جمعرات کے روز ملکہ الزبتھ کی سالگرہ کے موقع پر لندن اور وِنڈسر بھر میں خصوصی طور پر توپوں کی سلامی دی گئی جب کہ فوجی بینڈس نے 'سالگرہ مبارک ہو‘ کی دھنیں بجائیں۔ ملکہ برطانیہ پچھلے ستر سال سے تاجِ برطانیہ سر پر سجائے ہوئے ہیں۔ اس موقع پر ملکہ برطانیہ کی دو گھوڑوں کے ہمراہ تصویر جاری کی گئی ہیں۔ ملکہ رواں برس تخت نیشنی کی پلاٹینیم جوبلی بھی منا رہی ہیں۔

ملکہ برطانیہ کا لباس روایت ساز ہے۔ وہ ہر لباس پر لمبا کوٹ پہنے نظر آتی ہیں، تاکہ ہوا سے لباس نہ ہلے۔ اسی کوٹ کے رنگ کا ہیٹ ان کے سر پر ہوتا ہے جب کہ ایک سیاہ بیگ ہمیشہ ان کے پہلو میں دکھائی دیتا ہے۔

ملک ہر رنگ کے ہ ہیٹ پہنتی ہیں، کبھی بہت رنگین ،کبھی پھولدار اور کبھی بہت سادہ، مگر ان کا ہیٹ ہمیشہ ان کے لباس سے مکمل مطابقت رکھتا ہے۔ ان کی الماری میں کتنے ہیٹ ہیں؟ شاید یہ دنیا کے سب سے زیادہ محفوظ رازوں میں سے ایک ہے۔

ملکہ کو ہاتھ گندے ہونے کا ڈر نہیں۔ دوسری عالمی جنگ کے دوران الزبتھ وِنڈسر برطانوی فوج کے خواتین کے ڈویژن میں خدمات سرانجام دیتی رہیں۔ اس دوران انہوں نے بہ طور مکینک تربیت لی اور ٹرک چلانا بھی سیکھا۔ یہ تصویر اپریل 1945 کی ہے۔

ملکہ الزبتھ نے اپنے بچپن کے ساتھی پرنس فِلیپ کے ساتھ سن 1947 میں شادی کی۔ دوسری عالمی جنگ کے بعد بچتی اصلاحات کی وجہ سے ملکہ نے کپڑوں کے کوپنز جمع کر کے شادی کے لیے لباس بنایا۔ اس لباس میں دس ہزار موتی جڑے ہوئے ہیں۔ یہ جوڑا 73 سال تک ساتھ رہا۔ گزشتہ برس تاہم پرنس فیلِپ انتقال کر گئے۔

چھ فروری 1952 کو ملکہ الزبتھ کی تاج پوشی ہوئی، اس موقع پر تقریب میں ان کے سفید ریشمی لباس کے ساتھ کپڑا تھا جس میں دولت مشترکہ کے ممالک کے رنگوں کی کڑھائی کی گئی تھی۔

مئی 1965 میں ملکہ برطانیہ کے دورہ مغربی جرمنی کو صدی کا سب سے بڑا دورہ پکارا گیا تھا۔ اس وقت کسی بھی دوسرے غیرملکی رہنما کے مقابلے میں ملکہ کا استقبال سب سے زیادہ گرم جوش تھا۔ پچھلے چھپن برسوں میں وہ پہلی برطانوی تاج ور تھیں جنہوں نے مغربی جرمنی کا دورہ کیا۔

میدان کے رنگوں یعنی سبز و سفید لباس میں ملکہ نے ویمبلی میں 1996 میں جرمن فٹ بال ٹیم سے یورپیئن چیمپیئن شپ ٹورنامنٹ کے فائنل میں مصافحہ کیا۔ اس میچ میں چیک جمہوریہ نے اضافی وقت میں جرمنی کو ایک گولڈن گول کے ذریعے شکست دی تھی۔

نئی مدت کے آغاز پر ملکہ برطانوی پارلیمان سے خطاب کرتی ہیں۔ اس موقع پر وہ روایتی شاہی لباس پہنتی ہیں۔ اس خطاب میں وہ نئی حکومت کے منصوبوں کی تفصیلات بتاتی ہیں۔ اس موقع پر ان کے شوہر پرنس فِلیپ ان کے ساتھ دکھائی دیا کرتے تھے۔

پچھلے برس کرسمس پر ملکہ نے پہلی بار ایک بیوہ کے بہ طور خطاب کیا۔ پچھلے برس اپریل میں پرنس فِلیپ انتقال کر گئے تھے۔ اپنے خطاب میں ملکہ نے کرسمس کے موقع پر بچھڑ جانے والوں کی یاد پر زور دیا۔ مگر اس موقع پر انہوں نے امید اور مسرت کا دامن تھامے رکھنے کا بھی کہا۔

چھ فروری 2022 کو ملکہ نے تاجپوشی کے ستر برس مکمل ہونے پر پلاٹینم جوبلی تقریبات کا آغاز کیا۔ یہ پارٹیز سال بھر جاری رہیں گی، جب کہ اس دوران اہم تقریبات دو سے پانچ جون کو مختلف مقامات پر ہوں گی۔ اسی تناظر میں بیکنگھم پیلس میں کانسرٹ بھی رکھا گیا ہے۔

ملکہ الزبتھ ثانی اپنے والد کی وفات کے بعد چھ فروری 1962ء کو برطانیہ کی ملکہ بنی تھیں۔ تب سے ہی وہ نہ صرف برطانیہ کی ملکہ ہیں بلکہ دولت مشترکہ ممالک اور چرچ آف انگلینڈ کی بھی سربراہ ہیں۔ وہ نو سمتبر 2015ء سے برطانیہ میں طویل ترین راج کرنے والی شخصیت بن گئی ہیں۔

نو ستمبر 2015ء تک برطانیہ پر طویل ترین راج کرنے کا اعزاز ملکہ وکٹوریہ کو حاصل تھا۔ وہ 1819ء میں پیدا ہوئی تھیں جبکہ 1837ء میں ان کی تاج پوشی کی گئی تھی۔ وہ 1901ء میں اپنے انتقال تک برطانیہ پر راج کرتی رہیں۔ ان کا دور تریسٹھ برس اور سات مہینوں پر محیط رہا۔ وکٹوریہ کے دور میں ہی برطانیہ نے اقتصادی ترقی کی منزلیں طے کیں اور برطانیہ کا راج تقریباً دنیا بھر تک پھیل گیا۔

ملکہ الزبتھ ثانی کو 20 دسمبر2007ء سے ہی برطانیہ کی عمر رسیدہ ترین ملکہ ہونے کا اعزاز ہے۔ قبل ازیں یہ اعزاز بھی وکٹوریہ کو ہی حاصل تھا۔ جب ملکہ وکٹوریہ کا انتقال ہوا تھا تو وہ 81 برس، سات مہینے اور29 دن کی تھیں۔ ملکہ الزبتھ اس سال اکیس اپریل کو 89 برس کی ہو گئیں۔ تئیس جنوری 2015ء کو سعودی بادشاہ عبداللہ کی وفات کے بعد ملکہ الزبتھ نے دنیا بھر میں عمر رسیدہ ترین حکمران ہونے کا اعزاز حاصل کیا تھا۔

ملکہ وکٹوریہ کو ایک ایسا اعزاز حاصل رہا، جو ملکہ الزبتھ ثانی بھی نہ چھین سکیں۔ ملکہ وکٹوریہ یکم جنوری 1877ء کو برطانیہ کی ایسی پہلی ملکہ بنیں، جنہیں ’ایمپرس آف انڈیا‘ کا ٹائیٹل دیا گیا۔ اس وقت بھارت، پاکستان، بنگلہ دیش اور میانمار انڈیا کا ہی حصہ تھے۔ 1947ء میں برصغیر کی تقسیم ہو گئی تھی۔

ملکہ الزبتھ ثانی اپنے دور اقتدار میں سات مرتبہ جرمنی کا دورہ کر چکی ہیں۔ انہوں نے پہلی مرتبہ 1965ء میں جرمنی کا دورہ کیا۔ اس تصویر میں وہ بون شہر میں جرمن صدر ہائنرش لُبکے کے ہمراہ دیکھی جا سکتی ہیں۔ اس پہلے دورے میں ملکہ نے گیارہ روز تک جرمنی میں قیام کیا۔ اس دوران وہ سابق دارالحکومت بون کے علاوہ اس وقت کے منقسم برلن اور دیگر سولہ شہروں میں بھی گھومی پھریں۔

ملکہ الزبتھ نے حال ہی میں جون 2015ء میں جرمنی کا دورہ کیا تھا۔ اس تصویر میں وہ اپنے شوہر فیلپ، جرمن صدر یوآخم گاؤک اور ان کی اہلیہ کی ہمراہ دیکھی جا سکتی ہیں۔ یہ تصویر برلن میں صدر کی رہاش گاہ کے سامنے ہی لی گئی تھی۔

کوئین وکٹوریہ اوّل نے 1840ء میں پرنس البرٹ سے شادی کی۔ ان کے نو بچے ہوئے۔ البرٹ 1861ء میں صرف بیالیس برس کی عمر میں انتقال کر گئے تھے۔ البرٹ کی موت نے ملکہ الزبتھ اوّل کو شدید غم میں مبتلا کر دیا تھا، جس کی وجہ سے وہ برسوں عوامی زندگی سے دور رہیں۔

ملکہ الزبتھ ثانی برطانوی پارلیمان سے اب تک 62 مرتبہ سالانہ خطاب کر چکی ہیں۔ برطانوی شاہی خاندان کی سربراہی سنبھالنے کے بعد موجودہ ملکہ نے اب تک 97 غیر ملکی دورے کیے ہیں، جن میں سے پہلا 1955ء میں سربراہ مملکت کے طور پر ان کا ناروے کا دورہ تھا اور آخری ابھی اسی سال جون میں جرمنی کا کئی روزہ سرکاری دورہ۔

دوسری عالمی جنگ کے دوران الزبتھ نے برطانوی فوج کے لیے ذمہ داریاں نبھائی تھیں۔ انہوں نے مکینیکس میں تعلیم حاصل کی تھی جبکہ وہ ٹرک چلانا بھی جانتی تھیں۔ یہ تصویر 1945ء میں لی گئی تھی۔

ملکہ الزبتھ نے 1972ء میں تھائی بادشاہ بھومی بول کی کے ہمراہ۔ اس وقت دنیا کے کسی بھی ملک میں طویل ترین عرصے تک حکمرانی کرنے والی شاہی شخصیت تھائی لینڈ کے بادشاہ بھومی بول کی ہے، جنہیں تخت پر براجمان ہوئے قریب 69 برس ہو چکے ہیں۔ وہ برطانیہ میں ملکہ الزبتھ کے تخت پر براجمان ہونے سے بھی چھ برس پہلے تھائی لینڈ میں بادشاہ کے منصب پر فائز ہوئے تھے۔