جرمنی کی ایک عدالت نے منگل کے روز فیصلہ سنایا کہ وفاقی حکومت کو فضائی آلودگی کو کم کرنے میں یورپی اہداف کو پورا کرنے کے لیے اپنے قومی فضائی معیار کے پروگرام کو مضبوط بنانا چاہیے۔

مصنوعی بارش کیسے کرائی جاتی ہے؟

برلن-برانڈنبرگ کی اعلیٰ انتظامی عدالت نے این جی او انوائرمینٹل ایکشن جرمنی (ڈی یو ایچ) کے حق میں یہ فیصلہ سنایا، جس نے چانسلر اولاف شولس کی حکومت کے خلاف مقدمہ دائر کیا تھا۔

فضائی آلودگی سے پاکستانیوں کی اوسط عمر 2 سال کم ہو سکتی ہے، رپورٹ

عدالت کا یہ حکم مئی کے اسی طرح کے ایک فیصلے کے مماثل ہے جس میں کہا گیا تھا کہ حکومت کو موسمیاتی تحفظ کے اپنے مجموعی منصوبوں کو بہتر بنانے کی ضرورت ہے۔

یورپ میں فضائی آلودگی کے باعث سینکڑوں نوجوان ہلاک

منگل کے فیصلے کے مطابق حکومت کو ہوا میں امونیاکے ذرات، سلفر ڈائی آکسائیڈ اور نائٹروجن آکسائیڈ کو کم کرنے کے لیے کوششیں تیز کرنا ہوں گی۔

معدنی ایندھن پر پابندی کا معاہدہ زندگیاں بچائے گا، گلوبل ہیلتھ گروپ

تاہم حکومت کو اس فیصلے کے خلاف لیپزگ کی وفاقی انتظامی عدالت میں اپیل دائر کرنے کی اجازت بھی ہے۔

اب جرمن غیر ملکی الیکٹرک کاروں سے گریز کرتے ہیں

عدالت کا یہ فیصلہ اسی دن سامنے آیا، جب ہینڈلزبلاٹ ریسرچ انسٹیٹیوٹ کی ایک تحقیق میں کہا گیا کہ جرمن شہریوں کی اکثریت اب گھریلو الیکٹرک کاروں کو سستی چینی ماڈلز پر ترجیح دیتی ہے۔

یورپ میں ٹریفک کے مسائل کا ایک حل آٹو میٹک کشتیاں

کنسلٹنسی فرم بیئرنگ پوائنٹ کے لیے کیے گئے ایک سروے میں کہا گیا ہے کہ جرمن صارفین مجموعی طور پر ووکس ویگن الیکٹرک کاروں کو ترجیح دیتے ہیں اور اس کے بعد مرسڈیز اور پھر بی ایم ڈبلیو کا نمبر آتا ہے۔

دنیا کے سو آلودہ ترین شہروں میں سے تریسٹھ بھارت میں

اس مقابلے میں چینی برانڈز اور امریکی کمپنی ٹیسلا، جس نے حال ہی میں جرمنی میں ایک بہت بڑا کارخانہ کھولا ہے، بہت پیچھے ہیں۔ چونکہ جرمن حکومت کاروں سے محبت کرنے والوں کو اب ملکی تیار کردہ الیکٹرک کاروں کی جانب راغب کرنے کی کوشش کر رہی ہے، اس لیے یہ ایک خوش آئند خبر ہے۔

 ص ز/ ج ا (ڈی پی اے، روئٹرز)