فیفا کے سابق صدر سیپ بلاٹر پرتگال اور مراکش کے درمیان کھیلے گئے میچ میں اسٹیڈیم میں نظر آئے۔ کرپشن کے الزامات کے تحت عہدے سے معطل کیے گئے 82 سالہ بلاٹر روسی صدر ولادیمیر پوٹن کی دعوت پر روس پہنچے ہیں۔ روسی نشریاتی ادارے آر ٹی سے بات چیت کرتے ہوئے بلاٹر نے کہا، ’’میں اب بھی صدر ہوں، مجھے فقط معطل کیا گیا ہے۔‘‘

چند روز قبل چیمپیئنز لیگ کے فائنل میں زخمی ہو جانے والے مصری کھلاڑی محمد صالح میدان میں دکھائی دیے۔ ان کے کندھے کی چوٹ کے تناظر میں خدشات تھے کہ شاید وہ عالمی کپ میں شرکت نہ کر سکیں۔ تاہم روس سے تین ایک کی شکست کے بعد مصر اس عالمی کپ سے اب باہر ہو گیا ہے۔

تیونس کے ساتھ مقابلے میں ہیری کین نے انگلینڈ کے لیے پہلی مرتبہ کھیل کے آخری لمحات میں گول کر کے تیونس کے خلاف اپنی ٹیم کو فتح دلوا دی۔ اس میچ میں کپتان کین ہی نے اپنی ٹیم کو برتی دلائی تھی، جسے تیونس نے برابر کر دیا تھا۔

دفاعی چیمپیئن جرمنی اس عالمی کپ میں اپنا پہلا میچ میکسیکو سے ہار گیا۔ 1982 کے بعد یہ پہلا موقع تھا کہ جرمنی نے عالمی کپ میں پہلے میچ ہی میں شکست کھائی۔ 1982 کے عالمی کپ میں جرمنی کو الجزائر نے ایک کے مقابلے میں دو گول سے ہرایا تھا۔ دنیا کے بہترین گول کیپر کہلانے والے مانویل نوئیر بھی اس بار اپنے خلاف ہونے والے گول کو روکنے میں ناکام رہے۔

آئس لینڈ کی ٹیم پہلی مرتبہ عالمی کپ میں جگہ بنا پائی اور اس کا پہلا میچ ارجنٹائن کے خلاف تھا۔ اس میچ میں آئس لینڈ نے ارجنٹائن کے خلاف میچ ایک ایک گول سے برابر کر دیا، تاہم آئس لینڈ کے لیے یہ میچ ڈرا کرنا، فتح کے کسی جشن کا سامان دکھائی دیا۔

سپر اسٹار لیونل میسی گروپ ڈی میں اپنی ٹیم ارجنٹائن کی ٹیم کے ساتھ آئس لینڈ کے خلاف کھیلنے میدان میں اتے، تاہم سن 2014 کے عالمی کپ کے فائنل تک پہنچنے والی ٹیم آئس لینڈ جیسی کم زور سمجھی جانے والی ٹیم سے میچ فقط برابر کر سکی۔ پانچ مرتبہ فٹ بالر آف دی ایئر کا اعزاز لینے والے میسی اس میچ میں نہایت عام سے کھلاڑی نظر آئے۔ کھیل کے 64ویں منٹ میں ارجنٹائن کو ملنے والی پنیلٹی کک بھی میسی نے ضائع کر دی۔

مراکش کے خلاف میچ سے قبل ایرانی حکومت نے ملک میں عوامی مقامات پر میچ دیکھنے پر پابندی کا اعلان کر دیا، تاہم سینٹ پیٹرزبرگ کی سڑکوں پر ایرانی خواتین دکھائی دیں۔ ایران میں خواتین کو اسٹیڈیم میں میچ دیکھنے پر بھی پابندی عائد ہے، تاہم ان خواتین نے سینٹ پیٹرزبرگ میں باہر نکل کر دنیا کو بتا دیا کہ وہ کیا چاہتی ہیں۔

اس عالمی کپ کے پہلے میچ میں روس کی ٹیم سعودی عرب کے مدمقابل تھی، تاہم اس میچ میں روس کی جانب سے سعودی عرب کے خلاف پانچ گول کیے گئے۔

عالمی کپ کے پہلے میچ میں جب سعودی عرب اور روس کی ٹیمیں آمنے سامنے تھیں، اس دوران اسٹیڈیم میں سعودی ولی عہد محمد بن سلمان اور روسی صدر ولادیمیر پوٹن میچ دیکھنے اور مسکرانے میں مصروف تھے۔