دنیا بھر میں سب سے زیادہ آبادی مسیحیت سے تعلق رکھنے والے افراد کی ہے۔ عالمی آبادی میں اِن کی حصہ داری قریب 31.5 فیصد بنتی ہے جبکہ ان کی کل تعداد تقریباﹰ 2.2 ارب ہے۔

اسلام دنیا کا دوسرا بڑا مذہب ہے، جس کے ماننے والوں کی تعداد 1.6 ارب مانی جاتی ہے۔ مسلمانوں کی آبادی کی عالمی سطح پر شرح 23.2 فیصد ہے۔

عالمی آبادی کا تقریباﹰ سولہ فیصد ایسے افراد پر مشتمل ہے جو کسی مذہب میں یقین نہیں رکھتے۔

تقریباﹰ ایک ارب آبادی کے ساتھ ہندو دنیا میں تیسری بڑی مذہبی برادری ہیں۔ یہ کُل آبادی کا پندرہ فیصد ہیں۔

چین کے روایتی مذہب کو ماننے والوں کی کُل تعداد 39.4 کروڑ ہے اور دنیا کی آبادی میں اِن کی حصہ داری 5.5 فیصد ہے۔

دنیا بھر میں 37.6 کروڑ افراد بدھ مت کے پیرو کار ہیں۔ جن میں سے نصف چین میں آباد ہیں۔

اس گروپ میں مذہبی برادریوں کو نسل کی بنیاد پر رکھا گیا ہے۔ اس گروپ میں شامل افراد کی کُل تعداد قریب 40 کروڑ ہے۔

اپنی رنگا رنگ ثقافت کے لیے دنیا بھر میں مشہور سکھوں کی کُل آبادی 2.3 کروڑ کے لگ بھگ ہے۔

یہودیوں کی تعداد عالمی آبادی میں 0.2 فیصد ہے جبکہ اس مذہب کے ماننے والوں کی تعداد 1.4 کروڑ کے قریب ہے۔

جین مذہب کے پیروکار بنیادی طور پر بھارت میں آباد ہیں ۔ جین مت کے ماننے والوں کی تعداد 42 لاکھ کے آس پاس ہے۔

اس مذہب کے پیروکار زیادہ تر جاپان میں پائے جاتے ہیں اور اس عقیدے سے منسلک رسوم اُس خطے میں صدیوں سے رائج ہیں تاہم اس کے پیرو کاروں کی تعداد صرف تین ملین ہے۔

زیادہ تر علما کی رائے میں حجاب جو کہ عورت کے سر اور گردن کو ڈھکتا ہے، عورتوں کو پہننا لازمی ہے۔ دنیا بھر میں مسلمان عورتیں مختلف ڈیزائنوں اور رنگوں کے حجاب پہننا پسند کرتی ہیں۔

کئی مسلم ممالک میں چادر خواتین کے لباس کا اہم حصہ ہوتا ہے۔ پاکستان کے صوبے خیبر پختونخواہ، اور کچھ دیگر علاقوں میں عورتیں گھروں سے باہر چادر پہنے بغیر نہیں نکلتیں۔ چادر زیادہ تر سفید یا کالے رنگ کی ہوتی ہے۔

نقاب عورت کے چہرے کو چھپا دیتا ہے اور صرف آنکھیں نظر آتی ہیں۔ کئی مرتبہ نقاب کا کپڑا اتنا زیادہ ہوتا ہے کہ عورت کی چھاتی اور کمر بھی ڈھک جاتی ہے۔

عبایا ایک کھلی طرز کا لباس ہے جس میں پورا جسم ڈھکا ہوتا ہے۔ دنیا بھر میں مسلمان عورتیں مختلف رنگوں اور ڈیزائنوں کے عبایا زیب تن کرتی ہیں۔ مختلف موقعوں پر مختلف طرح کے عبایا پہنے جاتے ہیں۔ ان میں دیدہ زیب کڑھائی والے اور سادے، دونوں طرح کے عبایا شامل ہیں۔

برقعہ بھی عبایا کی ہی ایک قسم ہے۔ پاکستان اور افغانستان کے کچھ حصوں میں ’ٹوپی برقعہ‘ پہنا جاتا ہے جس میں عورتیں آنکھوں کے سامنے والے کپڑے میں کچھ سوراخوں سے ہی باہر دیکھ سکتی ہیں۔

بہت سی مسلمان عورتیں اپنے سر کو حجاب سے نہیں ڈھکتیں اور جدید ملبوسات پہننا پسند کرتی ہیں۔

جرمنی کا سب سے قديم کيتھيڈرل اس ملک کے سب سے پرانے اور تاريخی شہر ميں ہی واقع ہے۔ ٹريئر 313 عيسوی ميں بشپ کی مذہبی عمل داری کا مرکز بنا اور اسی وقت وہاں ايک تاريخی گرجا گھر کا قيام عمل ميں آيا۔ ہائی کيتھيڈرل آف سينٹ پيٹرز کی بنياد نويں صدی ميں رومنوں نے رکھی تھی۔ اسے آج جرمنی کا قديم ترين کيتھيڈرل مانا جاتا ہے۔

ٹريئر کے کيتھيڈرل ميں سب سے قيمتی شے يسوح مسيح کی چادر يا ان کا لباس ہے، جسے ’دا ہولی روب‘ کہا جاتا ہے۔ تاريخ دان کہتے ہيں کہ رومن شہنشاہ کونسٹينٹين کی والدہ ہيلينا چوتھی صدی ميں يہ چادر ٹريئر لے کر آئی تھيں۔ اسے اس کيتھيڈرل کے بشپ کی دعوت پر شاز و نادر ہی نمائش کے ليے نکالا جاتا ہے۔

رومن شہنشاہ شارليمينگے آخن ميں وسيع پيمانے پر تعميرات کے ذريعے وہاں ايک نيا روم قائم کرنا چاہتا تھا۔ آج اس جرمن شہر ميں قائم کيتھيڈرل کا کليدی حصہ ايک گرجا گھر ہے، جسے صرف دس سال کے عرصے ميں مکمل کيا گيا تھا۔ آخن کيتھيڈرل کو سن 1978 ميں يونيسکو کے عالمی ثقافتی ورثوں کی فہرست ميں شامل کيا گيا تھا۔ يہ اس فہرست کا حصہ بننے والا جرمنی کا پہلا ثقافتی مقام تھا۔

آخن کيتھيڈرل کا گنبد، جسے کپولا بھی کہا جاتا ہے، بتيس ميٹر اونچا ہے۔ شاید يہ آج کل کی تعميرات کے لحاظ سے کوئی انہونی بات نہيں ليکن اس قديم وقت کے لوگوں کے ليے يہ ايک انتہائی بڑا شاہکار تھا۔ کئی صدیوں کے دوران جرمنی کے تيس بادشاہوں اور حکمرانوں کی تاج پوشی اسی گنبد تلے ہوئی تھی۔

رومن شہنشاہ شارليمانيے 814 عیسوی ميں وفات پا گيا تھا، جس کے بعد اسے آخن کيتھيڈرل ميں دفنا ديا گيا تھا۔ سنہرے رنگ کا یہ مقبرہ اسی کا ہے۔ آخری مرتبہ محققين نے يہ مقبرہ سن 1988 ميں کھولا تھا، جس پر انہيں پتہ چلا کہ شارليمانيے کا قد 1.84 ميٹر تھا، جو اس وقت کے لوگوں کی قد کے لحاظ سے کافی اچھا قد تھا۔

مائنز کيتھيڈرل کے ايک ہزار برس مکمل ہونے پر دو مرتبہ تقريبات کا انعقاد ہو چکا ہے۔ پہلی مرتبہ سن 1975 ميں، جب اس کی بنياد رکھنے کے عمل کو ايک ہزار سال پورے ہوئے۔ پھر دوسری مرتبہ سن 2009 ميں جب کی کی تعمير مکمل ہونے کے ايک ہزار برس پورے ہوئے تھے۔

بامبرگ کيتھيڈرل کو جرمن بادشاہ ہينری دوئم کی سالگرہ کے موقع پر چھ مئی سن 1012 کو مذہبی مقاصد کے ليے مختص کر ديا گيا۔ اس وقت اس شاندار تقريب ميں پينتاليس بشپس نے حصہ ليا۔

يہ کيتھيڈرل جرمن رياست سيکسنی انہالٹ ميں واقع ہے اور سن 2015 ميں اس کے قيام کے ايک ہزار برس مکمل ہوئے۔ اس کيتھيڈرل کی بنياد بشپ تھيٹمار نے سن 1015 ميں رکھی تھی۔ اس کيتھيڈرل کی پرانی ديواريں ہالی ووڈ کی فلموں کے ليے بہترين پس منظر فراہم کرتی ہيں۔ پانچ برس قبل جارج کلونی کی فلم ’دا مونيومنٹس‘ اس مقام پر بھی فلمائی گئی تھی۔

ہلڈزہائم کا کيتھيڈرل خود بھی کافی پرانا ہے ليکن اس کی ديواروں پر گلاب کے پودے اس سے بھی پرانے ہيں۔ اس کيتھيڈرل کی تعمير سن 1061 ميں مکمل ہوئی تھی اور يوں اسے فی الحال ايک ہزار سال پورے نہيں ہوئے ہيں۔

وورمز کے سينٹ پيٹرز کيتھيڈرل کی تعمير ٹھیک ایک ہزار برس قبل سن 1018 ميں مکمل ہوئی تھی۔ اسے برشارڈ آف وورمز نے تعمير کرايا تھا۔