ڈی ینگ میوزیم میں رکھے گئے مسلم پہناوے جدیدیت اور شائستگی کے عناصر کے حامل خیال کیے گئے ہیں۔ مسلم ممالک میں مروج جدید فیشن کے ملبوسات ریشمی اور کرسٹل سے مزین ہیں۔ اس تصویر میں پہناوے کی ڈیزائننگ ملائیشیا کے فیشن ڈیزائنر برنارڈ چندرن نے کی ہے۔ چندرن ملائیشیا کی اشرفیہ میں ایک مقبول ڈیزائنر ہیں۔

ملائیشیا ہی کے ڈیان پیلانگی نے بھی اپنے فیشن ملبوسات کو مغرب میں متعارف کرایا ہے۔ اس نوجوان ڈیزائنر کے ملبوسات کو پہن کر لندن، میلان اور نیو یارک کے فیشن شوز میں مرد اور خواتین ماڈل کیٹ واک کر چکے ہیں۔

ڈی ینگ میوزیم کا فیشن شو اصل میں ’اسلام سے خوف‘ سے جڑا ہوا ہے۔ ایک جیکٹ پر امریکی دستور کی پہلی شق کو عربی میں ترجمے کے ساتھ چسپاں کیا گیا ہے۔ امریکی آئین کی یہ شق آزادئ مذہب کی ضامن ہے۔ یہ جیکٹ لبنانی ڈیزائنر سیلین سیمعن ورنون کی کاوش ہے۔ یہ لبنانی فیشن ڈیزائنر سن انیس سو اسّی کی دہائی میں کینیڈا بطور مہاجر پہنچی تھیں لیکن بعد میں وہ امریکا منتقل ہو گئی تھیں۔

سیلین سیمعن نے اپنے ڈیزائن کردہ ملبوسات کو عصری سیاسی رویوں سے مزین کیا ہے۔ انہوں نے ’بین‘ یعنی پابندی کے لفظ کو اپنے سکارف پر واضح انداز میں استعمال کیا ہے۔ چند اسکارفس پر ایسے ممالک کی سیٹلائٹ تصاویر پرنٹ ہیں، جو امریکی صدر ٹرمپ کی عائد کردہ پابندی سے متاثر ہوئے۔ اس تصویر میں نظر آنے والی ماڈل ایرانی نژاد امریکی شہری ہُدیٰ کاتبی ہیں۔

اس نمائش میں ملبوسات، جیکٹس اور اسکارفس کے علاوہ اسپورٹس فیشن سے جڑے لباس بھی رکھے گئے ہیں۔ ان میں نائکی کا حجاب اور احدہ زانیٹی کی متنازعہ برکینی بھی شامل ہیں۔ اس برکینی کو سن 2016 میں فرانس میں عبوری مدت کے لیے پابندی کا سامنا بھی کرنا پڑا تھا۔

ڈی ینگ میوزیم کے نمائشی ہال کو مشہور تعمیراتی فرم حریری اینڈ حریری نے ڈیزائن کیا ہے۔ یہ تعمیراتی فرم دو ایرانی نژاد امریکی بہنوں کی ہے۔ نمائش دیکھنے والے اس ہال کے سحر میں مبتلا ہو جاتے ہیں۔ یہ نمائش فرینکفرٹ اور میلان میں بھی کی جائے گی۔

اس نمائش کو مسلم دنیا کے درجنوں بلاگرز، فیشن جریدوں اور سرگرم کارکنوں سے معنون کیا گیا ہے۔ اس نمائش میں جدید عصری مسلم دنیا کے فیشن ملبوسات کے کئی پہلوؤں کو سمو دیا گیا ہے۔ سان فرانسسکو میں یہ نمائش اگلے برس چھ جنوری تک جاری رہے گی۔

لندن فیشن ویک کے دوران ہاؤس آف آئکن کے ایک شو میں پاکستانی بہنوں کے فیشن برینڈ SHENANNZ کی نئی کلیکشن کو متعارف کروایا گیا۔ شینیلا علی کراچی میں رہتی ہیں لیکن انیلا حسین سوئٹزرلینڈ میں مقیم ہیں ہے۔ تاہم یہ برینڈ لندن، جنیوا اور کراچی میں موجود ہے۔

SHENANNZ برینڈ مغربی ممالک میں مقیم سیاہ، سفید اور مسلم خواتین کو ماڈیسٹ ویئر کی جانب راغب کرنے کی کاوش ہے۔ مسلم خواتین اس متبادل فیشن اسٹائل سے مغربی معاشرے میں کسی سے پیچھے نہیں رہیں گی۔ شہنیلا اور انیلا کا کہنا ہے کہ ان کے ڈیزائن کردہ ملبوسات مسلم خواتین کو ایک منفرد انتخاب فراہم کرتے ہیں جو کہ جدید اور روایتی فیشن کا میلاپ ہے۔

نت نئے فیشن کی تشہیر کرنے والی ماڈلز برطانوی، سوئس اور پاکستانی فیشن برینڈ SHENANNZ کے دلکش ملبوسات زیب تن کیے لندن فیشن ویک کی ریمپ پر جلوے دکھاتی نظر آئیں۔

’ماڈیسٹ ویئر‘ کے عنوان سے منعقد کیے گئے اس فیشن شو میں شینانزکے حجاب کلیکشن بھی پیش کیے گئے۔

ہاؤس آف آئکن ابھرتے ہوئے فیشن ڈیزائنر کو پلیٹ فارم مہیا کرتا ہے۔ شہنیلا علی اور انیلا حسین کا کہنا ہے کہ لندن فیشن ویک میں انہوں نے مشرق اور مغرب میں پہنے جانے ملبوسات کا امتزاج تخلیق کرنے کی کوشش کی ہے۔

ہاؤس آف آئکن کے اس فیشن شو کا مرکزی عنوان 'Grandeur of Sophia' تھا۔ جس کا مقصد تمام شعبہ جات میں صنفی مساوات کو فروغ دینا ہے۔

انیلا حسین نے ڈی ڈبلیو کو بتایا کہ SHENANNZ برینڈ کا مقصد فیشن صنعت کے ذریعے سماجی مساحل پر کام کرنا ہے۔ اس برینڈ کی آمدنی سے بچوں کی تعلیم اورخواتین کو خود مختار بنانے پر کام کیا جاتا ہے۔

انیلا اور شہنیلا اپنے تخلیق کردہ ملبوسات سے ان خواتین کو متاثر کرنا چاہتی ہیں جو شاید خواب تو دیکھتی ہیں مگر ان کی تعبیر کے لیے جدوجہد سے گریز کرتی ہیں۔