الیکشن کے بعد مسلسل تیسری رات بھی کئی شہروں میں لوگوں کی ایک بڑی تعداد نے ٹرمپ کے خلاف نعرے بازی کی اور اپنے تحفظات کو رجسٹر کرایا۔

ہفتے کی صبح پورٹ لينڈ میں فائرنگ کے نتیجے میں ایک شخص ہلاک ہو گیا۔ پولیس نے کہا ہے کہ ابھی تک معلوم نہیں ہو سکا ہے کہ فائرنگ کس نے کی اور اس واقعے کے پیچھے کیا متحرکات کارفرما تھے۔

نیویارک شہر میں بھی ایسے ہی مظاہرے کیے گئے۔ مظاہرین نے شہر کی فیشن ایبل سٹریٹ ففتھ ایونیو پر واقع ٹرمپ کی رہائش گاہ ’ٹرمپ ٹارو‘ کے باہر بھی احتجاج کیا۔ پولیس نے مظاہرین کو منشتر کرنے کی کوشش بھی کی، لیکن پورٹ لینڈ میں مظاہرین اور پولیس کے مابین رات بھر آنکھ مچولی جاری رہی۔

میامی میں بھی ہزاروں لوگ ایسے ہی مظاہرے میں شریک ہوئے اور چند سو افراد ایک بڑی شاہراہ تک پہنچنے میں کامیاب رہے۔ ان مظاہرین نے اس شاہراہ کی دو طرفہ ٹریفک کو بند کر دیا۔

میامی، اٹلانٹا، فلاڈلیفیا، نیو یارک، سان فرانسسکو، پورٹ لینڈ اور اوریگن میں مظاہرین نے بینر اٹھا رکھے تھے۔ ان مظاہرین میں خواتین کی ایک بڑی تعداد بھی شامل رہی۔

ان مظاہرین کا کہنا ہے کہ نامزد امریکی صدر ڈونلڈ ٹرمپ کی متنازعہ مہم کے دوران مہاجرین، مسلمانوں اور خواتین کے خلاف ایک سخت بیانیہ استعمال کیا گیا تھا، جو باعث تشویش ہے۔

پورٹ لینڈ میں ہونے والے مظاہروں کے کے دوران پرتشدد واقعات بھی رونما ہوئے۔ ہفتے کی رات بھی وہاں مظاہریں کی ایک بڑی تعداد موجود رہی ہے۔ کچھ مشتعل مظاہرین نے توڑ پھوڑ بھی کی۔

ان مظاہرین کا کہنا ہے کہ ٹرمپ کے دور اقتدار کے دوران امریکا میں انسانی حقوق کو زک پہنچ سکتی ہے۔

جمعے کی رات لاس اینجلس میں پولیس نے دو سو کے قریب مظاہرین کو گرفتار کیا تھا۔ شکاگو شہر میں ہفتہ بارہ نومبر کو کئی تنظیموں کی جانب سے ٹرمپ مخالف مظاہروں کی منصوبہ بندی کی گئی ہے۔

کئی امریکی شہروں کے تعلیمی اداروں کے اندر بھی طلبہ نے اینٹی ٹرمپ احتجاج کا سلسلہ جاری رکھا ہوا ہے۔ ٹینیسی کی وانڈربِلٹ یونیورسٹی کے طلبہ نے ٹرمپ کی کامیابی کے بعد امریکا کی سلامتی کے لیے دعائیہ شبینہ عبادت کا اہتمام کیا۔

کئی دوسرے شہروں میں درمیانے درجے کے مظاہرے بھی ہوئے۔ ان میں ڈیٹرائٹ، مینی ایپلس، کنساس سٹی، میسوری، اولمپیا، واشنگٹن ڈی سی اور آئیوا خاص طور پر نمایاں ہیں۔ ان شہروں میں پانچ سو کے لگ بھگ مظاہرین ’نو ٹرمپ‘ والے بڑے بڑے بینر اٹھائے ہوئے تھے۔

ان مظاہرین کا کہنا ہے کہ ٹرمپ کے دور اقتدار کے دوران امریکا میں انسانی حقوق کو زک پہنچ سکتی ہے۔

ان مظاہروں کے خلاف نامزد صدر ڈونلڈ ٹرمپ نے ابتداء میں کہا تھا کہ یہ میڈیا کا شاخسانہ ہے لیکن اب انہوں نے اس حوالے سے مؤقف تبدیل کرتے ہوئے ایک ٹوئٹ کیا ہے کہ وہ امریکا کے لیے ایسے جذبات رکھنے والے مظاہرین کی قدر کرتے ہیں۔

پورٹ لینڈ میں مظاہرین نے ٹریفک روکنے کے علاوہ پولیس پر خالی بوتلیں اور پتھر بھی پھینکے۔ ان مظاہرین کو منتشر کرنے کے لیے پولیس کو آنسو گیس کا استعمال کرنا پڑا۔ پولیس نے مشتعل مظاہرین کو قابو کرنے کے لیے دھماکے اور روشنی والے گرینیڈز بھی پھینکے۔

اوریگن میں بھی ہفتے کی رات مظاہین کی ایک بڑی تعداد سڑکوں پر نکلی۔ ان مظاہرین کا کہنا ہے کہ وہ اپنے خیالات کا اظہار کھل کر کریں گے۔

پولیس کی طرف سے سیاہ فام باشندوں کے ساتھ گزشتہ کئی دہائیوں سے جاری مبینہ ظالمانہ طرز عمل کے خلاف تازہ مظاہروں کا آغاز پیر 25 مئی کو چھیالیس سالہ افریقی نژاد امریکی شہری جارج فلوئڈ کی ہلاکت کے بعد ہوا۔ ایک پولیس افسر نے فلوئڈ کو منہ کے بل گرا کر اس کے ہاتھوں میں ہتھ کڑی ڈالنے کے باوجود اس کی گردن کو اپنے گھٹنے سے مسلسل دبائے رکھا۔ اس کی وجہ سے فلوئڈ سانس گھٹنے سے موت کے منہ میں چلا گیا۔

ہفتے کے دن تک زیادہ تر مظاہرے پر امن تھے مگر رات کے وقت کچھ جگہوں پر پرتشدد واقعات بھی پیش آئے۔ واشنگٹن میں وائٹ ہاؤس کے باہر نیشنل گارڈز تعینات کر دیے گئے۔ انڈیاناپولس میں کم از کم ایک شخص گولی لگنے سے ہلاک ہو گیا مگر پولیس کا کہنا تھا کہ اس میں اس کا کوئی کردار نہیں۔ فلاڈیلفیا میں پولیس اہلکار زخمی ہوئے جبکہ نیویارک میں پولیس کی گاڑی نے احتجاجی مظاہرین کو ٹکر دے ماری۔

لاس اینجلس میں ’بلیک لائیوز میٹر‘کے نعرے لگانے والے مظاہرین پر پولیس کی طرف سے لاٹھی چارج کیا گیا اور ان پر ربڑ کی گولیاں چلائی گئیں۔ بعض شہروں، جن میں لاس اینجلس، نیویارک، شکاگو اور مینیاپولس شامل ہیں، مظاہرے جھڑپوں میں بدل گئے۔ ساتھ ہی لوگوں نے مقامی دکانوں اور کاروباروں میں تھوڑ پھوڑ اور لوٹ مار کی۔

امریکی صدر نے دھمکی دی ہے کہ وہ مظاہروں کو کچلنے کے لیے فوج بھیج سکتے ہیں۔ ٹرمپ کے بقول ان کی انتظامیہ پرتشدد مظاہروں کو سختی سے روکے گی۔ ٹرمپ کے یہ الفاظ ملک بھر میں غم و غصے کا سبب بنے۔ ٹرمپ نے تشدد کی ذمہ داری انتہائی بائیں بازو سے تعلق رکھنے والے گروپوں پر عائد کی۔ تاہم مینیسوٹا کے گورنر کے بقول ایسی غیر مصدقہ اطلاعات ہیں کہ سفید فاموں کی برتری پر یقین رکھنے والے لوگ تشدد کو بھڑکا رہے ہیں۔

ان مظاہروں کی کوریج کرنے والے بہت سے صحافیوں کو بھی سلامتی کے ذمہ دار اداروں کے اہلکاروں نے نشانہ بنایا۔ جمعے کو سی این این کے سیاہ فام رپورٹر عمر جیمینیز اور ان کے ساتھی کو پولیس نے گرفتار کر لیا۔ کئی صحافیوں کو اس وقت نشانہ بنایا گیا یا گرفتار کیا گیا جب وہ براہ راست رپورٹنگ کر رہے تھے۔ ڈی ڈبلیو کے صحافی اسٹیفان سیمونز پر بھی اس وقت گولی چلا دی گئی جب وہ ہفتے کی شب براہ راست رپورٹ دینے والے تھے۔

یہ مظاہرے پھیل کر اب دیگر ممالک تک پہنچ چکے ہیں۔ ہمسایہ ملک کینیڈا میں ہفتے کے روز ہزاروں افراد نے ٹورانٹو اور وینکوور میں سڑکوں پر مارچ کیا۔ جرمنی، برطانیہ اور نیوزی لینڈ کے علاوہ کئی یورپی ملکوں میں بھی سیاہ فاموں کے خلاف ناروا سلوک اور نسل پرستی کے خلاف مظاہرے کیے گئے ہیں۔ ان مظاہروں میں امریکی مظاہرین کے ساتھ اظہار یک جہتی بھی کیا گیا۔

ہفتے کے روز جرمن دارالحکومت برلن میں واقع امریکی سفارت خانے کے سامنے ہزاروں لوگوں نے مارچ کیا۔ مظاہرین نے جارج فلوئڈ کی ہلاکت اور امریکا میں منظم انداز میں نسل پرستی پھیلائے جانے کے خلاف احتجاج کیا۔