دولاکھ بیس ہزار اسکولوں کے باوجود پاکستان میں 20 ملین بچے اسکول نہیں جاتے۔ نیوز ایجنسی روئٹرز کے مطابق سن 2010 سے ہر سال حکومت تعلیم کے بجٹ میں سالانہ15 فیصد اضافہ کر رہی ہے لیکن اب بھی بہت کچھ ہونا باقی ہے۔

اقوام متحدہ کے مطابق پاکستان اپنے موجودہ بجٹ میں تعلیم پر 2.6 فیصد خرچ کر رہا ہے جو کہ لگ بھگ 8 ارب ڈالر کی رقم بنتی ہے۔

دو چھوٹے بچے مری شہر کے ایک مدرسے میں قرآن پڑھ رہے ہیں۔ پاکستان کے بہت سے غریب بچوں کے لیے مدارس روایتی تعلیمی نظام کا ایک متبادل ہیں۔

پرائیویٹ اسکولوں کے اساتذہ کا کہنا ہے کہ ملک میں تعلیمی مسائل پیسے کی کمی کی وجہ سے نہیں بلکہ اچھے اساتذہ کی کمی کی وجہ سے ہے۔ مشعل اسکولز کی بانی زیبا حسین کا کہنا ہے،’’ اسکولوں کی تعداد اہم نہیں ہے بلکہ معیار اور رویے اہم ہیں۔‘‘

تعلیم کے وفاقی ڈائریکٹر طارق مسعود کا کہنا ہے کہ اساتذہ پر الزام عائد کرنا درست نہیں ہے۔ ان کی نظر میں بڑھتی آبادی اور سرمایے کی کمی سرکاری اسکولوں کے لیے سب سے بڑے چیلنج ہیں۔ انہوں نے روئٹرز کو بتایا،’’ کوئی بھی فرد سرکاری نظام کا حصہ بن ہی نہیں سکتا اگر وہ تعلیم یافتہ اور قابل نہ ہو۔ لیکن پرائیویٹ سیکٹر میں اس حوالے سے زیادہ سختی نہیں ہے۔‘‘

پاکستان میں زیادہ تر مدرسے حکومتی نگرانی کے بغیر چلتے ہیں اور کچھ مدرسوں پر انتہائی سخت تشریحات کے حامل اسلام کی ترویج کی جاتی ہے۔ مری کے النادوا مدرسے کے عرفان شیر کا کہنا ہے،’’ اکثر لوگ اس لیے بچوں کو مدرسوں میں داخل کراتے ہیں کیوں کہ وہ انہیں کھانا مہیا کرتے ہیں اور رہنے کے لیے جگہ دیتے ہیں۔‘‘

پاکستان میں ہر سال جشن آزادی منانے والے شہریوں میں اکثریتی آبادی کے ساتھ ساتھ تمام اقلیتیں بھی شامل ہوتی ہیں۔ کوئی بھی شہری چاہے وہ مسلم، ہندو، مسیحی یا سکھ ہو، کسی دوسرے سے کم نہیں۔ اسلام آباد میں لی گئی اس تصویر کی ایک خاص بات تو سٹال کے مالک کی حب الوطنی کی مظہر سبز سفید پگڑی ہے اور دوسری وہ مسکراہٹ جو اس کے ہم وطن ایک مسلم گاہک کے چہرے پر قومی پرچم خریدتے ہوئے دیکھی جا سکتی ہے۔

اگست کے شروع کے دو ہفتوں کے دوران پاکستان میں ہر سال قومی پرچم اور اس کے سبز اور سفید رنگ پورے ملک میں سب سے زیادہ نظر آنے والے رنگ بن جاتے ہیں۔ اس موقع پر گلی کوچوں، بازاروں، دکانوں، گاڑیوں اور گھروں پر، ہر جگہ سبز ہلالی پرچم لہراتا نظر آتا ہے۔ اس تصویر میں اسلام آباد کے رہائشی تین نوجوان دکھائی دے رہے ہیں، جو آپس میں دوست ہیں اور جن میں سے ہر ایک نے اپنے ہاتھ میں پاکستانی پرچم پکڑا ہوا ہے۔

راولپنڈی کے رہنے والے اس پندرہ سالہ لڑکے کا نام شکیل احمد ہے۔ اس نے ڈی ڈبلیو کو بتایا کہ وہ ہر سال یوم آزادی کا ایسے انتظار کرتا ہے، جیسے کوئی عید کا۔ شکیل نے کہا، ’’ہمارے لیے تو یہ عید ہی ہوتی ہے۔ جشنِ آزادی مناتے ہوئے ہم جھنڈے، جھنڈیاں، چھوٹے پٹاخے اور دیگرسامان بیچتے ہیں، تو ہمارے بھی چار پیسے بن جاتے ہیں۔ گھر والے بھی خوش ہو جاتے ہیں کہ جشن آزادی مناتے ہوئے کچھ آمدنی بھی ہو جاتی ہے۔‘‘

اسلام آباد میں ایک سڑک کے کنارے لگائے گئے اس عارضی سٹال پر ایک کم عمر لڑکا نظر آ رہا ہے، جو اس سٹال پر کام کرتا ہے اور باقی تین بچے وہ کم سن گاہک ہیں، جو پاکستانی پرچم کے رنگوں والے چہرے کے ماسک اور ہیٹ لینے آئے تھے۔

اسلام آباد میں نائنتھ ایوینیو پر ابنِ سینا چوک میں ایک ٹریفک سگنل کے قریب کھڑی یہ معصوم بچی تیرہ اگست کو سارا دن گرمی، دھوپ یا بارش کی پرواہ کیے بغیر وہاں سے گزرنے والے ڈرائیوروں کو چھوٹے چھوٹے قومی پرچم بیچنے کی کوشش کرتی رہی۔ اسکول کے بجائے ایک گندہ فٹ پاتھ، اس عمر میں تعلیم کے بجائے مشقت، اس بچی کا سوال ہونٹوں پر نہیں بلکہ آنکھوں میں ہے: ’’کیا کوئی قوم اپنے بچوں کی پرورش ایسے بھی کرتی ہے؟‘‘

پاکستان کے ہر چھوٹے بڑے شہر میں عام دکانداروں کے علاوہ خوانچہ فروش بھی وطن سے محبت کے اظہار میں کسی سے پیچھے نہیں۔

اس تصویر میں نظر آنے والے نوجوان کا نام حسین شاہ ہے، جس نے اگست کا مہینہ شروع ہوتے ہی مختلف سائز کے پاکستانی جھنڈے اور دوسرا سامان فروخت کرنا شروع کر دیا تھا۔ حسین شاہ نے، جس کے لہجے میں تلخی واضح تھی، بتایا، ’’ہم کون سی آزادی منائیں؟ دس سال پہلے بھی جو دال روٹی کھاتے تھے، وہی آج بھی کھا رہے ہیں۔ یہ مال فروخت کر جو تھورے سے پیسے کماتے ہیں، ان پر بھی پولیس والوں کی نظر ہوتی ہے۔‘‘

مغل تہذیب جو شاہ جہاں کے دور اقتدار میں اپنے عروج پر تھی، اس وقت کے یہ دو شاہ کارتاریخی اہمیت کے حامل ہیں۔ اس قلعے میں سنگ مرمر کے محلات اور مساجد تعمیر کی گئی ہیں۔ لاہور شہر کے شالا مار باغات میں آبشاریں بھی ہیں اور صحن بھی۔ اس مقام کو بہت سے مقامی اور بین الاقوامی سیاح دیکھنے آتے ہیں۔

موہنجوداڑو شہر کے کھنڈرات انڈس ویلی میں موجود ہیں۔ یہ 2500 سال قبل مسیح پرانا شہر ہے۔ شہر میں تعمیر کی گئی گلیاں، پانی کا نظام اور دیگر تعمیراتی شاہکار شہر کی منصوبہ بندی کے ابتدائی نظام کا ثبوت فراہم کرتے ہیں۔

ٹیکسلا میں زمانہ قبل ازمسیح کی عظیم باقیات یونیسکو کے عالمی ثقافتی ورثے کی فہرست میں شامل ہیں۔ قدیم یورپی اقوام سکندر اعظم کے ہندوستان پر حملے کے وقت سے ٹیکسلا کے نام سے واقف تھیں۔ چھ سو سال قبل از مسیح میں ٹیکسلا ایران کا ایک صوبہ تھا۔ بعد کی صدیوں میں یہ شہر کم از کم سات ادوار میں مختلف نسلوں کے شاہی خاندانوں کی حکمرانی میں رہا۔

تخت بہائی کے مقام پر بدھ مت کی تاریخی باقیات پاکستان میں گندھارا تہذیب اور بدھ مت کی تاریخ کی عکاس ہیں۔ تخت بہائی کا علاقہ خیبر پختونخواہ میں واقع ہے۔ اونچی پہاڑی پر قائم بدھ مت کی یہ باقیات، بدھ مت کی تہذیب، تاریخ اور راہب خانوں میں طرزِ رہائش کے بارے میں اہم معلومات فراہم کرتی ہیں۔ تخت بہائی کی یہ باقیات جس تاریخی راہب خانے کی ہیں، اس کا وجود پہلی صدی ایسویں کے اوائل میں عمل میں آیا تھا۔

اس قلعے کی بنیاد افغان بادشاہ فرید خان نے، جو شیر شاہ سوری کے نام سے مشہور ہوا، تقریباً پونے پانچ سو سال قبل 1542ء میں رکھی تھی۔ پتھر اور چونے سے بنائے گئے اس قلعے کی تعمیر قریب پانچ سال میں مکمل ہوئی تھی۔ بعد میں اس قلعے میں شیر شاہ سوری کے بیٹے سلیم شاہ کے دور میں توسیع بھی کی گئی تھی۔ شیر شاہ سوری نے روہتاس قلعہ گکھڑوں کے حملوں سے بچنے کے لیے فوجی حکمت عملی کے تحت تعمیر کرایا تھا۔