مصری دارالحکومت قاہرہ سے تیس کلو میٹر کی دوری پر ممفس نامی قدیمی شہر کا قبرستان سقارہ بڑے اہرام اور بادشاہوں کے علاقے میں ایک آثار قدیمہ کے حوالے سے اہم جگہ ہے۔ اس قبرستان میں رواں برس ستمبر اور اکتوبر میں میں ماہرین آثار قدیمہ نے انتہائی خوبصورت منقش تابوت دریافت کیے تھے۔

سن 2020 کی مہینے نومبر میں ماہرین نے سقارہ ہی میں مزید بارہ تابوتوں کو ڈھونڈ نکالا۔ منقش تابوتوں کا زمانہ ڈھائی ہزار سال سے پہلے کا بتایا گیا ہے۔ تمام تابوتوں کو ماہرین نے نہایت احتیاط سے کھولا اور اپنا تحقیقی عمل آگے بڑھایا۔ ان تابوتوں کی تفصیلات ابھی عام نہیں کی گئی ہیں۔

جرمنی کی بون یونیورسٹی کے شعبہ مصریات نے مصر کے علاقے اسوان کے شمال مشرق میں واقع وادی ابو سُوبیرا میں کھدائی کے دوران تحریروں کی حامل ایک چٹان کو تلاش کیا۔ ماہرین کے مطابق یہ تحریریں پانچ ہزار سال سے بھی زیادہ پرانی ہیں۔ ان کا خیال ہے کہ یہ چٹان داراصل چوتھی صدی قبل از مسیح میں کسی شہر کا نشان تھا۔

رومن تہذیب کے شہر پومپی میں بھی نئی دریافتیں سامنے آئی ہیں۔ یہ قدیمی کھنڈرات موجودہ اطالوی شہر نیپلز کے جنوب میں ہیں۔ ان کھنڈرات میں سن 79 عیسوی میں آتش فشاں ویسوئیس سے نکلنے والی راکھ اور لاوا دریافت ہوا ہے۔ آتش فشاں کے پھٹنے سے بے شمار افراد کی ہلاکت کا بھی اندازہ لگایا گیا ہے۔ اس مقام کے کھنڈرات کی اولین نشاندہی اٹھارہویں صدی میں ہوئی تھی۔

سن 2020 کے کرسمس سے قبل ماہرین آثارِ قدیمہ نے ایک اور شاندار دریافت کی ہے۔ یہ دریافت پومپی کے علاقے میں قدیمی فوڈ اسٹال ہے۔ اسے ماہرین نے تباہ شدہ شہر میں فاسٹ فوڈ کا مرکز قرار دیا ہے۔ اس میں مختلف جگہیں رنگوں سے سجی ہوئی ہیں۔ خوراک گرم رکھنے کے کنٹینر بھی ملے ہیں۔ اس فوڈ اسٹال پر بطخ، مرغی اور دوسرے کھانے فروخت ہوتے تھے۔

سن 2020 میں یروشلم میں کھدائی کے دوران جرمن ماہرِ آثار قدیمہ ڈیٹر ویوویگر کی ٹیم نے اسی شہر کی ایک قدیمی دیوار یا دفاعی فصیل کو دریافت کیا۔ اس کا زمانہ یہودی بادشاہ ہیرودس الکبیر کا خیال کیا گیا ہے۔ اس دریافت سے واضح ہوا ہے کہ پرانے دور میں یروشلم ایک چھوٹا سا شہر تھا۔ یہ ایک عام تاثر ہے کہ یروشلم ہر دور میں ایک بڑا شہر تھا۔

یروشلم کو مذہبی اور سیاسی تنازعات کا سامنا ہے لیکن اس میں ہزاروں سالہ قدیمی ادوار کی تاریخی نشانیاں مدفون ہیں۔ سن 2020 کے اوئل میں اسی شہر میں ایک پرانے گاؤں کے کھنڈرات دریافت کیے گئے تھے۔ اس کا زمانہ دوسری صدی کا معلوم ہوا ہے۔ اس میں زندگی کے سبھی شعبوں کا پتہ چلتا ہے۔ اس دور کے بارے میں اس گاؤں نے دلچسپ معلومات فراہم کی ہیں۔

سن 2020 میں یونانی دارالحکومت ایتھنز میں کام کرنے والے مزدوروں کو اچانک ایک قدیمی مجسمہ ملا۔ اس کے مشاہدے سے معلوم ہوا کہ یہ یونانی دیوتا ہیرمیس کا مجسمہ ہے۔ اس کی تخلیق کا اندازہ تیسری یا چوتھی صدی کا لگایا گیا ہے۔ یہ امر اہم ہے کہ یونان میں اکثر و بیشتر قدیمی نوادرات دریافت ہوتے رہتے ہیں۔

ابھی تک یہ معلوم نہیں ہو سکا کہ اسٹون ہینج کی باقیات کا تعلق کسی قدیمی دور کی عبادت گاہ یا قربان گاہ سے یا پھر کسی فلکیاتی مشاہدہ گاہ سے ہے۔ ایک تازہ تحقیقی مطالعے میں بیان کیا گیا ہے کہ یہ بڑے ریتلے پتھر جنوبی انگلیڈ کے جنگلاتی علاقے ویسٹ وُوڈز سے تعلق رکھتے ہیں۔