معروف امریکی گلوکار میک ملر چھبیس برس کی عمر میں فوت ہو گئے ہیں۔ اُن کی موت کی ابتدائی وجہ شدید ڈپریشن میں طاقتور منشیات کا استعمال خیال کیا گیا ہے۔
اشتہار
امریکا کے ایک نمایاں رَیپ گلوکار میک ملر کے چھبیس برس کی عمر میں انتقال کی تصدیق کر دی گئی ہے۔ یہ گلوکار لاس اینجلس میں واقع اپارٹمنٹ میں مردہ حالت میں پائے گئے۔ نعش کو ایمرجنسی حکام نے اپارٹمنٹ میں داخل ہو کر اپنے قبضے میں لیا اور اُسی وقت اس کی موت کی تصدیق کر دی گئی۔ ایسے اندازے لگائے گئے ہیں کہ ملر کی موت شدید نوعیت کی منشیات کے استعمال سے ہوئی ہے۔
میک ملر کا اصل نام میلکم مک کارمک تھا۔ ملر کے خاندان نے اُس کے انتقال کی تصدیق کرتے ہوئے اُسے ایک روشن ستارہ قرار دیا۔ اس گلوکار کے کُل پانچ البم ریلیز ہو چکے ہیں۔ پانچواں البم تو گزشتہ ماہ ریلیز کیا گیا۔ جاز موسیقی سے مزین اس البم کو میک ملر کے فن میں پختگی سے تعبیر کیا گیا تھا۔
مرحوم گلوکار کو اپنی ہم وطن گلوکارہ آریانے گرانڈے کے ساتھ تعلقات منقطع ہونے کا بھی شدید رنج تھا۔ کہا جاتا ہے کہ ملر نے اپنے تقریباً سبھی مقبول گیتوں میں گرانڈے سے حاصل ہونے والی انسپیریشن کو ظاہر کیا ہے۔ ملر اور گرانڈے کے دومیان دو برس تک زوردار محبت قائم رہی تھی۔ خاتون گلوکارہ ملر کی ایک ویڈیو میں جلوہ گری بھی ہوئی تھی۔ ان دونوں کا تعلق رواں برس مئی میں ختم ہو گیا تھا۔
میک ملر کو منشیات کے استعمال سے پیدا ہونے والے شدید مسائل کا سامنا تھا۔ وہ ایک طاقتور کھانسی کے شربت کو بھی بڑے شوق سے استعمال کرتے تھے۔ یہ کھانسی کا شربت ’پرپل سیرپ‘ کے نام سے امریکی دوا خانوں پر دستیاب ہے۔ اپنی اس مسئلے کا اشارہ وہ اپنے ایک گیت ’سوئمنگ‘ میں بھی کر چکا تھا۔
ملر نے چند روز قبل اپنے ایک انٹرویو میں کہا تھا کہ وہ اس کوشش میں ہیں کہ اپنے ذہن میں پائے جانے والے منفی احساسات کو زیر کر کے اپنی مجموعی کیفیت کو بہتر کر سکیں۔ انہوں نے اپنے اس انٹرویو میں ڈپریشن سے نجات چاہتے ہوئے اچھے دنوں کی خواہش کا اظہار کیا تھا۔
امریکی شہر پِٹس برگ میں پیدا ہونے والے میک ملر کو ٹین ایج میں ہی ایک گیت پر شہرت حاصل ہوئی تھی۔ اُن کا پہلا البم ’ بلُو سلائیڈ پارک‘ کو بہت پذیرائی حاصل ہوئی اور امریکا میں نمبر ایک البم قرار پایا تھا۔
گریمی ایوارڈز کی رنگ رنگا تقریب
گریمی ایوارڈز عالمی موسیقی کے منظرنامے پر سب سے معتبر ایوارڈ تصور کیے جاتے ہیں۔ رواں برس ان ایوارڈز کی تقسیم کی خاص رنگ بھری تقریب امریکی شہر نیویارک میں منعقد ہوئی۔
تصویر: Reuters/L. Jackson
فنکاروں کا میلہ
گریمی ایوارڈز کی ایک خصوصیت یہ بھی خیال کی جاتی ہے کہ ایوارڈز کی تقریب میں ہر مشہور فنکار شرکت کو اپنے لیے اعزاز سمجھتا ہے۔ اتوار اٹھائیس جنوری کی تقریب میں دیگر فنکاروں کے ہمراہ علیشیا کیز اور جے زی بھی شریک تھے۔
تصویر: Getty Images/Naras/C. Polk
رنگ برنگ پہناوے
گریمی ایوارڈز کی میوزکل تقریب میں فنکار رنگ برنگے اور بھڑکیلے لباس زیب تن کرنے میں مسرت محسوس کرتے ہیں۔ ان پہناووں کو مختلف ڈیزائنر تیار کرتے ہیں۔
تصویر: Reuters/L. Jackson
برونو مارز نے میدان مار لیا
اتوار کی رات ہونے والی اس تقریب میں برونو مارز کے البم 24 Magic کو البم آف دی ایئر کا اعزاز ملا جبکہ ریکارڈ آف دا ایئر کا انعام بھی اسی البم کے حصے میں آیا۔
تصویر: Reuters/A. Kelly
برونو مارز کی خصوصی پرفارمنس
ساٹھویں گریمی ایوارڈز کی تقریب میں بہترین البم کا ایوارڈ حاصل کرنے والے برونو مارز نے اپنے ساتھی فنکاروں کے ساتھ اپنا ایوارڈ یافتہ گیت ’فینیس‘ پیش کیا۔
تصویر: Reuters/L. Jackson
ایوارڈز کے اعلانات اور خاص مہمانوں
دنیا بھر میں ایوارڈز کی تقسیم اور اعلان کے لیے مشہور افراد کے جوڑے بنائے جاتے ہیں۔ گریمی ایوارڈز کی تقریب میں امریکی اداکارہ سارا سلورمین اور گلوکار وکٹر کروز اسٹیج پر آتے ہوئے۔
تصویر: Getty Images/ARAS/K. Winter
گریمی ایوارڈز، فنکاروں کی پرفارمنس
گریمی ایوارڈز کو عالمی شہرت کے فنکاروں کا میلہ بھی قرار دیا جاتا ہے۔ اس تقریب میں کئی فنکار اپنی اپنی پرفارمنس سے شائقین کے ذوق موسیقی کو تسکین پہنچاتے ہیں۔ اس تصویر میں لوئیس فونزی اور ڈیڈی یانکی پرفارم کر رہے ہیں۔
تصویر: picture-alliance/AP/Invision/M. Sayles
کنڈرک لامر
بہترین گریمی ریپ البم کا انعام کنڈرک لامر کے DAMN کے حصے میں آیا۔ لامر ایوارڈز تقریب میں مختلف گیتوں پر مبنی میڈلے پیش کرتے ہوئے۔
تصویر: Reuters/L. Jackson
بیونسے کے انتہائی لمبے جھمکے
تقریب میں شریک کئی فنکاروں کو پذیرائی حاصل ہوئی۔ ان میں مشہور امریکی خاتون مغنیہ بیونسے بھی لمبے لمبے جھمکوں کے ساتھ خاص طور پر توجہ حاصل کیے ہوئے تھیں۔