کارلو کوٹریلی اٹلی کے عبوری وزیراعظم ہیں، جنہیں ممکنہ عام انتخابات کی جانب بڑھتے ملک کی قیادت کرنا ہو گی۔ مارچ میں ہونے والے عام انتخابات کے بعد دو عوامیت پسند جماعتوں کے درمیان اتحادی حکومت کے لیے جاری مذاکرات کی ناکامی اور کابینہ کے لیے تجویز کردہ متنازعہ وزراء کی صدر سے توثیق میں ناکامی کے بعد یہ بحران گہرا ہو چکا ہے۔

گیوسپے کونتے، قانون کے پروفیسر اور سیاسی طور پر غیرمعروف شخصیت تھے، انہیں لیگ اور فائیواسٹار موومنٹ نے مشترکہ طور پر وزیراعظم کے عہدے کے لیے نامزد کیا تھا، تاہم کابینہ کے مجوزہ وزراء کو بلاک کر دینے پر انہیں یہ دوڑ چھوڑنا پڑی۔

صدر سیرگیو ماتیریلا کے مواخذے کے مطالبات سامنے آ رہے ہیں، انہوں نے عوامیت پسند اتحاد کی حکومت قائم ہونے کا راستہ روکا ہے۔ انہوں نے اس اتحاد کی جانب سے وزیرخزانہ کے عہدے کے لیے پاؤلو ساوونا کا نام لے کر تنقید کی۔ انہوں نے کہا کہ وہ یورو کے ناقد ہیں۔ عوامیت پسند جماعتیں یورپی یونین کی مخالف ہیں۔

ماہر اقتصادیات پاؤلو ساوونا، جنہیں عوامیت پسند اتحاد کی جانب سے وزارت خزانہ کا قلم دان سونپا جا رہا تھا، یورو کے شدید مخالف ہیں اور اسے ’جرمن پنجرہ‘ قرار دیتے ہیں۔ وہ کہہ چکے ہیں کہ اگر ضرورت پڑے تو اٹلی کو ’سنگل کرنسی‘ مارکیٹ چھوڑ دینا چاہیے۔ 81 سالہ ساوونا کو بہت سے اطالوی قانون کی سازوں کی حمایت بھی حاصل ہے، تاہم ان کی تقرری کو صدر کی جانب سے ویٹو کر دیا گیا۔

مارچ میں عام انتخابات میں فائیو اسٹار پارٹی نے لوئیگی دی مائیو کی رہنمائی میں 32 فیصد ووٹ حاصل کیے۔ کونتے کی کابینہ میں وزارتِ محنت کا قلم دان سونپا جانا تھا۔ وہ اس عہدے کے ذریعے یورپی یونین کے برخلاف اپنی جماعت کے ’بجٹ کٹوتیوں کے خاتمے کے منصوبے‘ کو عملی جامہ پہنانا چاہتے تھے۔ انہوں نے صدر کے مواخذے اور نئے انتخابات کا مطالبہ کیا ہے۔

ماتیو سالوینی یورو اور مہاجرین مخالف جماعت ’لیگ‘ کے قائد ہیں۔ مارچ کے انتخابات میں ان کی جماعت کو 17 فیصد ووٹ ملے۔ سالوینی یورپی پارلیمان کے رکن تو رہ چکے ہیں، تاہم انہیں یا ان کی جماعت کو حکومت یا انتظام چلانے کا کوئی تجربہ نہیں۔ سالوینی نئی حکومت میں وزارت داخلہ کا قلم دان چاہتے تھے۔

سابق وزیراعظم سیلویو بیرلسکونی اور ان کی جماعت فورزا اٹالیا لیگ سمیت چار جماعتوں کے ساتھ مل کر ایک اتحاد قائم کرنے میں کامیاب ہو گئے تھے، تاہم بعد میں لیگ فائیواسٹار پارٹی کے ساتھ اتحادی حکومت سازی میں مصروف ہو گئی، جس پر بیرلسکونی نے افسوس کا اظہار کیا۔ ان کا کہنا ہے کہ وہ ’ذمہ داری اور تحمل‘ کے ساتھ اپوزیشن کا کردار نبھانا چاہتے ہیں۔

ہٹلر کے پراپیگنڈا منسٹر کے طور پر نازی سوشلسٹوں کا پیغام ’تھرڈ رائش‘ کے ہر شہری تک پہنچانا ایک کٹر سامی دشمن گوئبلز کی سب سے بڑی ذمہ داری  تھی۔ گوئبلز نے پریس کی آزادی پر قدغنیں لگائیں، ہر طرح کے ذرائع ابلاغ، فنون اور معلومات پر حکومتی کنٹرول سخت کر دیا اور ہٹلر کو ’ٹوٹل وار‘ یا ’مکمل جنگ‘ پر اُکسایا۔ گوئبلز نے 1945ء میں اپنے چھ بچوں کو زہر دینے کے بعد اپنی اہلیہ سمیت خود کُشی کر لی تھی۔

1933ء میں بطور چانسلر برسرِاقتدار آنے سے پہلے ہی جرمن نیشنل سوشلسٹ ورکرز پارٹی (نازی) کے قائد کے ہاں سامی دشمن، کمیونسٹ مخالف اور نسل پرستانہ نظریات ترویج پا چکے تھے۔ ہٹلر  نے جرمنی کو ایک آمرانہ ریاست میں بدلنے کے لیے سیاسی ادارے کمزور کیے، 1939ء تا 1945ء جرمنی کو دوسری عالمی جنگ میں جھونکا، یہودیوں کے قتلِ عام کے عمل کی نگرانی کی اور اپریل 1945ء میں خود کُشی کر لی۔

نازیوں کے نیم فوجی دستے ایس ایس (شُٹس شٹافل) کے سربراہ ہِملر نازی جماعت کے اُن ارکان میں سے  ایک تھے، جو براہِ راست ہولوکوسٹ (یہودیوں کے قتلِ عام) کے ذمہ دار تھے۔ پولیس کے سربراہ اور وزیر داخلہ کے طور پر بھی ہِملر نے ’تھرڈ رائش‘ کی تمام سکیورٹی فورسز کو کنٹرول کیا۔ ہِملر نے اُن تمام اذیتی کیمپوں کی تعمیر اور آپریشنز کی نگرانی کی، جہاں چھ ملین سے زائد یہودیوں کو موت کے گھاٹ اُتارا گیا۔

ہَیس 1920ء میں نازی جماعت میں شامل ہوئے اور 1923ء کی اُس ’بیئر ہال بغاوت‘ میں بھی حصہ لیا، جسے اقتدار اپنے ہاتھوں میں لینے کے لیے نازیوں کی ایک ناکام کوشش کہا جاتا ہے۔ جیل کے دنوں میں ہَیس نے ’مائن کامپف‘ لکھنے میں ہٹلر کی معاونت کی۔ 1941ء میں ہَیس کو ایک امن مشن پر سکاٹ لینڈ جانے پر گرفتار کر لیا گیا، جنگ ختم ہونے پر 1946ء میں عمر قید کی سزا سنائی گئی اور جیل ہی میں ہَیس کا انتقال ہوا۔

آئش مان کو بھی یہودیوں کے قتلِ عام کا ایک بڑا منتظم کہا جاتا ہے۔ ’ایس ایس‘ دستے کے لیفٹیننٹ کرنل کے طور پر آئش مان نے بڑے پیمانے پر یہودیوں کو مشرقی یورپ کے نازی اذیتی کیمپوں میں بھیجنے کے عمل کی نگرانی کی۔ جرمنی کی شکست کے بعد آئش مان نے فرار ہو کر پہلے آسٹریا اور پھر ارجنٹائن کا رُخ کیا، جہاں سے اسرائیلی خفیہ ادارے موساد نے انہیں پکڑا، مقدمہ چلا اور 1962ء میں آئش مان کو پھانسی دے دی گئی۔

ناکام ’بیئر ہال بغاوت‘ میں شریک گوئرنگ نازیوں کے برسرِاقتدار آنے کے بعد جرمنی میں دوسرے طاقتور ترین شخص تھے۔ گوئرنگ نے خفیہ ریاستی پولیس گسٹاپو کی بنیاد رکھی اور ہٹلر کی جانب سے زیادہ سے زیادہ نا پسند کیے جانے کے باوجود جنگ کے اختتام تک ملکی فضائیہ کی کمان کی۔ نیورمبرگ مقدمات میں گوئرنگ کو سزائے موت سنائی گئی، جس پر عملدرآمد سے ایک رات پہلے گوئرنگ نے خود کُشی کر لی۔

چارلی چپلن کی فلم ’دی گریٹ ڈکٹیٹر‘ آج بھی جرمنی کے نازی سوشلسٹ دور کے پس منظر کے حوالے سے ایک اہم اور انتہائی مزاحیہ فلم تصور کی جاتی ہے۔ چارلی نے طنز و مزاح کا سہارا لیتے ہوئے انتہائی مؤثر انداز میں ہٹلر کی شخصیت کے مختلف پہلوؤں کا احاطہ کیا تھا۔

چارلی چپلن کے فن کو خراجِ تحسین پیش کرنے کے لیے ’دی چارلی چپلن آرکائیو‘ کے نام سے ایک ضخیم کتاب شائع ہوئی ہے، جس میں چپلن کے کیریئر کی اہم ترین فلموں میں شمار ہونے والی ’دی گریٹ ڈکٹیٹر‘ کو مرکزی اہمیت دی گئی ہے۔ اس کتاب میں چپلن کی نادر و نایاب تصاویر شامل کی گئی ہیں، مثلاً یہ تصویر فلم ’دی سرکس‘ سے لی گئی ہے۔

چپلن کے فن کے کئی اسرار و رموز میں سے ایک یہ بھی تھا کہ وہ ’دی گریٹ ڈکٹیٹر‘ کی طرح اپنی ابتدائی دور کی اور بعد کی فلموں میں بھی اپنے کردار کے طربیہ اور المیہ پہلوؤں کو ایک دوسرے میں مدغم کر دیتے تھے۔ بے انتہا کامیابی سے ہمکنار ہونے والی فلم ’دی گولڈ رَش‘ میں بظاہر ایک شخص بھوک سے مر رہا ہوتا ہے لیکن پھر بھی اس فلم میں فلم بینوں کے لیے ہنسی کا بہت سامان موجود ہے۔

تازہ تازہ شائع ہونے والی کتاب ’دی چارلی چپلن آرکائیو‘ سے پتہ چلتا ہے کہ چارلی چپلن کی اُن فلموں کی تیاری کے دوران کتنی محنت کی گئی ہوتی تھی، جو بعد میں بہت آسانی کے ساتھ اور بے ساختہ بنی ہوئی لگتی تھیں۔ اس کتاب میں چپلن کی نجی زندگی پر بھی تفصیلات موجود ہیں۔ اس تصویر میں چارلی چپلن اپنی ساتھی اداکارہ پاؤلیٹ گوڈارڈ کے ساتھ نظر آ رہے ہیں، جس کے ساتھ بعد میں چپلن نے شادی کر لی۔

چارلی چپلن کو دنیا بھر میں بے انتہا مقبولیت حاصل ہوئی۔ فلموں کے ساتھ ساتھ اُس کی تصاویر، کتابیں اور کارٹون بھی لوگوں میں بہت مقبول ہوئے۔ چارلی چپلن کا کردار ’ٹریمپ‘ بیس ویں صدی کی ثقافتی تاریخ کے مرکزی کرداروں میں سے ایک ہے۔

’ٹریمپ‘ یا ایک آوارہ اور آزاد منش انسان کا کردار شروع ہی سے چارلی چپلن کے پسندیدہ ترین فلمی کرداروں میں سے ایک تھا۔ چپلن نے ایک بار کہا تھا:’’ایک بات میں جانتا ہوں: کہ غربت نے مجھے کچھ سکھایا نہیں بلکہ اس کے برعکس اُس نے میرے تصورات کو توڑ مروڑ اور بگاڑ دیا اور میرے سامنے زندگی کا ایک غلط تصور پیش کیا۔‘‘ چپلن فلموں کے ذریعے ہرگز یہ ثابت نہیں کرنا چاہتے تھے کہ غربت یا سادگی کوئی بہت اچھی چیز ہیں۔

چارلی چپلن نے اپنے کیریئر کا آغاز خاموش فلموں سے کیا تھا۔ اُس دور میں وہ بلاشبہ دنیا کے مشہور ترین فنکار تھے۔ بولتی فلموں کا دور اُن کے لیے مشکلات اور مسائل لے کر آیا۔ ’دی گریٹ ڈکٹیٹر‘ میں الفاظ اور آواز کا انتخاب بلاشبہ بہت عمدہ تھا لیکن زیادہ تر بولتی فلموں میں اُنہیں یہ کامایبی نہ مل سکی۔ یہ تصویر بعد میں تنقید کا نشانہ بننے والی فلم ’موسیو وَیردُو‘ کی شوٹنگ کے دوران اُتاری گئی۔

چپلن نے اکثر اس بات پر زور دیا کہ دراصل وہ ہمیشہ حسن کی تلاش میں رہے۔ اسی لیے اس نئی کتاب کے پبلشر نے اپنے دیپباچے کو بھی ’حسن کی تلاش میں‘ کا نام دیا ہے۔ ’ٹاشن‘ نامی جرمن اشاعتی ادارے نے یہ کتاب انگریزی زبان میں شائع کی ہے۔ اس کتاب کو 2015ء کی خوبصورت ترین فلمی کتاب قرار دیا جا رہا ہے۔