دہلی کا پرہجوم پرانے بازار ہر آنے والے کے لیے دلچسپی کا سامان فراہم کرتے ہیں۔ یہاں کتابیں،عروسی ملبوسات، مصالحہ جات اور ہر قسم کی اشیاء ملتی ہیں۔ کسانوں کے حالیہ احتجاج کے بعد لوگوں کے رش میں کمی دیکھی گئی ہے۔

دہلی کی جامع مسجد بھارت کی بڑی مساجد میں سے ایک ہے۔ اسے مغل بادشاہ شاہ جہاں نے تعمیر کرایا تھا۔ کورونا لاک ڈاؤن میں نرمی کے بعد یہاں جمعے کی نماز کا سلسلہ بحال ہو گیا ہے۔

بھارتی دارالحکومت کے قدیمی علاقے میں مغل دور سے اسٹریٹ فوڈ کی روایت چلی آرہی ہے۔ دوکانوں پر طرح طرح کے کھانے سجے دکھائی دیتے ہیں۔ محمد شاکر سن 1947 سے کباب کی دوکان چلا رہے ہیں۔ شاکر کے مطابق ہر طرح کے مشکل حالات کے باوجود ان کے کاروبار کو کوئی فرق نہیں پڑا۔

پرانی دہلی میں جلیبی کی ایک مشہور دوکان ہے۔ اس کا آغاز سن 1884 میں ہوا۔ یہاں ہر روز بے شمار لوگ تلی ہوئی میٹھی جلیبی کھانے آتے ہیں۔ کورونا وبا بعد دوکان میں ماسک اور دستانے پہن کر جلیبی بنائی جاتی ہے۔

اس علاقے میں کئی مقامات پر روزانہ غریب اور مفلوک الحال لوگوں کے لیے مفت خوراک کا انتظام کیا جاتا ہے۔ کورونا وبا میں بیروزگاری میں اضافہ ضرور ہوا لیکن خیرات کرنے والوں کا جذبہ بھی کم نہیں ہوا۔

اس چوک کو پرانی دہلی کا کہا جاتا ہے۔ لیکن کچھ لوگوں کے مطابق کورونا کے بعد بعض بلڈرز اس پرانے علاقے کو مسمار کرکے نئی تعمیرات کھڑی کرنا چاہتے ہیں۔ اس کام کے لیے وہ مالی تنگی کے شکار خاندانوں کو انہیں اپنی ملکیت بیچنے کی ترغیب دے رہے ہیں۔

شہر کے اس قدیمی حصے میں کشمیریوں کی خاصی تعداد بستی ہے، جہاں لذیذ کشمیری کھانے ملتے ہیں۔ حمید کی خواہش ہے کہ وادی کشمیر میں اساتذہ کے حالات بہتر ہوں۔ حمید کے مطابق وہ اپنی آواز حکمران طبقے تک پہچانے کے لیے دہلی آئے ہوئے ہیں۔

مغل بادشاہ شاہ جہاں نے جب دارالحکومت آگرہ سے دہلی منتقل کیا تو لال قلعے کو اپنی رہائش گاہ قرار دیا۔ اس سال جنوری میں کسانوں کے مظاہروں کے درمیان لال قلعہ احتجاج کا مرکز بن گیا، جس کے بعد سے اس تاریخی مقام کو سیاحوں کے لیے بند کردیا گیا ہے۔

سوشل ميڈيا پر مشہور گلوکارہ ريحانہ اور سويڈش ماحولیاتی کارکن گريٹا تھونبرگ سميت کئی اہم عالمی شخصيات نے بھارت ميں سراپا احتجاج کسانوں کی حمايت کی۔ بھارتی حکومت نے اسے اپنے اندرونی معاملات ميں ’دخل اندازی‘ قرار دیتے ہوئے اس کی مذمت کی ہے۔

گزشتہ برس ستمبر ميں بھارتی حکومت نے زراعت کے شعبے ميں نئے متنازعیہ قوانین وضع کیے۔ کسانوں کا کہنا ہے کہ اقدامات بڑی بڑی کارپوريشنوں کے مفاد ميں ہيں۔ کسانوں نے دو ماہ سے زائد عرصے قبل دارالحکومت دہلی کے نواح ميں اپنا احتجاج شروع کيا۔ مگر وزيراعظم نريندر مودی ڈٹے ہوئے ہيں کہ اصلاحات کسانوں کے مفاد ميں ہيں اور انہيں واپس نہيں ليا جائے گا۔

کسانوں تنظیموں کا موقف ہے کہ نيا قانون اس بات کی گارنٹی نہيں ديتا کہ زرعی پيداوار کسی کم از کم قيمت پر بک سکے گی، جس کے باعث وہ کارپوريشنوں کے چنگل ميں پھنس جائيں گے۔ اپنے مطالبات منوانے کے ليے کسانوں نے کئی ريلياں نکاليں۔ چھبيس جنوری کو بھارتی یوم جمہوریہ کے موقع پر ايک ريلی ميں ہنگامہ آرائی کے بعد سے ماحول کشيدہ ہے۔

باربيڈوس کی معروف پاپ اسٹار ريحانہ نے حال ہی ميں بھارتی کسانوں کی حمايت کا اظہار کيا۔ انہوں نے ٹوئيٹ میں کہا، ’’ہم اس بارے ميں بات کيوں نہيں کر رہے؟‘‘ عالمی سطح پر ان کی اس ٹوئيٹ کو کافی سراہا گيا مگر بھارت ميں کئی نامور ستارے اپنے ملک کے دفاع ميں بول پڑے اور ريحانہ کے خلاف کافی بيان بازی کی۔

اٹھارہ سالہ ماحول دوست کارکن گريٹا تھونبرگ نے بھی ايک ٹوئيٹ ميں بھارتی کسانوں اور ان کی تحريک کی حمايت کی، جس پر حکمران بھارتی جنتا پارٹی کافی نالاں دکھائی دے رہی ہے۔

کينيڈا کے وزير اعظم جسٹن ٹروڈو نے دسمبر ميں کسانوں کی حمايت ميں بيان ديتے ہوئے دھرنے پر تشويش ظاہر کی۔ اس پر بھارتی وزارت خارجہ نے بيان جاری کيا کہ ٹروڈو کا بيان بھارت کے اندونی معاملات ميں دخل اندازی ہے۔

انسٹاگرام اسٹار امانڈا سرنی نے اپنے اکاؤنٹ پر تين بھارتی خواتين کی تصوير شيئر کی، جس پر لکھا تھا کہ ’دنيا ديکھ رہی ہے۔ آپ کا يہ مسئلہ سمجھنے کے ليے بھارتی، پنجابی يا جنوبی ايشيائی ہونا ضروری نہيں۔ صرف انسانيت کے ليے فکر ضروری ہے۔ ہميشہ آزادی اظہار رائے، آزادی صحافت، سب کے ليے بنيادی شہری حقوق اور ملازمين کے احترام کا مطالبہ کريں۔‘

امريکی نائب صدر کملا ہيرس کی بھانجی اور وکيل مينا ہيرس نے بھی ٹوئيٹ کی کہ ’ہم سب کو بھارت ميں انٹرنيٹ کی بندش اور کسانوں کے خلاف نيم فوجی دستوں کے تشدد پر برہم ہونا چاہيے۔‘

امريکی ڈيموکريٹ سياستدان جم کوسٹا نے بھی بھارت ميں کسانوں کی تحريک کی حمايت کی ہے۔ انہوں نے وہاں جاری حالات و واقعات کو پريشان کن قرار ديا۔ خارجہ امور سے متعلق کميٹی کے رکن کوسٹا نے کہا کہ کسانوں کو پر امن احتجاج کا حق حاصل ہے اور اس کا احترام لازمی ہے۔

چوٹی کی نظميں لکھنے والی بلاگر روپی کور نے ريحانہ کی جانب سے اس مسئلے پر روشنی ڈالنے کی تعريف کی اور خود بھی کسانوں کی حمايت ميں بيان ديا کہ بھارت ميں زراعت کا شعبہ مشکلات کا شکار ہے۔ گزشتہ دو برسوں ميں وہاں کئی کسان خود کشياں کر چکے ہيں۔

امريکی اداکار اور رضاکار جان کيوسک بھی اس سال جنوری سے بھارتی کسانوں کی تحريک کی حمايت ميں بيان ديتے آئے ہيں۔