175 ممالک کے سربراہان مملکت، حکومتی وزرا اور اداروں کے فیس بُک اکاؤنٹس میں سے مودی تینتالیس ملین مداحوں کے ساتھ دنیا میں پہلے نمبر پر ہیں۔ بھارتی وزارت عظمیٰ کا آفیشل فیس بُک پیچ بھی ٹاپ ٹین میں شامل ہے۔ مودی کی پوسٹ کی گئی ایک تصویر کو 1.1 ملین لائکس ملے۔

صدر ٹرمپ کو شاید فیس بُک پر وزیر اعظم مودی کی برتری تو شاید پسند نہ ہو، لیکن وہ مودی سے دگنی پوسٹس کرتے ہوئے ’انٹریکشن ریٹ‘ کے حوالے سے مودی کو پچھے چھوڑ چکے ہیں۔ ٹرمپ کی اپنے اہل خانہ کے ساتھ کھینچی گئی تصویروں کو فیس بُک پر زیادہ پذیرائی ملتی ہے۔

اردن کی ملکہ رانیا کو فیس بُک پر پسند کرنے والوں کی تعداد میں ایک برس کے دوران 56 فیصد اضافہ ہوا۔ سولہ ملین فینز کے ساتھ وہ عرب دنیا میں پہلے نمبر پر ہیں۔ انہیں پسند کرنے والے صرف اردنی باشندے ہی نہیں، بلکہ کئی دیگر عرب ممالک کے شہری بھی انہیں سوشل میڈیا پر پسند کرتے ہیں۔ ویسے اردن میں فیس بُک صارفین کی مجموعی تعداد 5.3 ملین ہے۔

کمبوڈیا کے وزیر اعظم ہون سن (تصویر میں دائیں) کا پیج لائیک کرنے والوں کی تعداد میں ایک برس کے دوران پچاس فیصد اضافہ ہوا اور اب ان کے فیس بُک فینز کی تعداد 9.6 ملین ہے۔ عالمی رہنماؤں کی درجہ بندی میں تو وہ پانچویں نمبر پر ہیں لیکن دلچسپ بات یہ ہے کہ یہ تعداد کمبوڈیا بھر میں فیس بک صارفین کی تعداد (7.1 ملین) سے بھی زیادہ ہے۔

صدر ایردوآن کا ملک ترکی یورپی یونین کا ابھی تک رکن نہیں بن پایا لیکن فیس بُک پر ایردوآن کے چاہنے والوں کی تعداد 8.9 ملین ہے جو کسی بھی دوسرے یورپی ملک کے رہنما سے زیادہ ہے۔ ان کے بعد ملکہ برطانیہ کا نمبر آتا ہے جن کے فیس بُک کو ساڑھے چار ملین لوگ پسند کرتے ہیں۔

جرمن چانسلر انگیلا میرکل اور فرانسیسی صدر ایمانویل ماکروں فیس بُک کی دنیا میں کچھ نمایاں کارکردگی کا مظاہرہ نہیں کر پائے۔ میرکل کا فیس بُک پیچ صرف ڈھائی ملین لوگ پسند کرتے ہیں جب کہ ماکروں کے فیس بُک پر مداحوں کی تعداد 2.1 ملین ہے۔ تاہم ماکروں نے ٹرمپ کے عالمی ماحولیاتی معاہدے سے نکلنے کے اعلان کے جواب میں جو ویڈیو پیغام جاری کیا، اس کی مقبولیت کا مقابلہ ٹرمپ اور مودی بھی نہ کر پائے۔

انڈونیشیا کے صدر جوکو ویدودو کو فیس بُک پر ’لائیک‘ کرنے والوں کی تعداد 8.1 ملین ہے۔ ان کے مقابلے میں ہمسایہ ملک ملائیشیا کے وزیراعظم نجیب رزاق کے فالوورز کی تعداد صرف 3.3 ملین ہے۔

اردنی ملکہ کے بعد السیسی عرب دنیا میں دوسرے نمبر پر ہیں اور ان کا پیج پسند کرنے والوں کی تعداد 7.2 ملین ہے۔ یوں وہ دبئی کے امیر شیخ محمد بن راشد المکتوم سے کہیں آگے ہیں جو 3.7 ملین مداحوں کے ساتھ عرب دنیا میں السیسی کے بعد تیسرے نمبر پر براجمان ہیں۔

کینیڈا کے وزیر اعظم جسٹن ٹروڈو کا فیس بُک پیج پسند کرنے والوں کی تعداد 5.8 ملین ہے۔ لیکن گزشتہ برس رمضان کے حوالے سے کینیڈین مسلمانوں کے لیے ان کے پیغام کی ویڈیو کو ساڑھے بارہ ملین لوگوں نے دیکھا اور قریب ایک ملین نے اس پر لائیک، شیئر یا کمنٹ بھی کیا۔ اسی طرح شامی مہاجر بچی کو خوش آمدید کہتے ہوئے ان کی تصویر نے بھے لاکھوں دل جیتے۔

نیوزی لینڈ کی وزیر اعظم جاسیندا آردرن خاص طور پر اپنا پیج چلانے میں کافی متحرک ہیں اور اکثر فیس بُک لائیو کے ذریعے عوام سے رابطے میں رہتی ہیں۔ ان کی ویڈیوز پر ’انگوٹھے سے پسند‘ کی بجائے ’سرخ دل سے پسند‘ کی تعداد چودہ فیصد رہی۔

گزشتہ برس غیرمعمولی زیادہ بارشوں کی وجہ سے جنوبی کیلیفورنیا میں رواں برس جنگلی پھولوں کے کارپٹ بچھ گئے تھے۔ دیکھتے ہی دیکھتے پچاس ہزار سے زائد لوگوں نے اس علاقے کا رخ کیا۔ بہت سے لوگ ایک اچھی انسٹاگرام تصویر کے لیے نازک پھولوں کو روندتے اور کچلتے چلے گئے۔ جو کچرا وہاں پھینکا گیا، اسے چننے میں بھی ایک عرصہ لگے گا۔

امریکا کا دریائے کولوراڈو مقامی خاندانوں کے لیے پکنک کی جگہ ہوتا تھا لیکن انسٹاگرام کی وجہ سے یہ امریکا کا سب سے بڑا سیاحتی مقام بنتا جا رہا ہے۔ انسٹاگرام کے آنے کے بعد سے یہاں آنے والے سیاحوں کی تعداد چند ہزار سے بڑھ کر لاکھوں میں پہنچ گئی ہے۔ ٹریفک کے مسائل بڑھنے کے ساتھ ساتھ مقامی وسائل کا بھی بے دریغ استعمال ہو رہا ہے۔

جرمنی کے ایک مقامی فوٹوگرافر یوہانس ہولسر نے اس جھیل کی تصویر انسٹاگرام پر اپ لوڈ کی تو اس کے بعد وہاں سیاحوں نے آنا شروع کر دیا۔ ایک حالیہ انٹرویو میں اس فوٹوگرافر کا کہنا تھا جہاں گھاس تھی اب وہاں ایک راستہ بن چکا ہے اور یوں لگتا ہے جیسے فوجیوں نے مارچ کیا ہو۔ اب وہاں سگریٹ، پلاسٹک بوتلیں اور کوڑا کرکٹ ملتا ہے اور سیاحوں کا رش رہتا ہے۔

آسٹریا کے اس گاؤں کی آبادی صرف سات سو نفوس پر مشتمل ہے لیکن انسٹاگرام پر مشہور ہونے کے بعد یہاں روزانہ تقریبا 80 بسیں سیاحوں کو لے کر پہنچتی ہیں۔ یہاں روزانہ تقریبا دس ہزار سیاح آتے ہیں۔ نتیجہ کوڑے کرکٹ اور قدرتی ماحول کی تباہی کی صورت میں نکل رہا ہے۔

اسپین کا جزیرہ ٹینیریف سیاحوں کا پسندیدہ مقام ہے۔ یہاں قریبی ساحل سے جمع کیے گئے پتھروں سے ہزاروں ٹاور بنائے گئے ہیں۔ یہ تصاویر کے لیے تو اچھے ہیں لیکن ان پتھروں کے نیچے رہنے والے کیڑوں مکڑوں کے گھر تباہ ہو رہے ہیں۔

پتھروں کی پوزیشن تبدیل کرنے سے زمین کی ساخت اور ماحول بھی تبدیل ہوتا ہے۔ یہی وجہ ہے کہ اس سال کے شروع میں یہ تمام ٹاور گرا دیے گئے تھے اور ماہرین نے سیاحوں سے درخواست کی تھی کہ وہ ایسی تبدیلیاں نہ لائیں۔ لیکن اس کے چند ہفتوں بعد ہی سیاحوں نے دوبارہ ایسے ٹاور بنانا شروع کر دیے تھے۔

دس ملین سے زائد تصاویر کے ساتھ آئس لینڈ انسٹاگرام پر بہت مشہور ہو چکا ہے۔ بہترین تصویر لینے کے چکر میں بہت سے سیاح سڑکوں کے علاوہ قدرتی ماحول میں گاڑیاں چلانا اور گھومنا شروع کر دیتے ہیں۔ اب ایسا روکنے کے لیے سیاحوں سے ایئرپورٹ پر ایک معاہدہ کر لیا جاتا ہے کہ وہ قدرتی ماحول کو نقصان نہیں پہنچائیں گے۔

ایک نامعلوم انسٹاگرام اکاؤنٹ ’پبلک لینڈ ہیٹس یو‘ انسٹاگرامرز کے غیرذمہ دارانہ رویے کے خلاف کوششوں کا حصہ ہے۔ اس اکاؤنٹ پر ان مشہور انسٹاگرامرز کی تصاویر جاری کی جاتی ہیں، جو قوانین کی خلاف ورزی کرتے ہوئے ماحول کو نقصان پہنچاتے ہیں۔ اس طرح امریکی نیشنل پارک سروس نے کئی انسٹاگرامر کے خلاف تحقیات کا آغاز کیا۔