فٹ بال: ناروے نے دوستانہ میچ میں جرمنی کو ہرا دیا
12 فروری 2009فٹ بال کے ایک دوستانہ میچ میں جرمنی کی ٹیم کو ناروے نے ایک صفر سے شکست دے دی ہے۔
جرمن سرزمین پر جرمن فٹ بال ٹیم کی یہ دوسری لگاتار شکست ہے۔ اس سے قبل گزشتہ برس نومبر میں برطانیہ کی ٹیم نے جرمنی کو ایک دوستانہ میچ میں دو ایک سہ ہرا دیا تھا۔
جرمن ٹیم نے مجموعی طور پر اچھے کھیل کا مظاہرہ کیا اور میچ میں گینڈ کو زیادہ تر اپنے پاس رکھا تاہم وہ کوئی گول کرنے میں ناکام رہی۔
عالمی کپ کے کوالیفائنگ میچوں سے قبل جرمن ٹیم کی اس شکست کو تشویش کی نگاہ سے دیکھا جا رہا ہے۔ جرمن ٹیم کے کوچ کا کہنا تھا کہ وہ ناروے سے میچ ہارنے پر کوئی بہانہ نہیں کرسکتے اور ان کی ٹیم کو اس شکست سے سبق سیکھنا ہوگا۔
واضح رہے کہ کپتان مشائل بالاک سمیت جرمنی کی پوری ٹیم نے اس میچ میں حصّہ لیا تھا۔ جرمن کوچ کے مطابق ناروے کی ٹیم بہت عمدہ کھیلی اور جرمن ٹیم نے گول کرنے کے کئی مواقع ضائع کیے۔