ڈروگبا کے دو گول کے بعد سینیگال کی ٹیم اس فائنل کوالیفائنگ راؤنڈ میں آئیوری کوسٹ اور سینیگال کے درمیان کھیلے جانے والے دوسرے میچ میں آئیوری کوسٹ سے دو کے مقابلے میں چھ گول سے ہار رہی تھی۔ اس موقع پر سینیگال کی ٹیم کے مداحوں نے گراؤنڈ پر ہلہ بول دیا اور چھوٹی اشیاء نذر آتش کرنا شروع کر دیں۔ اس صورت حال سے نمٹنے کے لیے پولیس طلب کرنا پڑگئی۔

یہ واقعہ بر اعظم افریقہ کے دیگر کوالیفائنگ میچوں پر حاوی رہا۔ کھیلے گئے دیگر میچوں کے بعد گھانا، مالی، مراکش، نائجیریا، تیونس اور افریقی نیشنز کپ کی دفاعی چیمپیئن زیمبیا کی ٹیم ٹورنامٹ کے لیے کوالیفائی کر گئی ہے۔ یہ ٹورنامنٹ جنوری میں جنوبی افریقہ میں کھیلا جائے گا۔

آئیوری کوسٹ اور سینیگال کے درمیان کھیلا جانے والا یہ میچ وقت سے چودہ منٹ پہلے ہی ختم کرنا پڑا۔ اس بات کی امید ہے کہ آئئوری کوسٹ کو میچ کا فاتح قرار دیا جائے گا تاہم اس حوالے سے افریقی فٹ بال فیڈریشن کا کوئی سرکاری بیان اب تک سامنے نہیں آیا ہے۔

ڈوگبا، جو برطانوی فٹ بال کلب چیلسی کے لیے کھیلا کرتے تھے اور جنہوں نے گزشتہ برس یورپی چیمپئنز لیگ میں چیلسی کی فتح میں اہم کردار ادا کیا تھا، سینیگال کے خلاف میچ میں حاوی رہے۔ انہوں نے پہلا گول ہاف ٹائم کے فوری بعد ایک فری کِک پر کیا۔ ڈروگبا نے دوسرا گول میچ کے 71ویں منٹ میں ایک پینلٹی کِک پر کیا۔ اس کے فوراً بعد ہی تماشائیوں کی جانب سے ہنگامہ آرائی کے سلسلے کا آغاز ہو گیا۔

دوسری جانب زیمبیا کی ٹیم کو یوگینڈا کے خلاف میچ جیتنے کے لیے بیس پینلٹی کِکز کی ضرورت پڑی۔ زبمبیا یوگینڈا کے خلاف دوسرا لیگ کمپالا میں ہار گئی تاہم پہلے اور دوسرے لیگ کے مجموعی گولز کے بعد میچ ایک ایک سے برابر تھا۔ میچ کا نتیجہ پینلٹی شوٹ آؤٹ کے ذریعے کیا گیا، جو زیمبیا نے آٹھ کے مقابلے میں نو گول سے جیت لیا۔

(shs/ab (Reuters