فرانسیسی صدارتی دفتر کی جانب سے جاری بیان کے مطابق جمعرات کو ایمانوئل ماکروں کے کورونا ٹیسٹ کا نتیجہ مثبت آیا ہے لیکن ابھی تک یہ واضح نہیں ہے کہ وہ کس جگہ وائرس کا شکار ہوئے تھے۔ صدارتی دفتر کی جانب سے جاری بیان میں کہا گیا ہے،'' ریاست کے صدر کووڈ انیس کے مرض کا شکار ہیں۔ ابتدائی علامات کے بعد ان کا پی سی آر ٹیسٹ کیا گیا تھا۔‘‘

صدر ماکروں اگلے سات دن کے لیے قرنطینہ میں چلے گئے ہیں جہاں سے وہ ملکی معاملات چلاتے رہیں گے۔ صدراتی دفتر کے ترجمان کے مطابق ان کے تمام دورے منسوخ کر دیے گئے ہیں۔

خاکوں پر مسلمانوں کا غصہ قابل فہم ہے مگر تشدد نہیں، ماکروں

نیا فرانسیسی قانون امتیازی رویے کا باعث ہو گا

اب تک یہ معلوم نہیں ہے کہ انہیں کس جگہ وائرس منتقل ہوا تھا۔ اس ماہ دس سے گیارہ دسمبر انہوں نے یورپی کونسل کی میٹنگ میں شرکت کی تھی۔ ملک کے وزیر اعظم ژان کاسٹیکس بھی ایمانوئل ماکروں کے ساتھ ملاقات کی وجہ سے  قرنطینہ میں چلے گئے ہیں۔