سن 2050 تک زمین کی آبادی پچاس ارب تک ہو سکتی ہے اور خوراک کی فراہمی ایک مشکل چیلنج ہو گا۔ زمین کے بعض حصے شدید بارشوں سے زیادہ نم زدہ ہیں جب کہ کچھ اور علاقے خشک تر ہو چکے ہیں۔ اس باعث کاشتکاری میں زیادہ اختراعی انداز اپنانا اہم ہو چکا ہے۔ ایسے میں زمین کی مٹی کے بغیر اختراعی کاشتکاری کو ایک حل خیال کیا گیا ہے۔ ریت یا پتھروں میں فصل بونے کو ہائیڈروپونکس کہتے ہیں۔

کم جگہ میں فصل کاشت کر کے زیادہ پیداوار حاصل کرنا بھی اختراعی کاشتکاری یا ہائیڈروپونکس میں شمار ہوتا ہے۔ یہ اسٹار ٹریک فلم کا کوئی منظر محسوس ہوتا ہے لیکن حقیقت ہے کہ قدیمی دور میں انسان ایسا کرتا رہا ہے۔ ایزٹک تہذیب کے لوگ معلق کھیتوں میں کاشتکاری کیا کرتے تھے۔ ہائیڈروپونکس کا ایک مطلب زمین کے بغیر کاشتکاری بھی لیا جاتا ہے۔

زمینی مٹی کے بغیر کاشتکاری کسی حد تک مصنوعی انداز میں کی جاتی ہے اور اس کے لیے غذائیت کو اہمیت حاصل ہے۔ مختلف طریقوں میں غذائی محلول کا استعمال کر کے جڑیں پھیلانے کو معطل کر دیا جاتا ہے۔ اس عمل میں غذائی محلول کا اسپرے بھی شامل ہے۔ ایسی کاشتکاری میں مصنوعی انداز میں حرارت، روشنی اور دوسرے آلات کا استعمال کیا جاتا ہے تاکہ پودا جلد تیار ہو جائے اور پیداوار بھی زیادہ دے۔

اس طریقہٴ کاشتکاری یعنی ہائیڈروپونکس میں پانی کا انتہائی قلیل استعمال کیا جاتا ہے۔ روایتی کاشکاری سے دس فیصد کم پانی استعمال کر کے زیادہ پیداوار حاصل کی جاتی ہے۔ یہ خاص طور پر خشم موسم میں کارگر ہے لیکن غذائیت یقینی طور پر فصل میں زیادہ موجود ہے۔ اسی طرح کیمیکل کھاد کا استعمال بھی کم ہوتا ہے۔ کیڑے مار ادویات نہ ہونے کے برابر استعمال کی جاتی ہیں کیونکہ زمینی مٹی موجود نہیں ہے۔

ہائیڈروپونکس میں پودے عمودی طور پر لگائے جاتے ہیں تا کہ وہ اوپر کی جانب بڑھ سکیں۔ یہ پودے عموماً طشتریوں میں لگائے جاتے ہیں جو ایک دوسرے کے اوپر کچھ فاصلے پر رکھی جاتی ہیں۔ اس انداز میں پودے ایک دوسرے کے قریب ہوتے ہیں اور کم جگہ گھیرتے ہیں۔ یہ اندازِ کاشتکاری مؤثر گردانا گیا ہے۔

ہائیڈروپونکس ایک طرح سے پیچیدہ کاشتکاری کا انداز قرار دیا گیا ہے کیونکہ اس میں توانائی کی زیادہ ضرورت ہوتی ہے اور یہ مہنگا ہے۔ پودوں کو غذائی مواد درکار ہے اور آلات کی بھی ضرورت ہے۔ بجلی کی فراہمی منقطع ہونے پر ساری فصل ضائع ہو سکتی ہے۔ مصنوعی انداز میں حرارت اور روشنی کی فراہمی ذاتی خرچ پر ہے جبکہ روایتی کاشتکاری میں حرارت اور روشنی کا ذریعہ سورج ہے، جو مفت ہے۔

نظریاتی طور پر بغیر مٹی کے کسی بھی فصل کو اگایا جا سکتا ہے، جیسا کہ کھیرے، ٹماٹر، سبز سلاد، مرچ یا دوسری جڑی بوٹیاں لیکن سبھی کے لیے ایک خاص تکنیک کی ضرورت ہے۔ بظاہر بغیر مٹی کے کاشتکاری ابھی بہت مقبول نہیں ہے لیکن یہ مستقبل کے چیلنج کا سامنا کر سکتی ہے۔ سن 2016 میں اس انداز کی کاشتکاری یا ہائیڈروپونکس کا مالیتی حجم اکیس بلین ڈالر سے زائد تھا۔

ورلڈ بینک کی ایک تازہ رپورٹ کے مطابق اگر حکومتوں نے فوری نوٹس نہ لیا تو ماحولیاتی تبدیلیوں کے نتیجے میں پیدا ہونے والے قحط اور شدید موسموں کی وجہ سے کئی خطوں میں تباہی پھیل سکتی ہے، جس کے نتیجے میں لوگوں کی ایک بڑی تعداد روزگار اور بہتر زندگی کی خاطر مہاجرت پر مجبور ہو جائے گی۔

ورلڈ بینک کے مطابق عالمی ماحولیاتی تبدیلیوں کے باعث آئندہ تین دہائیاں انتہائی اہم ہیں۔ اس ادارے کی رپورٹ کے مطابق ماحولیاتی تبدیلیوں سے مطابقت اور متاثرہ خطوں کے لوگوں کے لیے خصوصی اقدامات ناگزیر ہو چکے ہیں۔ ایسے خطوں میں خوراک اور پانی کی قلت بھی شدید ہوتی جا رہی ہے۔

ورلڈ بینک کی اس رپورٹ کے مطابق سن دو ہزار پچاس تک ماحولیاتی تبدیلوں کے نتیجے میں ہونے والی مہاجرت سے 143 ملین افراد کی زندگی کو خطرات لاحق ہو سکتے ہیں۔ ایسے چالیس ملین افراد کا تعلق زیریں صحارا، چالیس ملین کا جنوبی ایشیا جبکہ سترہ ملین کا تعلق لاطینی امریکی ممالک سے بتایا گیا ہے۔

دنیا کے ترقی پذیر ممالک کی نصف آبادی یعنی 2.8 فیصد زیریں صحارا، جنوبی ایشیا اور لاطینی امریکی ممالک میں ہی سکونت پذیر ہے۔ یہ خطے ماحولیاتی تبدیلیوں سے زیادہ متاثر ہو رہے ہیں۔ پہلی مرتبہ کوئی ایسی رپورٹ مرتب کی گئی ہے، جس میں ماحولیاتی تبدیلوں کی وجہ سے ہونے والی مہاجرت کے معاملے کو جامع اور مفصل انداز میں بیان کیا گیا ہے۔

عالمی بینک کی سی ای او کرسٹالینا جیوگیوا کے مطابق ماحولیاتی تبدیلیاں لوگوں کو بے گھر کرنے کی ایک بڑٰی وجہ بن چکی ہیں۔ روزگار کے مواقع ختم ہونے کے علاوہ خوراک، پانی اور دیگر اشیائے ضروریات کی قلت کہ وجہ سے کنبے کے کنبے ایسے خطوں کی طرف نقل مکانی کر رہے ہیں، جہاں ان کی زندگی کو سکون میسر آ سکتا ہے۔

ہر گزرتے دن کے ساتھ ماحولیاتی تبدیلیاں زیادہ اقتصادی مسائل کا باعث بن رہی ہیں۔ تاہم عالمی عالمی بینک کے مطابق اگر ضرر رساں گیسوں کے اخراج میں کمی اور پائیدار دور اندیش ترقیاتی مںصوبہ بندی کی خاطر عالمی سطح پر ایکشن لیا جائے تو لاکھوں افراد کو ایسے خطرات سے بچایا جا سکتا ہے۔

ماحولیاتی تبدیلیوں کے نتیجے میں افریقی ملک ایتھوپیا بہت زیادہ متاثر ہو رہا ہے۔ ایک اندازے کے مطابق سن دو پزار پچاس تک اس ملک کی آبادی تقریبا دوگنا ہو جائے گی۔ قحط کے باعث کاشت کاری کے خاتمے کی وجہ سے زیریں صحارا کے اس ملک سے بڑے پیمانے پر مہاجرت کے خطرات لاحق ہیں۔

جنوبی ایشیائی ملک بنگلہ دیش میں لوگوں کے داخلی سطح پر بے گھر کی سب سے بڑی واحد وجہ ماحولیاتی تبدیلیاں ہی ہیں۔ عالمی درجہ حرارت میں اضافے کے باعث جہاں گلیشئرز پگھل رہے ہیں، وہیں سمندروں کی سطح میں بھی اضافہ ہو رہا ہے۔ بنگلہ دیش کو اس طرح کے شدید مسائل کا سامنا ہے۔

عالمی بینک کی رپورٹ میں خبردار کیا گیا ہے کہ ماحولیاتی تبدیلیوں کی وجہ سے ہونے والی مہاجرت ’ایک انسانی المیے‘ میں بدل سکتی ہے۔ تاہم ماہرین کا یقین ہے کہ اگر عالمی سطح پر سبز مکانی گیسوں کے اخراج میں کمی کی جائے تو صورتحال میں بہتری ممکن ہے۔ یہ گیسیں ماحولیاتی آلودگی کا ایک بڑا سبب بھی قرار دی جاتی ہیں۔

ماہرین کے مطابق دیہاتوں میں کاشتکاری اور لائیو اسٹاک کے متاثر ہونے کے سبب لوگ شہروں کی طرف مہاجرت اختیار کر رہے ہیں اور یوں انہیں بیشتر مسائل کا سامنا کرنا پڑ رہا ہے۔ اگر منصوبہ بندی کی جائے تو مقامی لوگوں کو ماحولیاتی تبدیلیوں سے مطابقت پیدا کرنے اور ان کی رہنمائی سے ان کی مشکلات دور کی جا سکتی ہیں۔