ممبئی سے ملنے والی نیوز ایجنسی روئٹرز کی رپورٹوں اور بھارتی ٹیلی ویژن انڈیا ٹوڈے کی نشریات میں آج جمعہ 13 دسمبر کے روز بتایا گیا کہ مہاراشٹر کے ریاستی دارالحکومت میں ریزرو بینک آف انڈیا (آر بی آئی) کو ملنے والی ایک ای میل میں خبردار کیا گیا کہ اس مالیاتی ادارے کی عمارت کو دھماکہ خیز مواد سے حملے کا نشانہ بنایا جا سکتا ہے۔

ای میل بینک کے نئے گورنر کو بھیجی گئی

پولیس کے مطابق اس نے اس ای میل کی بینک انتظامیہ کی طرف سے اطلاع دیے جانے کے بعد تفتیش شروع کر دی ہے۔ اہم بات یہ ہے کہ آر بی آئی کو یہ ای میل روسی زبان میں لکھی گئی۔

بھارت میں گندم کی قیمتیں ریکارڈ حد تک زیادہ ہو گئیں

جرمن کمپنیوں کے لیے بھارت میں ترقی کے مضبوط مواقع، سروے

ممبئی پولیس کے ایک سینیئر افسر نے روئٹرز کو بتایا کہ ملک کے مرکزی بینک کو یہ ای میل آر بی آئی کے حال ہی میں نامزد کیے گئے نئے گورنر سنجے ملہوترا کے سرکاری ای میل اکاؤنٹ پر بھیجی گئی۔

اس پولیس اہلکار نے بتایا، ''ہم نے مقدمہ درج کر کے باقاعدہ تفتیش شروع کر دی ہے۔‘‘

ملک بھر میں اس ملنے والی بم حملوں کی سینکڑوں دھمکیاں

بھارت میں اس سال کے دوران اب تک مختلف اسکولوں، ریلوے اسٹیشنوں، ہوائی اڈوں اور فضائی کمپنیوں کو سینکڑوں ایسی دھمکیاں مل چکی ہیں، جن میں انہیں ممکنہ بم حملوں کے خلاف خبردار کیا گیا تھا۔ یہ سینکڑوں دھمکیاں بعد میں جعلی ثابت ہوئی تھیں۔

بھارت میں خلیجی ممالک سے آنے والی ترسیلات زر میں بھاری کمی

رواں ہفتے پیر کے روز صرف دارالحکومت دہلی ہی کے کم از کم 40 اسکولوں کو ای میلز کے ذریعے بم حملوں کی دھمکیاں ملی تھیں، جبکہ اس سال کے آغاز سے لے کر نومبر کے آخر تک ملک بھر میں مختلف ایئر لائنز اور ہوائی اڈوں کو مجموعی طور پر ایک ہزار سے زائد ایسی دھمکیاں ملی تھیں جو بعد میں بے بنیاد ثابت ہوئی تھیں۔

مودی حکومت کے لیے 24 ارب ڈالر، آر بی آئی کی آزادی مشکوک

اس سال نومبر کے آخر تک ملنے والی ایسی دھمکیوں کی تعداد بھارت میں پچھلے پورے سال کے دوران ایسے مجرمانہ واقعات کی مجموعی تعداد سے تقریباﹰ دس گنا زیادہ بنتی تھی۔

م م / ع ا (روئٹرز)