مصنوعی ذہانت کا فوجی استعمال، امریکی فوج نے قواعد بنا لیے
25 فروری 2020
امریکی فوج کی طرف سے بنائے گئے قواعد میں فوجیوں کی طرف سے مصنوعی ذہانت پر مبنی جنگی ساز وسامان کے استعمال میں ’’فیصلے کے لیے مناسب درجات اور احتیاط کا استعمال کریں گے۔‘‘
تصویر: Reuters/U.S. Marine Corps
اشتہار
تاہم بعض مبصرین نے یہ کہتے ہوئے ان ضوابط پر تحفظات کا اظہار کیا ہے کہ یہ 'قانون سازی کی بجائے اخلاقی قواعد و ضوابط سے کام چلانے کے منصوبے کا ایک حصہ ہے‘۔
امریکی محکمہ دفاع کی طرف سے پیر 24 فروری کو اعلان کیا گیا کہ اس نے جنگی حالات میں مصنوعی ذہانت کے استعمال کے لیے 'اخلاقی ضوابط‘ اختیار کر لیے ہیں۔
یہ اعلان ایک ایسے موقع پر سامنے آیا ہے جب امریکی فوج تنازعات یا جنگی حالات کے دوران مصنوعی ذہانت کے استعمال کی تیاری میں تیزی لانے کی امید کر رہی ہے۔
آرٹیفیشل انٹیلیجنس یا مصنوعی ذہانت روبوٹس، ڈرونز اور بغیر انسان سے چلنے والی گاڑیوں میں استعمال ہو رہی ہے جو میدان جنگ میں بعض اوقات اپنے طور پر فیصلے بھی کرتی ہے۔
قاتل روبوٹ کتنے خطرناک ہو سکتے ہیں؟
02:45
This browser does not support the video element.
امریکی محکمہ دفاع کی طرف سے اختیار کیے جانے والے یہ اصول و ضوابط 15 ماہ تک جاری رہنے والی مشاورت کا نتیجہ ہیں جس میں ٹیکنالوجی کی بڑی کمپنیاں اور یونیورسٹیوں کے ماہرین بھی شامل تھے۔ یہ مشاورت ایرک شمٹ کی سربراہی میں ہوتی رہی جو گوگل کمپنی کے سابق ایگزیکٹیو چیئرمین ہیں۔
اخلاقی ضوابط ہیں کیا؟
امریکی محکمہ دفاع کی طرف سے اختیار کیے جانے والے نئے ضوابط کے مطابق لوگوں پر زور دیا گیا ہے کہ وہ جب مصنوعی ذہانت پر مشتمل نظام استعمال کریں تو وہ احتیاط سے کام لیں اور فیصلے کے لیے مناسب طریقہ ہائے کار کا استعمال کریں۔‘‘ ان ضوابط کے مطابق آرٹیفیشل انٹیلیجنس کا ''واضح اور طے شدہ استعمال‘ بھی ضروری ہے۔
مزید یہ کہ خودکار نظاموں کی طرف سے لیے گئے فیصلے ایسے ہونے چاہییں جن کا 'کھوج لگایا جا سکے‘ اور جو 'قابو میں رکھے‘ جا سکتے ہوں۔ اس کا مطلب ہے کہ فوج کے پاس یہ ''صلاحیت ہو گی کہ وہ ایسے خودکار نظاموں کو کارروائی کے دوران روک سکے گی اور انہیں بے اثر کر سکے گی جو غیر مطلوبہ عمل کا رویے کا اظہار کریں گے۔‘‘
انسانوں کی مانند ڈرائیونگ سیکھتی خودکار گاڑیاں
04:16
This browser does not support the video element.
ان قواعد سے قبل امریکی فوج کے لیے صرف یہ لازمی تھا کہ آرٹیفیشل انٹیلیجنس کی فیصلہ سازی میں انسانی عمل دخل موجود رہنا چاہیے۔ اس طریقہ کار کو 'ہیومن ان دا لُوپ‘ کا نام دیا جاتا ہے۔
'ایتھکس واشنگ پراجیکٹ‘
تاہم ہر کوئی اس بات پر یقین نہیں رکھتا کہ یہ قواعد اسی طرح کام کریں گے جیسا ان میں بتایا گیا ہے۔
برطانیہ کی لنکاسٹر یونیورسٹی میں سائنس اینڈ ٹیکنالوجی میں علم بشریات کے پروفیسر، ''مجھے خوف ہے کہ یہ قواعد قانون بنانے کی بجائے محض ضوابط سے کام چلانے کے پراجیکٹ کا حصہ ہیں۔‘‘
دیگر مبصرین کا تاہم یہ خیال ہے کہ ان قواعد کا مقصد امریکی ٹیکنالوجی کی صنعت کے اعتماد میں اضافہ کرنا ہے۔
مصنوعی ذہانت کی حامل مشینیں کتنی ذہین ہیں؟
مصنوعی ذہانت کے خطرات سے متعلق بحث میں شدت پیدا ہوتی جا رہی ہے حالانکہ ’ذہین‘ مشینوں کی تیاری کوئی نئی بات نہیں ہے۔ تو کیا اس موضوع پر اس قدر ہنگامہ بلا جواز ہے؟
تصویر: "Cheetah Robot image courtesy of Boston Dynamics
ایٹم بم سے بھی بڑا خطرہ؟
سِلیکون وَیلی کے سٹار ایلون مَسک نے، جواسپیس ایکس اور ٹیسلا موٹرز کے بانی ہیں، گزشتہ سال موسمِ گرما میں خبردار کرتے ہوئے کہا تھا کہ ’مصنوعی ذہانت‘ کی صورت میں انسان نے اپنی بقا کے لیے سب سے بڑے خطرے کو جنم دیا ہے۔ اسٹیفن ہاکنگ بھی تشویش کا اظہار کرتے ہوئے کہہ چکے ہیں کہ ’مصنوعی ذہانت‘ ممکنہ طور پر وہ سب سے بڑی غلطی ہے، جو انسان سے سرزد ہوئی ہے۔
تصویر: Reuters/L. Nicholson
سب کچھ محض مبالغہ آمیز ہِسٹیریا؟
لیکن کیا ایسا نہیں ہے کہ ’مصنوعی ذہانت‘ کے حامل روبوٹ مستقبل میں انسان کو مدد اور تعاون فراہم کریں گے، جیسا کہ ہالی وُڈ کی تازہ سائنس فکشن فلم ’چَیپی‘ میں دکھایا گیا ہے؟ اس فلم کے مطابق اس روبوٹ کو اس طرح سے پروگرام کیا جاتا ہے کہ وہ سوچ بھی سکتا ہے اور محسوس بھی کر سکتا ہے۔ یہ روبوٹ پولیس کے ایک جارح روبوٹ یونٹ پر قابو پانے میں انسانوں کی مدد کرتا ہے۔
تصویر: picture-alliance/dpa/S. Blomkamp
انتہائی تیز رفتار ڈرون سمندر میں غرق ہو گیا
حالیہ کچھ عرصے پر ایک نظر ڈالنے سے پتہ چلتا ہے کہ ابھی ’مصنوعی ذہانت‘ کے معاملے میں بہت کچھ گڑبڑ بھی ہو سکتی ہے مثلاً 2011ء کے موسمِ گرما میں امریکی فوج کے فالکن ایچ ٹی وی ٹو نامی ڈرون کی آزمائشی پرواز کوئی مثالی منصوبہ ثابت نہ ہوا۔ بغیر پائلٹ کے چلنے والا اور آواز سے زیادہ رفتار کا حامل یہ ہوائی جہاز اپنی پرواز شروع کرنے کے صرف نو منٹ بعد ہی سمندر میں غرق ہو گیا تھا۔
تصویر: picture-alliance/dpa/DARPA
دیکھا جائے تو کچھ نیا نہیں ہے
اس موضوع پر تمام تر تازہ بحث مباحثے کے باوجود حقیقت یہ ہے کہ فوجی نظاموں میں ’مصنوعی ذہانت‘ کوئی نئی بات نہیں ہے۔ گزشتہ تقریباً بیس برسوں سے ’مصنوعی ذہانت‘ کے حامل اجزاء ہی کی بدولت بہت سے فوجی نظام بہتر طور پر کام کر رہے ہیں۔ اس کی ایک مثال یورو فائٹر ہے۔
تصویر: Getty Images/S. Pond
سائنس فکشن اور حقیقت کا ملاپ
وقت کے ساتھ ساتھ ’ذہین‘ مشینیں زیادہ سے زیادہ غیر معمولی ہوتی جا رہی ہیں گو روزمرہ زندگی سے ابھی وہ اتنی مطابقت نہیں رکھتی ہیں۔ چار ٹانگوں والا روبوٹ ’بِگ ڈاگ‘ اپنے ساتھ وزن لے کر ناہموار زمین پر چڑھ اتر سکتا ہے اور برف پر چل سکتا ہے۔ دریں اثناء گوگل نے یہ روبوٹ تیار کرنے والی کمپنی بوسٹن ڈائنیمِکس خرید لی ہے۔
یقینی بات یہ ہے کہ ’مصنوعی ذہانت‘ کے حامل نظاموں میں ہونے والی تیز رفتار ترقی کے سبب اس بحث کی ضرورت بہرحال موجود ہے۔ ’مصنوعی ذہانت‘ کے غلط استعمال کو روکنے کے لیے پیشگی کوششوں کی ضرورت ہے اور ’مصنوعی ذہانت‘ کو ذمے داری کے ساتھ پروگرام کرنے کے سلسلے میں کبھی نہ کبھی تو بنیادی اخلاقی اصول، سیاسی ضابطے اور معیارات طے کرنا ہی ہوں گے۔