فلسطینی اتھارٹی نے اسرائیلی پارلیمنٹ کی جانب سے ایک فلسطینی ریاست کے قیام کی مخالفت میں منظور کی گئی قرار داد کی مزمت کرتے ہوئے بینجمن نیتن یاہو کی حکومت پر "خطے کو انتہائی افراتفری کی گہری کھائی" میں دھکیلنے کا الزام لگایا ہے۔

اسرائیلی پارلیمنٹ نے ایک فلسطینی ریاست کے قیام کے خلاف بدھ کی رات کثرت رائے سے ووٹ دیا۔ اس حوالے سے پارلیمان میں منظور کردہ ایک قرار داد میں کہا گیا ہے کہ اسرائیلی پارلیمنٹ "اردن کے مغرب میں (زمین پر) فلسطینی ریاست کے قیام کی سختی سے مخالفت کرتی ہے۔"

اقوام متحدہ نے بھی اپنے رد عمل میں کہا کہ سیکریٹری جنرل انٹونیو گوٹیریش بھی اسرائیلی پارلیمنٹ میں ووٹنگ کے اس نتیجے سے کافی مایوس ہوئے ہیں۔

اسرائیل کا شمالی غزہ سٹی سے سب فلسطینیوں کو نکل جانے کا حکم

فلسطینیوں کے خلاف تشدد: اسرائیلی شہریوں پر امریکی پابندیاں

ان کے ترجمان اسٹیفن دوجارک نے کہا،"آپ دو ریاستی حل کو مسترد نہیں کرسکتے۔ لہذا سیکریٹری جنرل کینسٹ کے فیصلے سے بہت مایوس ہیں۔"

نیتن یاہو نے رفح کا دورہ کیا

اسرائیلی پارلیمنٹ میں اس پیش رفت کے بعد جمعرات کو اسرائیلی وزیر اعظم بینجمن نیتن یاہو نے غزہ کی پٹی کے جنوب میں واقع رفح کا اچانک دورہ کیا اور اسرائیلی فوجیوں سے ملاقات کی۔

خیال رہے کہ اسرائیلی افواج مئی میں رفح میں داخل ہوئی تھیں اور وہاں پناہ لینے والے بیس لاکھ فلسطینیوں میں سے زیادہ تر کو بھاگنے پر مجبور کردیا تھا۔

نیتن یاہو نے بعد میں ایک بیان میں کہا، "صرف فوجی دباؤ ہی ہمیں یرغمالیوں کے معاہدے کو آگے بڑھانے میں مدد کرتا ہے۔"

ج ا / ص ز (ا ے ایف پی، اے پی، ڈی پی اے)