بھارت کے لیجنڈری اداکار امیتابھ بچن فلموں میں آنے سے قبل ایک شپنگ کمپنی میں ملازمت کرتے تھے۔ اُن کو پہلی ملنے والی تنخواہ پانچ سو روپے تھی۔

’دبنگ فیم‘ سلمان خان نے اپنا کیریئر اسٹیج ڈانس پرفارمر کے طور پر شروع کیا تھا۔ سلمان کو ایک ڈانس شو کے پچھتر روپے ملا کرتے تھے۔

معروف کیریکٹر ایکٹر عرفان خان اداکاری میں آنے سے قبل ٹیوشن پڑھایا کرتے تھے جس کے انہیں پچیس روپے ملے تھے۔

کلکی اداکاری سے پہلے انگلینڈ کے ایک کیفے میں ویٹرس کا کام کرتی تھیں۔ اُن کی پہلی آمدنی چالیس پونڈ تھی۔

شہرہ آفاق بولی ووڈ ہیرو دھرمیندر کو اُن کی پہلی فلم ’دل بھی تیرا ہم بھی تیرے‘ کے لیے کام کرناے کا معاوضہ اکیاون روپے ادا کیا گیا تھا۔

بالی ووڈ کے مشہور ایکٹر رندیپ ہڈا آسٹریلیا میں ایک ریستوران میں بطور ویٹر کام کرتے تھے۔ اس کام کے لیے انہیں فی گھنٹہ آٹھ آسٹریلین ڈالر اجرت ملی تھی۔

شاہ رخ خان آج بھارتی فلم انڈسٹری کے چوٹی کے ہیرو شمار ہوتے ہیں لیکن یہ کوئی نہیں جانتا کہ اداکاری کے میدان میں قدم رکھنے سے قبل خان نے کیا کیا پاپڑ بیلے۔ شاہ رخ خان ٹرینوں میں ریزرو نشتیں کسی مسافر کے ہاتھ بیچ دیتے تھے اور اس طرح کچھ پیسے بنا لیا کرتے تھے۔

قابل اور حسین اداکارہ اور معروف بھارتی اداکار انیل کپور کی صاحبزادی سونم کپور نے اپنی عملی زندگی کا آغاز اسسٹنٹ ڈائریکٹر کی حیثیت سے کیا تھا اور انہیں ماہانہ تین ہزار روپے تنخواہ ملتی تھی۔

رتک روشن نے چائلڈ آرٹسٹ کی حیثیت سے سو روپے معاوضے کے بدلے کام کا آغاز کیا تھا۔

عامر خان نے فلموں میں بطور اسسٹنٹ ڈائریکٹر کام کا آغاز کیا اور انہیں جو پہلی تنخواہ ملی وہ ایک ہزار روپے تھی۔

نصیرالدین شاہ بھارتی آرٹ فلموں کے ایک مایہ ناز اداکار ہیں۔ سوشل موضوعات پر اُن کی بیشتر فلمیں بار بار دیکھنے کے قابل ہیں۔ یہ امر دلچسپی سے خالی نہیں کہ شاہ پہلی بار ایک فلم میں چتا کو آگ لگائے جانے کے ایک سین میں ارد گرد کھڑے تماشائیوں میں شامل تھے اور اس کام کے لیے انہیں ساڑھے سات روپے ملے تھے۔

رومانوی فلموں کے ہیرو عمران ہاشمی کو ایک مچھر مار دوا کے ٹی وی اشتہار میں کام کرنے کے عوض 2500 انڈین روپے بطور معاوضہ دیے گئے تھے۔

کرینہ کپور بھی بالی ووڈ کی ماؤں میں شامل ہو تو گئی ہیں، تاہم بیٹے کا نام تیمور رکھنے پر خوب تنازعہ بھی کھڑا ہوا۔

ادیرا چوپڑا کی پیدائش کے بعد رانی مکھرجی بالی وڈ کی ماؤں کا حصہ بن گئی ہیں ۔ فلم ساز آدتیا چوپڑا سے شادی کے بعد بھی وہ آزادانہ طور پر فلمیں کرتی رہی ہیں۔

بالی ووڈ کی سب سے معروف ماں ایشوریہ بچن تصور کی جاتی ہیں۔ بھارتی سپر سٹار امیتابھ بچن کی بہو ہونے کی وجہ سے، ابھیشیک، ایشوریا اور ان کی بیٹی ارادھيا اکثر شہ سرخیوں میں رہتے ہیں۔

اجے دیوگن کے ساتھ شادی کرنے کے بعد کاجول کی زیادہ تر توجہ اپنے خاندان پر رہی ہے تاہم وہ گاہے گاہے فلموں میں نظر آتی رہتی ہیں اور ہر بار ہی فلم بینوں کا دل جیتنے میں کامیاب رہتی ہیں۔

شلپا کا فلمی کیریئر بھلے ہی ختم ہو گیا ہے لیکن کرکٹ فرنچائزز کی خریداری کے بعد شلپا نہ صرف گھر اور بچوں کی دیکھ بھال کرتی ہیں بلکہ انہوں نے اپنے شوہر راج کنڈارا کے ساتھ اپنا کاروباری کیریئر جاری رکھا ہے۔

شادی کے بعد مادھوری ڈکشٹ نے اپنی زندگی مکمل طور پر اپنے خاندان کے لیے وقف کر دی تھی لیکن بچوں کے بڑے ہونے کے بعد وہ دوبارہ گلیمر کی دنیا میں واپس آئی ہیں۔ تاہم اس بار مادھوری ٹی وی پر زیادہ نظر آتی ہیں۔

کونکنا سین نے بیٹے کی پیدائش کے بعد بھی فلم انڈسٹری سے ناطہ نہیں توڑا۔ شوہر رنویر شوری سے تعلقات خراب ہونے کی خبریں کافی عرصے سے میڈیا میں گردش کر رہی تھیں۔ بالآخر دونوں نے الگ ہونے کا فیصلہ کر لیا۔

پاپولر بھارتی ہیرو سلمان خان کی بھابی ہونے کے باوجود ملائکا نے بالی ووڈ میں اپنی جگہ خود بنائی ہے۔ گھر داری اور بچوں کی پرورش کے ساتھ ساتھ وہ اپنے فلمی کیرئیر پر بھی بھر پور توجہ دے رہی ہیں۔

مس یونیورس بننے والی سشمیتا سین بالی وڈ کی وہ واحد ماں ہیں جنہوں نے ابھی تک شادی نہیں کی ہے۔ دو بچیوں کو گود لینے والی سشمیتا اُن کی پرورش پوری توجہ سے کر رہی ہیں۔