قطر دنیا میں سب سے زیادہ ’مائع قدرتی گیس‘ پیدا کرنے والا ملک ہے اور دنیا میں قدرتی گیس کے تیسرے بڑے ذخائر کا مالک ہے۔ یہ خلیجی ریاست تیل اور گیس کی دولت سے مالا مال ہے۔

یہ ملک جرمن کار ساز ادارے فوکس ویگن کمپنی کے 17 فیصد اور نیو یارک کی امپائراسٹیٹ بلڈنگ کے دس فیصد حصص کا مالک ہے۔ قطر نے گزشتہ چند برسوں میں برطانیہ میں 40 ارب پاؤنڈز کی سرمایہ کاری کی ہے جس میں برطانیہ کے نامور اسٹورز ’ہیروڈز‘ اور ’سینز بری‘کی خریداری بھی شامل ہے

قطر نے سوڈان حکومت اور دارفور قبائل کے درمیان کئی دہائیوں سے جاری کشیدگی ختم کرانے میں ثالث کا کردار ادا کیا تھا۔ اس کے علاوہ فلسطینی دھڑوں الفتح اور حماس کے درمیان مفاہمت اور افغان طالبان سے امن مذاکرات کے قیام میں بھی قطر کا کردار اہم رہا ہے۔

دوحہ حکومت نے سن انیس سو چھیانوے میں ’الجزیرہ‘ کے نام سے ایک ٹیلی ویژن نیٹ ورک بنایا جس نے عرب دنیا میں خبروں کی کوریج اور نشریات کے انداز کو بدل کر رکھ دیا۔ آج الجزیرہ نیٹ ورک نہ صرف عرب خطے میں بلکہ دنیا بھر میں اپنی ساکھ بنا چکا ہے۔

قطر کی سرکاری ایئر لائن ’قطر ایئر ویز‘ دنیا کی بہترین ایئر لائنز میں شمار ہوتی ہے۔ اس کے پاس 192 طیارے ہیں اور یہ دنیا کے ایک سو اکیاون شہروں میں فعال ہے۔

سن 2022 میں فٹ بال ورلڈ کپ کے مقابلے قطر میں منعقد کیے جائیں گے۔ یہ عرب دنیا کا پہلا ملک ہے جو فٹ بال کے عالمی کپ کی میزبانی کر رہا ہے۔ یہ خلیجی ریاست فٹ بال کپ کے موقع پر بنیادی ڈھانے کی تعمیر پر 177.9 ارب یورو کی سرمایہ کاری کر رہی ہے۔

قطر کی کُل آبادی چوبیس لاکھ ہے جس میں سے نوے فیصد آبادی غیرملکیوں پر مشتمل ہے۔ تیل جیسے قدرتی وسائل سے مالا مال خلیجی ریاست قطر میں سالانہ فی کس آمدنی لگ بھگ ایک لاکھ تئیس ہزار یورو ہے۔

اس ملک کے انتظامی امور سن 1971 تک برطانیہ کے ماتحت رہے۔ برطانیہ کے زیر انتظام رہنے کی کُل مدت 55 برس تھی۔ تاہم سن 1971 میں قطر نے متحدہ عرب امارات کا حصہ بننے سے انکار کر دیا اور ایک خود مختار ملک کے طور پر ابھرا۔

قطر میں انیسویں صدی سے بادشاہی نطام رائج ہے اور تب سے ہی یہاں الثانی خاندان بر سراقتدار ہے۔ قطر کے حالیہ امیر، شیخ تمیم بن حماد الثانی نے سن 2013 میں ملک کی قیادت اُس وقت سنبھالی تھی جب اُن کے والد شیخ حماد بن خلیفہ الثانی اپنے عہدے سے دستبردار ہو گئے تھے۔

مراکش کے شہری شادی کے موقع پر اپنا روایتی لباس پہننے کو ترجیح دیتے ہیں۔ یہ تصویر شاہ محمد چہارم کی شادی کی ہے، جنہوں نے مراکشی جلبہ پہن رکھا ہے۔ ان کی دلہن لالہ سلمیٰ کے لباس کو القفطان کہا جاتا ہے۔

تیونس کا شمار ایسے عرب ملکوں میں ہوتا ہے، جہاں شادی کا جشن انتہائی دھوم دھام سے منایا جاتا ہے۔ سب سے زیادہ توجہ دلہن کے عروسی لباس پر دی جاتی ہے۔

لیبیا کے باشندے شادی کے موقع پر اپنے اجداد کی مانند روایتی لباس پہنتے ہیں۔ لباس پر توجہ دینے کے ساتھ ساتھ دلہن کے لیے سونے کے زیورات بھی انتہائی اہم سمجھے جاتے ہیں۔

کچھ عرب ممالک میں شادیوں کے موقع پر روایتی اور مغربی لباس ایک ساتھ دکھائی دیتے ہیں، جیسا کہ اردن میں۔ اس تصویر میں دلہا اور دلہن مغربی لباس پہنے ہوئے ہیں لیکن ان کے اوپر انہوں نے روایتی ملبوس بھی اوڑھ رکھے ہیں۔

فلسطینی شہری شادی کے موقع پر مغربی لباس پہننے کو ترجیح دیتے ہیں۔ لیکن اس موقع پر بھی وہ اپنی فلسطینی شناخت ضرور ظاہر کرتے ہیں۔ جیسے کہ اس تصویر میں دلہن نے پھولوں کے گلدستے کے بجائے ایک فلسطینی علامت تھام رکھی ہے۔ فلسطینی پرچم کو بھی شادیوں میں بہت نمایاں رکھا جاتا ہے۔

یمن میں ہونے والی شادیوں میں دلہن کے روایتی لباس القنبع کو مرکزی حیثیت حاصل ہوتی ہے۔ عروسی لباس میں سنہرا، گلابی، سرخ اور کئی دیگر شوخ رنگ ہوتے ہیں اور اس لباس پر کشیدہ کاری بھی کی گئی ہوتی ہے۔

مختلف عرب ممالک میں شادیوں سے متعلق رسم و رواج تو مختلف ہیں ہی، لیکن شادی کا طریقہ کار اور قوانین بھی مختلف ہیں۔ کچھ ممالک میں نکاح خواں کی طرف سے نکاح پڑھا دینا ہی کافی ہوتا ہے تو دیگر ممالک میں کوئی بھی شادی صرف متعلقہ سرکاری محکمے کے کسی اہلکار کی موجودگی اور نگرانی ہی میں ہو سکتی ہے۔

یوں تو زیوارت کے حوالے سے بھی عرب ممالک میں مختلف رجحانات پائے جاتے ہیں لیکن عام طور پر کسی بھی عرب ملک کی دلہن ہیرے کی انگوٹھی ملنے پر بہت خوش ہوتی ہے۔

کئی عرب ممالک میں سونے کے زیورات بھی بہت اہمیت کے حامل ہوتے ہیں۔ لڑکا اور اس کے اہل خانہ اگر سونے سے بنا بہت سا زیور لے کر رشتہ مانگنے جائے تو دلہن کے گھر والے اکثر باآسانی رشتے طے کرنے پر رضا مند ہو جاتے ہیں۔

بیشتر عرب ممالک میں بھی پاکستان اور بھارت کی طرح شادی کے دن سے پہلے ہی دلہن کے ہاتھ حنا سے رنگ دیے جاتے ہیں۔

عرب ممالک میں شادی کا کوئی جشن ہو تو ممکن ہی نہیں کہ رقص و موسیقی کا اہتمام نہ کیا گیا ہو۔ زیادہ تر ممالک میں مقامی روایتی موسیقی اور رقص کو ترجیح دی جاتی ہے۔ یہ تصویر مراکش میں ایک شادی کی تقریب کی ہے، جس میں روایتی ساز بجائے جا رہے ہیں۔

مصر جیسے چند عرب ممالک میں پیشہ ور رقاصاؤں کو بھی شادی کی تقریبات میں بلایا جاتا ہے، جن کے رقص سے شرکاء لطف لیتے ہیں۔

شادی کی تقریب میں کیک کا کاٹا جانا یوں تو ایک مغربی روایت ہے لیکن اب اکثر عرب ممالک میں بھی شادی کی کسی تقریب میں جب تک دلہا اور دلہن ایک دوسرے کا ہاتھ تھام کر کیک نہ کاٹیں، ایسی کوئی تقریب ادھوری ہی سمجھی جاتی ہے۔

عرب ممالک میں بھی شادی کی تقریب میں شریک مہمانوں کے لیے کھانے کا اہتمام ضروری سمجھا جاتا ہے۔ الجزائر، تیونس اور مراکش جیسے مغربی افریقی ممالک میں کسکُس کی روایتی ڈش شادیوں کی تقریبات میں ضرور رکھی جاتی ہے۔

بیشتر عرب ممالک میں بقلاوہ اور مقامی مٹھائیاں بھی شادی کی تقریبات میں لازمی طور پر رکھی جاتی ہیں۔