بڑا ہے، رقبے میں فرانسیسی دارالحکومت پیرس سے 70 گنا بڑا۔ وہاں کسی ایک سرکاری محکمے کی عمارت سے دوسری میں جانے کے لیے کبھی کبھی تو بالکل خالی سڑکوں پر تقریباﹰ آدھ گھنٹے تک سفر کرنا پڑتا ہے۔

1959ء میں پاکستانی حکومت نے فیصلہ کیا کہ دارالحکومت کراچی، بائیں، سے اسلام آباد، دائیں، منتقل کر دیا جائے گا۔ اس کا ایک مقصد کراچی کے امیر طبقے کا ملکی سیاست پر اثر کم کرنا بھی تھا۔ اسلام آباد راولپنڈی کے قریب ایک جڑواں شہر کے طور پر بسایا گیا، جہاں ملکی فوج کے جنرل ہیڈکوارٹرز بھی ہیں جبکہ پاکستان اور بھارت کے درمیان کشمیر کا متنازعہ اور منقسم خطہ بھی اسلام آباد سے زیادہ دور نہیں ہے۔

آستانہ، دائیں، بھی باقاعدہ منصوبہ بندی کے تحت آباد کیا گیا تھا۔ اہم کاروباری مرکز الماتی، بائیں، سے دارالحکومت کی آستانہ منتقلی 1997ء میں عمل میں آئی اور اس شہر کا فیوچرسٹ نقشہ جاپانی ماہر تعمیرات کیشو کُوروکاوا نے تیار کیا تھا۔ 2019ء میں اس شہر کا نام بدل کر نور سلطان رکھ دیا گیا، جس کا مقصد سابق سربراہ مملکت اور طویل عرصے تک اقتدار میں رہنے والے صدر نور سلطان نذربائیف کے لیے اظہار عقیدت تھا۔

بالشویک انقلاب کے نتیجے میں (سابق) سوویت یونین کے قیام کے بعد 1918ء میں روسی دارالحکومت بھی سینٹ پیٹرزبرگ سے ماسکو منتقل کر دیا گیا تھا۔ ماسکو اس سے بہت پہلے کے دور میں بھی روس کا دارالحکومت رہا تھا لیکن پھر زار پیٹر اعظم نے اپنی ریاست کا دارالحکومت ماسکو کے بجائے سینٹ پیٹرزبرگ کو بنا لیا تھا۔

دوسری عالمی جنگ کے بعد جرمنی تقسیم ہو گیا تھا۔ مغربی جرمن ریاست کا دارالحکومت بون، بائیں، تھا اور برلن، دائیں، مشرقی حصے پر مشتمل جرمن ڈیموکریٹک ریپبلک کا دارالحکومت۔ لیکن مغربی حصے پر مشتمل وفاقی جرمن ریاست کے آئین میں لکھا گیا تھا کہ جرمنی کا دوبارہ اتحاد ہوا، تو دارالحکومت پھر برلن ہی ہو گا۔ اسی لیے 1990ء میں دونوں جرمن ریاستوں کے اتحاد کے بعد متحدہ جرمنی کا دارالحکومت ایک بار پھر برلن ہی بنا۔